Филимонға 1:22 - Наа Молҷағ

²² Ағаа хоза, мағаа орын даа тимнеп пир: сірернің пазырғаныңар хоостыра, сірерге сыйых полып пирілеріме ізенчем.

Филимонға 1:22 Referans Kwoze

Филипптегілерге 2:24

Тӱрчедең позым даа сірерзер кил поларым тіп Хан-пигібісте ікінҷілебинчем.

2 Коринфтегілерге 1:11

Сірер, пазырып, піске матап полысчазар нооза. Худай, кӧп кізінің пістің ӱчӱн пазырғанын истіп, пісті ал халған. Аның ӱчӱн кӧп кізі Худайны алғыстаан.

2 Иоанның 1:12

Сірерге пасчаң кӧп нимелерім пар, че ол нимелерні чаҷында черниланаң тооза пазарға хынминчам. Ӧріністерің толдыра ползын тіп, сірерзер киліп, кӧстең кӧске чоохтазып аларыма ізенчем.

Иаковтың 5:16

Чазыхтарыңны удур-тӧдір сығарынызыңар. Чазыл парар ӱчӱн, пірсі пірсінің ӱчӱн пазырыңар. Арығ чӱректіг кізінің пазырғаны улуғ кӱстіг ниме.

Филипптегілерге 1:19

Пілчем нооза ниме дее миннең пол парза, сірернің пазырғаныңар паза Иисус Христос пирген Хут полысханы мағаа арачыланыс полар.

Илҷілернің 28:23

Анаң чоохтас салған кӱнде Павел чуртапчатхан хоных-туразынзар уғаа кӧп кізі килген. Павел оларға иртеннең иирге теере Худай хан-ӱлгӱзінеңер ӱгредігні искірген паза Моисей Чахиина, ідӧк ухаанҷылар пічіктеріне тӧстеніп, оларны Иисусха киртіндірерге кӱстенген.

3 Иоанның 1:14

Тӱрчедең сағаа тоғазып, кӧстең кӧске чоохтазып аларыма ізенчем.

Еврейлерге 13:23

Піліңер, Тимофей харындазыбыс харибдең сыхты. Ол пу чағында минзер килзе, мин, сірернең тоғазарға парчатсам, аны хада алып аларбын.

Еврейлерге 13:19

Худай мині сірерзер табырах нандыра ыссын тіп, улам тың пазырыңар.

Римдегілерге 15:24

Испан чирінзер чол сыхсам, сірерзер чидерге тіп сағынған полғам. Андар парирып, сірернең кӧрізіп, чоохтазып алғаныма кӧңнімні кӧмес тее тосхырған соонда, сірер мағаа чолымны аннаң андар узарадарға полыс пирерзер тіп ізенчем.

Илҷілернің 27:24

Худай ангелі мағаа теен: «Хорыхпа, Павел! Син Рим хағанының алнында турарға кирексің, аннаңар синің ӱчӱн Худай синнең хада чӱс парчатханнарның тыннарын арачылир».