Еврейлерге 10:11 - Наа Молҷағ

¹¹ Полған на абыс, кӱннің-таңда храмда тоғынып ала, кӧп хати олох ла тайығларны идедір. Че ол тайығлар кізілерні чазыхтаң арығлап полбинчалар.

Еврейлерге 10:11 Referans Kwoze

Еврейлерге 10:4

Пуғаларның паза ӧскілернің ханы кізілерні чазыхтарынаң арығлап полбас нооза.

Еврейлерге 5:1

Кізілернің санынаң табылған ноо даа иң улуғ абыс оларның ӱчӱн Худайның нымызына чӧрерге турғызыл парған. Ол, Худайға сыйыхтар салып, кізі чазыхтары ӱчӱн тайығ итче.

Еврейлерге 7:27

Иисусха, пасха абыстарға чіли, кӱннің сай тайығ идерге кирек чоғыл. Олар аны пастап постарының, анаң кізілернің чазыхтары ӱчӱн итчедедірлер. Ол, тізең, прайзының ӱчӱн пір хати паза хаҷанға даа Позын тайыға пир салған.

Еврейлерге 10:1

Моисей Чахии сын нименің киртістіг омазы даа полбаан. Ол килер чахсы нименің кӧлегі ле полған. Чахығ хоостыра кізілер чылдаң чылға пір тӧӧй тайығлар итчеңнер. Че анзы тайығ итчеткен кізілерні артых итпинче.

Еврейлерге 8:2

Ол иң ызых орындағы иң улуғ абыс полча. Ол орын, тізең, кізі холы нимес, Хан Худай пӱдірген сын ызых отах полча.

Еврейлерге 8:4

Мында, чир ӱстӱнде, Моисей Чахиинда чоохталчатхан тайығларны итчеткен абыстар парлар. Аннаңар пістің иң улуғ абызыбыс чир ӱстӱнде чуртаан полза, ол абыс пол полбасчых.