Еврейлерге 1:1 - Наа Молҷағ

¹ Худай пурунғыдаң ала ӧң-пазы оңдайларнаң ӧбекелерібіске ухаанҷылар пастыра кӧп хати чоохтанған.

Еврейлерге 1:1 Referans Kwoze

Лука 24:27

Анаң Ол, прай Худай Пічиинде, Моисей Чахиинаң пастади прай ухаанҷыларнинда Позынаңар ниме чоохталғанын пуларға изерістіре прай чарыт пирген.

Илҷілернің 2:30

Ол ухаанҷы полған, аннаңар ол Худайның позына «Тӧліңнең Мессийні ӧӧн позынаң таллап алып, ӱлгӱ сірееңе одырт салам» тіп, аасхынып сӧс пиргенінеңер пілген.

Лука 1:55

Ӧбекелерібіске – Авраамға паза аның хаҷан даа ӱзілбес тӧліне – пирген сӧзін толдырған.

Илҷілернің 13:32

Піс тее сірерге ӧрініснең Чахсы Хабар искірчебіс: Худай, Иисусты тірілдіріп, ӧбекелерібіске аасхынып пирген сӧзін амды піске, оларның тӧллеріне, толдырған.

Еврейлерге 2:2

Пістің ӧбекелерібіске ангеллернің пастыра пирілген ӱгредігнің Сӧзі сын полтыр. Аны сайбааны паза испеені сыбыра орта хатығлатхан.

Лука 1:72

Ол ӧбекелерібісті ӧлҷейлирге паза Позының ызых молҷаан ундубасха сӧс пирген.

Илҷілернің 28:23

Анаң чоохтас салған кӱнде Павел чуртапчатхан хоных-туразынзар уғаа кӧп кізі килген. Павел оларға иртеннең иирге теере Худай хан-ӱлгӱзінеңер ӱгредігні искірген паза Моисей Чахиина, ідӧк ухаанҷылар пічіктеріне тӧстеніп, оларны Иисусха киртіндірерге кӱстенген.

Иоанн 9:29

Худайның Моисейнең чоохтасханын пілчебіс, че пу кізінің хайдаң килгенін пілбинчебіс. –

Иоанн 7:22

Моисей сірерге сӱннет кибірдеңер чахиин пирген. Сынында пу кибір Моисейдең дее нимес, че аның алнындағох ӧбекелердең килген. Сірер субботада даа, тынанҷаң, пір дее тоғыс итпеҷең кӱнде, оолағастарға сӱннет итчезер.

Лука 24:44

Анаң оларға теен: – Сірернең хада полғанда, чоохтаан сӧстерім мынзын таныхтапча: Моисей Чахиинда, ухаанҷыларның пічіктерінде паза Ырларда Миннеңер пазылған прай нимелер тол парарға киректер.

Иоанн 16:13

Сынны чоохтапчатхан Хут, киліп, сірерні сын нимее ӱгредер. Ол чоохтир ниме аның позының сағызынаң полбас, Худайдаң искен нимені паза полар нимедеңер сірерге чоохтап пирер.

Илҷілернің 3:21

Худайның хас-хаҷанох чуртаан ах-арығ ухаанҷылары пастыра искірген нимелерінің прайзы тол парар тусха теере, Иисус тигірде поларға кирек.

Еврейлерге 2:3

Аннаңар андағ илбек арачыланысты хыйа идіп, хатығластаң хайди осчаң поларбыс. Пу арачыланыстаңар пастап Хан-пиг Позы чарлаан полған. Аны искен кізілер, тізең, піске пу ӱгредігнің сын полчатханын кӧзіткеннер.

Еврейлерге 3:5

Моисей, Худайның чонына полызып, киртістіг нымысчы полған. Аның пастыра Худай соонаң полар нимедеңер чарлаан.

Еврейлерге 4:8

Иисус Навин оларға Худай молҷаан тынағ пирген полза, аның соонда пасха кӱннеңер чоохталбасчых.

Еврейлерге 5:5

Ол оңдайнаң Христос таа иң улуғ абыстың сабланызын паза адын Позы албаан. Че Худай Ағаа теен: «Син Минің Оолғымзың. Пӱӱн Мин Сині тӧріттім».

Еврейлерге 9:19

Моисей пастап Чахииның чарадығларын чонға чарлаан. Анаң пызоларның паза ӧскілернің ханын алып, суғнаң порабысхан. Аның соонда хызыл ӧңе сырлалған тӱкті паза иссоп ағастың салаазын алып, ханнығ суға ӧллеп, чонға паза Чахығ киндезіне чачыратхан.

Еврейлерге 11:2

Пістің ӧбекелерібіс киртіністері ӱчӱн Худайның кӧңніне кіргеннер.

Еврейлерге 11:18

Худай, тізең, ағаа піди теен полған: «Мин молҷаан тӧлің Исаактаң тарир».

Еврейлерге 12:25

Кӧріңер зе, сірерзер айланчатхан Худайдаң тӧдір полбаңар. Худайның пу чирдегі чахығларын чоохтапчатхан Моисейні истерге хынмаан кізілер хатығлас чох халбааннар. Піс тее, тигірдең чоохтапчатхан Худайны испезебіс, улам хызааннадарбыс.