Еврейлерге 1:3 - Наа Молҷағ

³ Оолғы – Пабазының сабланызының чарии полып, Аның сын Позының омазы полча. Ол Позының кӱстіг сӧзінең тиксі-тилекейні орнында тутча. Ол, пісті чазыхтарыбыстаң ахтабызып, тигірде илбек Худайның оң саринда одыр салған.

Еврейлерге 1:3 Referans Kwoze

Азых чоох 4:11

Ӧӧркі Чайаачы, Пу тилекейде прай ниме Синнең паза Синің кӧңніңҷе чайалғаннаңар, Син сабланысха, аарласха паза ӱлгее турыстығзың.

Иоанн 1:14

Сӧс, кізі пол парып, паарсасха паза сынға пай полып, піснең хада чуртаан. Піс Аның Пабазынаң алған сабланызын кӧргебіс. Ол сабланысты Пабазының чалғыс Оолғы полып алған.

2 Коринфтегілерге 4:4

Ол кізілер киртінминчелер. Пу чабал тустың худайы полчатхан сайтан оларның сағыстарын харасхыда тутча. Ол Христостың сабланызынаңар чарлапчатхан Чахсы Хабарның чариин кӧрерге пирбинче. Че Христос Худайның омазы полча нооза.

Еврейлерге 12:2

Иисусха кӧрееңер. Ол пістің киртінізібісті пастабызып, аны толдыра итче. Аны сағыпчатхан ӧріністі Иисус пілген. Че пастап, Ол уйаттаң хорыхпин, кіресте ирее кӧрген. Амды, тізең, Ол Худайның оң саринда одырча.

Иоанн 1:4

Сӧсте чуртас полған, чуртас, тізең, кізілернің чарии полған.

Еврейлерге 10:12

Христос, тізең, чазыхтар ӱчӱн пір ле тайығ иткен. Аның салған тайии саңайға даа читче. Анзын ит салғанда, Ол Худайның оң саринда одыр салған.

Иуданың 1:25

Прайзынаң хыйға Чалғыс Худайыбысха, Иисус Христос Хан-пигібістең пастыра пісті арачылапчатхан Худайыбысха сабланыс ползын. Ол илбек. Пастағызынаң ала хаҷанға даа Аның кӱзі паза ӱлгӱзі пар. Аминь.

Еврейлерге 9:26

Іди киректелген полза, Ағаа, чир пӱткеннең ала, кӧп хати ирееленерге килізерҷік. Ағаа, тізең, чазыхты чох идер ӱчӱн, Позын тайыға пиріп, тӱгенҷі кӱннерде пір ле хати килерге киректелген.

1 Иоанның 1:7

Худай чарыхта чӧрчеткен чіли, піс тее чарыхта чӧрчетсебіс, андада прайзыбыс пір палғалыстығ пол парчабыс, Худай Оолғының Иисус Христостың ӧлімі, тізең, полған на чазыхтаң пісті арығлапча.

Еврейлерге 4:14

Пістің Иң улуғ абыс Худай Оолғы Иисус пар. Аның тигірдегі Худайның алнында даа турыбызар оңдайы пар. Аннаңар пістің киртінізібіске пик тудыныңар.

1 Иоанның 3:5

Сірер пілчезер, Иисус Христос пістің чазыхтарыбысты позыдарға килген. Аның Позында пір дее чазых чоғыл.

2 Петрның 1:16

Піс, сірерге Хан-пигібіс Иисус Христостың кӱзінеңер паза Аның килерінеңер чоохтааныбыста, позыбыс сағын тапхан нимее тӧстенмеебіс. Піс Аның илбек кӱзін позыбыстың хараанаң кӧргебіс.

1 Петрның 3:22

Иисус Христос Худайның оң холында одырча. Хаҷан Ол тигірзер ӧӧрлебіскеніңде, Аның чооғын ангеллер паза ӱлгӱлер паза кӱстер ис сыхханнар.

1 Петрның 1:21

Аннаң пастыра сірер Худайға киртін парғазар. Худайға киртініс паза ізеніс аларларың ӱчӱн, Худай, Аны тірілдіріп, Ағаа сабланыс пирген.

Еврейлерге 8:1

Піс чоохтапчатхан нименің ӧӧні мындағ: тигірде Илбек Худайның оң саринда одырчатхан иң улуғ абызыбыс пар.

Марк 16:19

Іди Хан-пиг пуларнаң чоохтасхан соонда, ӧӧрлебізіп, Худайның оң саринда одыр салған.

Азых чоох 3:21

Чиңіс тутхан кізее ӱлгӱ сіреемде Позымнаң хада одырар оңдай пирербін, Мин дее іди, чиңіс тудып, Пабамнаң хада Аның ӱлгӱ сіреезіне одырғам.

Еврейлерге 7:27

Иисусха, пасха абыстарға чіли, кӱннің сай тайығ идерге кирек чоғыл. Олар аны пастап постарының, анаң кізілернің чазыхтары ӱчӱн итчедедірлер. Ол, тізең, прайзының ӱчӱн пір хати паза хаҷанға даа Позын тайыға пир салған.

Илҷілернің 2:33

Ол, Худайның оң саринзар кӧдіріліп, пирерге адалған Худай Худын, Пабазынаң алып, амды, сірер кӧргенни паза искенни, ӱстӱбіске чайыбысты.

Иоанн 1:29

Пазағы кӱнде Иоанн, позынзар килчеткен Иисусты кӧр салып, кізілерге теен: – Мына Худай Хурағаны. Чир ӱстӱндегі прай кізілернің чазыхтарын Позына алып алчатхан Хураған.

Колоссадағыларға 3:1

Сірер Христоснаң хада тіріл парған ползар, ӧӧре харазыңар. Анда Христос Худайның оң саринда одырча.

Римдегілерге 8:34

Кем чарғылир? Пірдеезі. Христос Иисус ӧл парған, че тіріл парған. Ол Худайның оң саринда одырча паза пістің алныбысты алча.

Илҷілернің 7:56

теен: – Мына мин азыл парған тигірні паза Худайның оң саринда турчатхан Кізі Оолғын кӧрчем.

Римдегілерге 1:16

Мин Христостаңар Чахсы Хабарны чарлапчатханымнаң уйатпинчам. Ол Хабарның киртінчеткеннерні хайзын даа, иң пурнада иудейні, анаң иудей ниместі арачылаҷаң Худай кӱзі пар, нооза.

Еврейлерге 9:16

Кізінің хумартхы сӧзі толдырылар ӱчӱн, ол кізі ӧл парарға кирек.

Матфей 22:24

Ӱгретчі! Моисей піди теен: «Пірее кізі, пала чох чуртап, ӱреп парза, ол кізінің харындас-туңмазы, аның ипчізін ал салып, ӱреен харындазының тӧлін узаратсын».

Титке 2:14

Ол, пісті хайдағ даа чабал киректең ал халар паза ах-арығ чон ит салар ӱчӱн, Позының тынын пир салған. Амды піс Аның чоныбыс паза чахсы киректер идерге салынчабыс.

Еврейлерге 1:13

Худай ангеллернің пірдеезіне хаҷан даа тібеен: «Синің ыырҷыларыңны азааң алтына сал пирбеенімҷе, Минің оң саримда одыр».

2 Петрның 1:17

Хаҷан Ол илбек аарласты паза сабланысты Худай-Пабазынаң алғанында, піс анда полғабыс. Андада илбек сабланыс пулудынаң ӱн истілген: «Пу Минің хынчатхан Оолғым, Ол Минің кӧңніме тың кірче».