Еврейлерге 3:5 - Наа Молҷағ

⁵ Моисей, Худайның чонына полызып, киртістіг нымысчы полған. Аның пастыра Худай соонаң полар нимедеңер чарлаан.

Еврейлерге 3:5 Referans Kwoze

Еврейлерге 3:2

Моисей Худайның туразындағы тоғысха киртістіг полған чіли, Иисус таа Аны ысханға киртістіг полған.

Илҷілернің 28:23

Анаң чоохтас салған кӱнде Павел чуртапчатхан хоных-туразынзар уғаа кӧп кізі килген. Павел оларға иртеннең иирге теере Худай хан-ӱлгӱзінеңер ӱгредігні искірген паза Моисей Чахиина, ідӧк ухаанҷылар пічіктеріне тӧстеніп, оларны Иисусха киртіндірерге кӱстенген.

Еврейлерге 8:5

Че хаҷан Моисей ызых отах пӱдірерге итчеткенде, Худай ағаа теен: «Прай нимені, мин сағаа тағда кӧзіткен оңдайҷа иділзін тіп, сыныхтабыс тур». Аннаңар чирдегі абыстар, тигірдегізіне кӧӧгіп, хобырғаннарына ла килісче.

1 Тимофейге 1:12

Мағаа кӱс пирген Хан-пигібіс Христос Иисусты киртінгені паза кирекке турғысханы ӱчӱн алғыстапчам.

Еврейлерге 9:24

Христос, тигірдегізін сомнапчатхан, кізі холы иткен иң ызых отахха кірбеен. Ол, амды пістің ӱчӱн Худайның алнында турызарға тіп, тигірге кірген.

Римдегілерге 3:21

Амды, тізең, Худайның ахтазы чахығдаң алынҷа азыл парған. Анзынаңар чахығ паза ухаанҷылар киречілепчелер.

Иоанн 5:39

Сірер Худай Пічиинде мӧгі чуртас таап аларға ізенчезер, аннаңар оларны ӱгренчезер. Оларда даа Миннеңер пазылча.

Лука 24:44

Анаң оларға теен: – Сірернең хада полғанда, чоохтаан сӧстерім мынзын таныхтапча: Моисей Чахиинда, ухаанҷыларның пічіктерінде паза Ырларда Миннеңер пазылған прай нимелер тол парарға киректер.

Лука 24:27

Анаң Ол, прай Худай Пічиинде, Моисей Чахиинаң пастади прай ухаанҷыларнинда Позынаңар ниме чоохталғанын пуларға изерістіре прай чарыт пирген.

1 Коринфтегілерге 4:2

Хайраллапчатхан кізілердең полғанынаң на киртістіг тудынары киректелче.

Илҷілернің 7:37

Пуох Моисей Израиль кізілеріне теен: «Ухаанҷыны Худай, миніӧк чіли, сірернің харындастарыңның аразынаң таллап, сірерзер ызар. Аны истіңер».

Лука 12:42

Хан-пиг, тізең, нандырған: – Кемдір ізестіг паза хыйға тура устағҷызы? Ээзінің пасха чалҷыларның пазында турғызылған паза оларға чіҷең нимені тузында пирҷең тура устағҷызы.

Матфей 25:21

«Чахсы паза ізестіг нымысчым! Син кічіг киректе ізестіг полдың. Мин сині кӧп нименің пазында турғызарбын. Ээзіңнең хада ӧрін» – тіп нандырған ағаа ээзі.

Матфей 24:45

Кем андағда ізестіг паза хыйға нымысчы? Тура ээзі, чіҷең нимені нымысчыларға тузында пир турзын тіп, нымысчыны турғысхан.

Еврейлерге 1:1

Худай пурунғыдаң ала ӧң-пазы оңдайларнаң ӧбекелерібіске ухаанҷылар пастыра кӧп хати чоохтанған.

Еврейлерге 3:4

Ноо даа тураны кем-де пӱдір салған. Худай, тізең, прай нимені пӱдір салған.

Азых чоох 15:3

Олар Худай нымысчызы Моисейнің паза Хурағанның сарынын сарнапчалар: – Илбек паза хайхастығ Синің иткен киректерің, ӧӧркі Чайаачы, Прай нимедең кӱстіг Худай! Син Ах-арығ кізілеріңнің Ханы! Синің чолларың орта паза сын!