Ефестегілерге 4:5 - Наа Молҷағ

⁵ пір Хан-пиг, пір киртініс, пір кіреске тӱзіс,

Ефестегілерге 4:5 Referans Kwoze

1 Коринфтегілерге 12:13

Піс прайзыбыс пір Худай Худынаң пір ит-хан поларға кіреске тӱскебіс нооза: Иудейлер дее, Гректер дее, хуллар даа, пос хоныхтығлар даа – прайзыбыс пір Худай Худынаң суғарыл парғабыс.

1 Петрның 3:21

Амды піс тее суғ пастырох кіреске тӱсчебіс. Че анзы кізінің идінің кірін арығланғаны нимес. Ол Худайзар арығ чӱректіг айланғанын таныхтапча. Іди кіреске тӱскені Иисус Христостың тірілгені пастыра сірерні арачылапча.

Римдегілерге 3:30

Худай пір ле. Ол киртіністері хоостыра сӱннет иттіргеннерні дее, иттірбеен, че киртінчеткеннерні дее ахтапчатхан Худай полча.

Матфей 28:19

Парыңар, прай чоннарны Пабаның, Оолғының паза Худай Худының адынаң кіреске тӱзіріп, Мин сірерге идерге чахаан нимелерні толдырарға ӱгредіп, оларны Минің ӱгренҷілерім ит салыңар. Прай кӱннерде, тӱгенҷі тус тоозылғанҷа, Мин сірернең хадабын. Аминь.

1 Коринфтегілерге 1:13

Алай Христос пӧліл парды ба? Алай Павел сірернің ӱчӱн кіреске хазаттыр салған ма? Арса, сірер Павелнің адынаң кіреске тӱскезер бе?

Иуданың 1:3

Хынғаннарым! Пістің прайзыбыстың пар арачыланызыбыстаңар пазарға иткен полғам. Че киртінізібісті хайраллир ӱчӱн, кӱрезерге кӧңнілеріңні кӧдірібізерге кирек полчатханын кӧр салдым. Пу киртіністі Худай хаҷан-да ах-арығларына пирген нооза.

2 Коринфтегілерге 11:4

Сірерзер піреезі киліп, піс ӱгретпеен Иисустаңар ӱгретчетселер, пістең албаан хутты ағылчатсалар алай пірее пасха «чахсы хабарнаң» килчетселер, сірер оларны кӧңнілеріңе алчазар.

Филипптегілерге 2:11

Ноо даа тіл Иисус Христостың Хан-пигібіс полчатханын чарлазын. Андада Худай Пабабыс сабланар.

Ефестегілерге 4:13

Пу оңдайнаң, Худай Оолғына киртінерінде паза Аны піліп аларында піс прайзыбыс хада пір сағысха чидіп аларға кирекпіс. Андада, Христостың поғда тузына чидіп, тигіриб улуғ кізі синіне чит парар.

Галат чиріндегілерге 5:6

Христос Иисуснаң хада полчатсабыс, сӱннет иттіргеннің дее, иттірбееннің дее пасхазы чоғыл. Хыныс киректерінең позын кӧзітчеткен киртініс ле кирек.

1 Коринфтегілерге 12:5

Худайға чӧрінері дее пасха-пасха полча. Че піс чӧрінчеткен Хан-пиг, тізең, пір ле.

1 Коринфтегілерге 1:2

Коринфтегі Худай тигірибіне. Христос Иисусха киртін парып, Худай кізілері пол парғаннарға, ах-арығ чуртасха хығыртылғаннарға, прайзына, пістің паза оларның ноо даа чирінде Хан-пигібіске Иисус Христосха пазырчатханнарға:

Иуданың 1:20

Хынғаннарым! Пістің ах-арығ киртінізібісте пик турыңар, Худай Худы чоохтаан нимедеңер пазырыңар.

Еврейлерге 13:7

Устағҷыларыңнаңар сағыныңар. Олар сірерні Худайның сӧзіне ӱгреткеннер. Олар хайди чуртаанын паза ӱреенін сағынып, олар киртінген чіли киртініңер.

Еврейлерге 6:6

Че олар киртіністерін тастабысханнар. Андағ кізілерні Худайға хатап айландырҷаң оңдай чоғыл. Олар, Худайның Оолғын хатап кіреске хазап, Аны уйатха сухчалар нооза.

Титке 1:4

Титке, пір киртіністе сын оолғыма – Худай Пабабыстаң паза Арачылағҷыбыс Хан-пиг Христос Иисустаң паарсас, айағ паза амыр хоных сағаа.

Титке 1:1

Павел – Худай хулы, Иисус Христостың илҷізі. Мин Худай таллааннарға киртініс читірерге, оларны сынға паза Худайның кӧңніне чарапчатхан чуртасха ӱгредерге ызылғам.

Филипптегілерге 3:8

Христос Иисусты, Хан-пигімні, пілері артых полар тіп санап, прай пасха нимені тик тіп паалапчам. Христосты алынып алар ӱчӱн паза Моисей Чахиин толдырғаным хоостыра нимес, че Христосха киртініс пастыра килчеткен паза Худайдаң киртініс хоостыра пирілчеткен ахтаныс алар ӱчӱн, тооза нимені хыйа иткем паза прай нимені похсахха санапчам.

Илҷілернің 10:36

Ол Израиль чонына амыр хоныхтаңар Чахсы Хабарны Иисус Христос пастыра ыс пирген. Пу Иисус прайзының Хан-пигі полча.

Илҷілернің 2:36

Аннаңар, Израильнің прай чоны, чахсы піл: Худай Аны – сірер хазаан Иисусты – Хан-пиг паза Мессий ит салған.

2 Петрның 1:1

Сірерге, пісти осхас аарлығ киртіністері пар кізілерге, Иисус Христостың нымысчызы паза илҷізі мин, Симон Пётр, пасчам. Орта нимее хынчатхан Худайыбыс паза Арачылағҷыбыс Иисус Христос пу киртіністі сірерге пирген.

Иаковтың 2:18

Піреезі, тізең, «синің киртінізің пар, минің, тізең, киректерім: киректерің чох киртінізіңні кӧзіт пир, мин киректерімнең салылған киртінізімні кӧзіт пирербін» тир.