Еврейлерге 8:4 - Наа Молҷағ

⁴ Мында, чир ӱстӱнде, Моисей Чахиинда чоохталчатхан тайығларны итчеткен абыстар парлар. Аннаңар пістің иң улуғ абызыбыс чир ӱстӱнде чуртаан полза, ол абыс пол полбасчых.

Еврейлерге 8:4 Referans Kwoze

Еврейлерге 5:1

Кізілернің санынаң табылған ноо даа иң улуғ абыс оларның ӱчӱн Худайның нымызына чӧрерге турғызыл парған. Ол, Худайға сыйыхтар салып, кізі чазыхтары ӱчӱн тайығ итче.

Еврейлерге 11:4

Авель Худайға киртінген. Аннаңар аның тайии Каиннинең артых полған. Авельнің киртінізін кӧріп, Худай аның арығ чӱректіг полчатханын киречілеен. Аннаңар Худай аның тайиин алған. Авель ӧл тее парған полза, аның киртінізі пӱӱнгі кӱнге теере піске кӧзідім полча.

Еврейлерге 7:27

Иисусха, пасха абыстарға чіли, кӱннің сай тайығ идерге кирек чоғыл. Олар аны пастап постарының, анаң кізілернің чазыхтары ӱчӱн итчедедірлер. Ол, тізең, прайзының ӱчӱн пір хати паза хаҷанға даа Позын тайыға пир салған.

Еврейлерге 8:3

Полған на иң улуғ абыс Худайға сыйыхтар ағыладыр, тайығ идедір. Аннаңар пістің дее иң улуғ абызыбыстың ағылҷаң нимезі поларға кирек.

Еврейлерге 9:9

Ол ызых отах пістің тустың омазы полча. Пу туста ағылған сыйыхтар паза иділген тайығлар оларны итчеткен кізіні арығ чӱректіг итпинчелер.

Еврейлерге 10:11

Полған на абыс, кӱннің-таңда храмда тоғынып ала, кӧп хати олох ла тайығларны идедір. Че ол тайығлар кізілерні чазыхтаң арығлап полбинчалар.