Еврейлерге 8:8 - Наа Молҷағ

⁸ Че Худай, Позының чонында читпес сарин кӧріп, теен: «Израильнең Иуданың чонына Наа Молҷағ пирер кӱннер чидіп одырлар, – тіпче Хан Худай.

Еврейлерге 8:8 Referans Kwoze

Еврейлерге 12:24

Сірер Наа Молҷағны пирген Иисуссар паза ханының чачырадызына килгезер. Аның ханы Худайдаң пыро тастирдаңар сурынча. Ол хан Авельнің ӧс алардаңар сурынчатхан ханынаң тың хысхырча.

Еврейлерге 9:15

Аннаңар піске Наа Молҷағны пирген кізі Христос полча. Ол кізілернің пастағы Молҷағның тузында иткен сайбағлары ӱчӱн ӧл парған. Аның сылтаанда Худай мӧгі чуртас аларға хығыртхан кізілерге молҷаан нимені пирче.

2 Коринфтегілерге 3:6

Ол піске Наа Молҷағның нымысчылары поларға оңдай пирген. Піс холнаң пазылған чахыға нимес, че Худайның Худына нымысчы полчабыс. Холнаң пасхан чахығлар ӧлімге ағылчалар, Худай Худы, тізең, тірілдірче.

1 Коринфтегілерге 11:25

Ідӧк иирдегізін азыранған соонда, ідіс алып, «пу минің ханымнаң таңмалалған Наа Молҷағ. Мині сағысха кирген сай, мыны іскен сай підиӧк итчедіңер» теен.

Лука 22:20

Азыранып алған соонда, чірченең дее ідӧк идіп, чоохтанған: – Пу чірче – сірернің ӱчӱн тӧгілчеткен ханымнаң таныхталған Наа Молҷағ.

Марк 14:24

Иисус теен оларға: – Пу чірчеде Наа Молҷағны таныхтапчатхан ханым, кӧп кізінің ӱчӱн тӧгілер ол.

Лука 17:22

Ідӧк Ол ӱгренҷілеріне теен: – Килер андағ тус, хаҷан сірер Кізі Оолғының пірее кӱнін кӧріп аларға сағынарзар, че кӧр полбассар.

Матфей 26:28

Пу Наа Молҷағны таныхтапчатхан ханым. Ол кӧп кізілернің чазыхтарын позыдар ӱчӱн тӧгілче.

Еврейлерге 7:22

Худай сӧс пирген. Аннаңар иң артых молҷағ сынында тоғынарына Иисус киртістіг киречі полча.

Еврейлерге 8:6

Амды Худай Иисусты чирдегі абыстарның тоғыстарынаң артых тоғысха таллап алған. Моисейге Худай пирген Молҷағның хыринда Иисус пирген Молҷағ кізілерге артых нимелерге ізеніс пирче нооза.

Еврейлерге 8:13

Мыны Худай «Наа Молҷағдаңар» теен. Анзы алындағы Молҷағ иргілен парғанын киречілепче. Иргілен парған ниме, тізең, табыраанҷа чох иділ парча.

Лука 5:38

Наа араға наа тууп торсыхха урыларға кирек. Андада анзы даа, мынзы даа хайраллал халар.