4 Пуғаларның паза ӧскілернің ханы кізілерні чазыхтарынаң арығлап полбас нооза.
Полған на абыс, кӱннің-таңда храмда тоғынып ала, кӧп хати олох ла тайығларны идедір. Че ол тайығлар кізілерні чазыхтаң арығлап полбинчалар.
Сірер пілчезер, Иисус Христос пістің чазыхтарыбысты позыдарға килген. Аның Позында пір дее чазых чоғыл.
«Пу Минің оларнаң Молҷаам полар. Мин оларны чазыхтарынаң позыдыбызарбын».
Иисус пастап теен: «Син кізілернің чазыхтардаң арығланар ӱчӱн малны ӧртепчеткеннерін паза тайығ итчеткеннерін кӧңніңе албинчазың». Прай пу тайығлар Моисей Чахии хоостыра иділчелер. Андағ даа полза, Ол іди теен.
Ол ызых отах пістің тустың омазы полча. Пу туста ағылған сыйыхтар паза иділген тайығлар оларны итчеткен кізіні арығ чӱректіг итпинчелер.
Пазағы кӱнде Иоанн, позынзар килчеткен Иисусты кӧр салып, кізілерге теен: – Мына Худай Хурағаны. Чир ӱстӱндегі прай кізілернің чазыхтарын Позына алып алчатхан Хураған.
Ағаа прай чӱрееңнең, прай сағызыңнаң, прай кӧңнінең, прай кӱзіңнең хынғаны паза чағыныңа паарсааны тайыға салған прай нимелердең артых полча.
Моисей Чахии сын нименің киртістіг омазы даа полбаан. Ол килер чахсы нименің кӧлегі ле полған. Чахығ хоостыра кізілер чылдаң чылға пір тӧӧй тайығлар итчеңнер. Че анзы тайығ итчеткен кізілерні артых итпинче.