Biblia Todo Logo
Bib sou entènèt

- Piblisite -




Еврейлерге 4:12 - Наа Молҷағ

12 Худайның сӧзі тіріг паза позының тоғызын ит парча. Ол ікі сари чітіділген хылыстаң даа чітіг. Ол, тирең ӧтіп, кізінің тынын худынаң, сӧӧктерін, тізең, чіліңнерінең чар полар. Ол туйух сағыстарны даа, чӱректің чазыт хынығыстарын даа чарғылапча.

Gade chapit la Kopi




Еврейлерге 4:12
42 Referans Kwoze  

Арачыланыс полчатхан тимір тулағаны даа, Худайның сӧзі полчатхан Хуттың хылызын даа алып алыңар.


Сірерге чызып парчатхан ӱрен нимес, мӧгі ӱрен чуртасты пирген. Ол ӱрен Худайның тӱгенмес тіріг сӧзі полча.


Ол оң холында читі чылтыс тутча паза ікі сари чітіг хылыс Аның ахсынаң сыхча. Аның сырайы кӱнӧрткідегі кӱн чіли чалтырапча.


Аннаңар, сірер пістең искен Худай сӧзін, кізі сӧзін чіли нимес, че Худай сӧзін чіли алынғаннарың ӱчӱн, Худайыбысты сыбыра алғыстапчабыс. Ол сынынаң Худай сӧзі паза сірерге, киртінчеткеннерге, тееліп, сірерні алыстырча.


Мин Христостаңар Чахсы Хабарны чарлапчатханымнаң уйатпинчам. Ол Хабарның киртінчеткеннерні хайзын даа, иң пурнада иудейні, анаң иудей ниместі арачылаҷаң Худай кӱзі пар, нооза.


Аның ахсынаң чоннарны хырҷаң чітіг хылыс сыхчатхан. Ол тимір тайахнаң чоннарны хадарча паза Прай нимедең кӱстіг Худайның тарыныс паза ӧкпеленіс арағазын сыға пасчаң сапчахты типсепче.


Чарыхха сығарылчатхан прай киректер іле кӧрінедірлер. Прай кӧріндіре иділчеткен ниме – чарых.


Мына нимедеңер чоохтапча пу кип-чоох. Ӱреннер – ол Худай сӧзі полча.


Худайдаң тӱсчеткен тигірдегі тіріг халас Минмін. Пу халасты чіпчеткен кізі мӧгі чуртастығ полар. Минің пирер халазым Минің ит-сӧӧгім полча. Мин аны чир-чалбахтағы кізілернің чуртастары ӱчӱн пирібізербін.


Чааҷылары, тізең, ах аттығ Чалаңның ахсынаң сыхчатхан хылысха хырдырғаннар. Прай хустар, оларның ит-сӧӧктерін хахлап, тосханнар.


Пыросыныңар! Пыросынмазар, Мин, тӱрчедең сірерзер киліп, хылыс осхас тілімнең оларнаң чаалазарбын.


Устағҷыларыңнаңар сағыныңар. Олар сірерні Худайның сӧзіне ӱгреткеннер. Олар хайди чуртаанын паза ӱреенін сағынып, олар киртінген чіли киртініңер.


Олар пазырарын тоос салғаннарындох, чыылысхан чир чайхала тӱскен. Прайзы, Худай Худынаң тол чӧрібізіп, Худай сӧзін туртухпин чоохтап сыххан.


Кізілернің, ол сӧстерні истіп, чӱректері ачаан. Олар Пётрға, пасха даа илҷілерге чоохтанғаннар: – Харындастар, амды піс ниме идибіс?


Мин аның палаларына ӧлім ызарбын. Кізілер чӱректерінің паза сағыстарының сыныхтағҷызы полчатханымны прай тигіриблер піліп аларлар. Сірерге, полғаныңарға ла, иткен киректерің хоостыра тӧлеп пирербін.


Мин ӱлгӱ сіреелерін паза чарғылаҷаң ӱлгӱ пирілген кізілернің анда одырчатханнарын кӧр салғам. Олар, Иисустаңар паза Худай сӧзінеңер киречілееннері ӱчӱн, мойныларын ӱзе саптырған кізілернің хуттары полғаннар. Олар аңа паза аның омазына пазырбааннар, хамахтарына алай холларына аның таңмазын турғыстырбааннар. Олар тіріл килгеннер паза Христоснаң хада пір муң чыл ӱлгӱ тутханнар.


Амыр пирчеткен Худайыбыс Позы сірерні тооза ах-арығ ит салзын. Хан-пигібіс Иисус Христостың килеріне сірернің худыңар, кӧңніңер, идіңер пырозы чох хайраллал халзыннар.


Че піс туйух, уйадыстығ киректерні хыйа итчебіс паза кӧйтікке салынминчабыс. Піс, Худай сӧстерін хыйыстырбин, сынны азып, постарыбысты Худайның алнында ноо даа кізінің чарғызына сығарчабыс.


Пісті Аның таллама чайаачызы ползыннар тіп сағынып, Ол пісті сынның сӧзінең тӧріт салған.


Илееде кізі Худайның сӧзін парыс алар ӱчӱн таратча. Піс олар чіли итпинчебіс. Худайның алнында кӧйтіктенмин тудынып, чоохтапчабыс. Піс Христостың нымысчыларыбыс нооза.


Че Худай арачыланысха хығыртылғаннарға – иудейлерге паза гректерге – пістің ӱгредиибіс Христос полча, Ол Худайның кӱзі паза хыйғазы.


Ӧӧркі Чарғыдағылар, анзын истіп, тарынғаннарына сала чара чачырабин, илҷілерні ӧдір саларға сағынғаннар.


Мині хыйа итчеткен, сӧзімні чағын итпинчеткен кізее чарғыҷы пар. Минің чоохтаан сӧзім аны тӱгенҷі кӱнде чарғылир.


Ана ол Моисей, кемнең Синай тағда ангел чоохтасхан паза хуу чазыда чыылған пістің ӧбекелерібіснең хада полған, Худайның чуртас пирчеткен сӧстерін алған, анаң піске оларны читірген.


Ол, Чахсы Хабарны чир ӱстӱне читіріп, тигірибні Худайға чарыдар ӱчӱн, аны, суғнаң чуубызып, арығлап салған.


Олар Худай сӧзі чахсы полчатханын чуртастарында постары кӧргеннер, Худай ӱлгӱзінің кӱзін сизінгеннер.


Swiv nou:

Piblisite


Piblisite