Еврейлерге 11:1 - Наа Молҷағ

¹ Киртініс – ол ізенген нименің хайди даа толарын ікінҷілебинчеткені паза кӧрінмес нимелернің сынында поларын чахсы пілчеткені полча.

Еврейлерге 11:1 Referans Kwoze

2 Коринфтегілерге 5:7

Че піске харах кӧрчеткені нимес, киртініс ӧӧні полча нооза.

Еврейлерге 11:7

Ной Худайға киртінген. Худай хайдағ ниме поларын сизіндіргенде, Ной анзын пос хараанаң кӧргелек тее полза, Худайның чооғын истіп, керіп пӱдір салған. Ол керіпте позын паза сӧбірезін ал халған. Пу оңдайнаң Ной тилекейні чарғылаан. Ол, киртінгеннеңер, ахтатхан.

Еврейлерге 10:22

Худайға азых чӱректіг, пик киртіністіг килееңер. Чӱреебісті кірліг сағыстардаң арығлап, идібісті арығ суғнаң чууп алып, Ағаа чағдааңар.

Еврейлерге 11:27

Моисей, ханның хазырланарынаң хорыхпин, киртінгені хоостыра Египеттең сығыбысхан. Кӧрінмес Худайны кӧрген чіли, нандыра айланмасха пик пӧгін салған.

Еврейлерге 6:12

Піс, сірерні арғаастанмазыннар, че киртінчеткен паза прай нимее тыстанчатхан кізілерге кӧӧксіннер тіп, сағынчабыс. Андағ кізілер Худай молҷаан нимені аладырлар.

Еврейлерге 10:39

Піс хыйа айланыбысчатханнар паза ӧлім алчатханнар санынаң нимеспіс. Піс, худыбысты арачылап алар ӱчӱн, пик киртінчебіс.

1 Коринфтегілерге 13:13

Сағам, тізең, піске ӱс ниме халча: киртініс, ізеніс, хыныс. Че хыныс оларның улии полча.

Еврейлерге 11:13

Піс чоохтапчатхан пу кізілер, Худайға киртініп ала, ӧл парғаннар. Олар Худай молҷаан нимені сахтап полбааннар. Молҷаан нимелерні ырахтын на кӧріп, ӧрінгеннер. Олар постарын пу чирге килген пасха чонмыс тіп санааннар.

Еврейлерге 3:14

Піс Христоснаң хада тоғынчабыс. Сынап пастабох алған чуртасты ікінҷілес чох читіре хайраллап халзабыс, іди ле пол турар.

Галат чиріндегілерге 5:6

Христос Иисуснаң хада полчатсабыс, сӱннет иттіргеннің дее, иттірбееннің дее пасхазы чоғыл. Хыныс киректерінең позын кӧзітчеткен киртініс ле кирек.

2 Коринфтегілерге 5:17

Ам, тізең, Христоснаң пір полыбысхан кізі наа кізі пол парған. Иргі чуртас ирт парған, прай ниме наа пол парған.

2 Петрның 1:1

Сірерге, пісти осхас аарлығ киртіністері пар кізілерге, Иисус Христостың нымысчызы паза илҷізі мин, Симон Пётр, пасчам. Орта нимее хынчатхан Худайыбыс паза Арачылағҷыбыс Иисус Христос пу киртіністі сірерге пирген.

Илҷілернің 20:21

Мин иудейлерні дее, гректерні дее, чазыхтаң хыйа полып, Худайзар айланарға паза пістің Хан-пигібіс Иисус Христосха киртінерге ӱгреткем.

Титке 1:1

Павел – Худай хулы, Иисус Христостың илҷізі. Мин Худай таллааннарға киртініс читірерге, оларны сынға паза Худайның кӧңніне чарапчатхан чуртасха ӱгредерге ызылғам.

Еврейлерге 2:3

Аннаңар андағ илбек арачыланысты хыйа идіп, хатығластаң хайди осчаң поларбыс. Пу арачыланыстаңар пастап Хан-пиг Позы чарлаан полған. Аны искен кізілер, тізең, піске пу ӱгредігнің сын полчатханын кӧзіткеннер.

2 Коринфтегілерге 11:17

Мин чоохтир ниме Хан-пигнің кӧңніне кірбесчік, че махтанчатсам, алығ кізі чіли чоохтанчам.

2 Коринфтегілерге 9:4

Македон кізілер миннең хада килібісселер, сірер тимде полбин парзар, мин не нимес, сірер дее уйатха кірерзер. Андада піс тик ле махтан салған поларбыс.

Еврейлерге 3:6

Христос, тізең, Худайның Оолғы полып, Худайның туразынаң устирға турғызыл парған. Піс – Аның туразыбыс, сынап, тӱгеде махачы тудынчатсабыс паза Худайға ізенізібіснең махтанзабыс.