Филимонға 1:6 - Наа Молҷағ

⁶ Синің киртіністіглернең палғалызың тӱзімніг ползын паза чуртастарыңда пар чахсы нимені сизінерін пирзін тіп пазырчам. Ол піске Христосты сабландырар ӱчӱн пирілген. (Хайдағ даа чахсы нимені оңарарыңда киртініс палғалыстарың тӱзімніг ползыннар. Анзы піске Христостың ӱчӱн пирілген).

Филимонға 1:6 Referans Kwoze

2 Петрның 1:8

Прай пу ниме сірерде пар полза, ол кӧптеліп одырза, сірер Хан-пигібіс Иисус Христосты пілерінде тӱзімніг паза маңнаныстығ поларзар.

Колоссадағыларға 1:9

Аннаңар піс тее, мыны ис салған кӱннең сығара, сірердеңер тохтағ чох пазырчабыс. Худай Позының пӧгіннерінеңер сірерге толдыра піліс пирзін тіп, Аннаң сурынчабыс. Іди сірер хайдағ даа нимеде хыйға тудынарзар паза Худай Худынаң пирілчеткенні оңар пілерзер.

Матфей 5:16

Сірернің дее чарытхыларың кізілерге іди чарызын, олар сірернің чахсы киректеріңні кӧрзіннер паза Тигірдегі Пабаңарны сабландырзыннар. –

1 Петрның 2:12

Пасха чонның аразында сірерні чабал кізілер тіп чоохтапчатсалар даа, чахсы ла чӧріңер. Худай оларзар килген туста, тізең, олар, чахсы киректеріңні кӧріп, Худайны саблирлар.

Иаковтың 2:17

Ідӧк киртініс тее, сынап иткен киректері чох полза, пос позы ла полза, ӧліг.

Иаковтың 2:14

Харындастарым! Піреезі «иткен киректерім чоғыл, че киртінізім пар» тізе, ноо тузадыр. Андағ киртініс арачылап полар ба?

Еврейлерге 6:10

Худай саба идер чоғыл. Ол сірернің хайди тоғынғаннарыңны паза Позына хайди хынғаннарыңны ундутпас. Сірер Худайға хынчатханнаңар, пасха ах-арығ кізілерге полысхазар паза полысчазар нооза.

Титке 3:14

Пістіңнер дее, тик чӧрбес ӱчӱн, сығысхан кирексіністерін толдырар ӱчӱн, чахсы киректер идерге ӱгрензіннер.

1 Коринфтегілерге 14:25

Ол оңдайнаң аның чӱреендегі чазыттары азыл парча. Ол, тӱңере тӱзіп, Худайға пазырар паза тир «Худай сыннаң даа сірернің аразында».

1 Петрның 3:16

арығ сағыстығ полыңар. Андада сірерні чабал тіпчеткен, Христоста иптіг чуртапчатханнарыңны сӧклепчеткен кізілер постары уйатха кірерлер.

1 Петрның 3:1

Сірер, ипчілер, ідӧк ирлеріңнің сӧзінең сыхпаңар. Андада Худай сӧзін испинчеткен хай пірее ирлер, ипчілерінің чуртастары пастыра ла, артых чоохтаспин, Худайға хозыл парарлар. Сірернің арығ сағыстығ, Худайдаң хорығып чуртапчатханнарыңны кӧрзелер, оларға пір дее ниме чоохтирға кирек чох полар.

Филипптегілерге 4:8

Тӱгенҷізінде, харындастар, сын, ах сағыстығ, орта, арығ, хыныстығ, турыстығ чахсы паза махтағлығ ла нимедеңер сағыныңар.

1 Коринфтегілерге 16:9

Минің мында тӱзімніг тоғынып алар оңдайым пар, че ыырҷыларым кӧп.

Колоссадағыларға 3:10

Сірер наа кізі пол парғазар. Пу наа кізі, Худайны пілгені пастыра нааҷыланып, позының Чайаачызының омазына тӧӧй полып одырча.

Матфей 25:16

Пис талант алған нымысчы, парып, ол ахчазын кирекке тузаланып, хоза пис талант идіп алған.