Biblia Todo Logo
Bib sou entènèt

- Piblisite -




Ефестегілерге 4:12 - Наа Молҷағ

12 Христостың ит-сӧӧгі (тигіриб чоны) ӧзер ӱчӱн, ах-арығ кізілерін Худай киреенің нымысчылары ит салар ӱчӱн іди иткен Ол.

Gade chapit la Kopi




Ефестегілерге 4:12
45 Referans Kwoze  

Ол пу ит-ханның ал-алынҷа чардыхтарын прай піріктір салча. Аның чардыхтары, пик палғалыс парып, полған на чардых позының тоғызын толдырчатса, прай ит-хан даа, ӧзіп, хыныста тиліпче.


Сірер прайзыңар Христостың иді-ханы полчазар. Чара, тізең, Аның чӱллерізер.


Харындастарым! Мин сірернің чахсы нименең тол парғаннарыңны, сірерде ноо даа піліс парын паза удур-тӧдір ӱгредіс полчатханнарыңны пір дее ікінҷілебинчем.


Аннаңар, харындастар, ниме зе? Сірер чыылыс парзар, полғанының на Худайны саблапчатхан сарын, ӱгредіг, тіл азылғаны, тӱптестіріг пар полза – прай ол тигірибні пиктиріне полар.


Ол оңдайнаң амыр чуртирыбыс ӱчӱн прай ниме идееңер паза удур-тӧдір полызызарға харазааңар.


Мағаа кӱс пирген Хан-пигібіс Христос Иисусты киртінгені паза кирекке турғысханы ӱчӱн алғыстапчам.


Худай Худы пирчеткен сыйыхтарны аларларың тың килчетсе, иң артыхтарын, тигірибні пик идерге полысчатхан сыйыхтарны сурыңар.


Устағҷының чооғын истіңер, ол теен нимені идіңер. Оларға сірернің ӱчӱн Худайның алнында нандырығ тударға кирек. Аннаңар олар сірернің арачыланызыңардаңар сыбыра сағынчалар. Оларның чооғын иссеңер, олар тоғыстарын ӧрініп ала итчедерлер. Чоох испезеңер, тоғыстарын мӧңіссіреп ала идерлер. Анзы сірернің тузаңарға полбас.


Христостаңар ӱгредігнің пастағларын ӱзӱрбин, пик киртіністіг кізілерге килістіре чоохха кірееңер. Аннаңар, киртіністің тӧстеен хатап салбин, Худайға кирек чох киректерні тастирдаңар паза киртінеріне айланардаңар ӱгретпееңер.


Тоғызыбысха чарадынмаан кізі чох ползын тіп сағынчабыс. Аннаңар пістеңер пірдеезі хомай тібезін тіп чуртирға кӱстенчебіс.


Прай ол нимені Худай иткен. Ол Иисус Христостың пастыра пісті Позынаң чарастыр салған паза піске пасхаларын чарастырарға пӧгін пирген.


Че Мин, киртінізіңнің кӱзі син парбазын тіп, синің ӱчӱн пазырғам. Син дее, соонаң Минзер хатап айланып, харындастарыңның киртінізін тыыдарға кирексің. –


Че син хаҷан даа сиргек пол, иреелестерге сыдас, Чахсы Хабар тарадығҷызының киреен идіп, тоғызың толдыр.


Архипке піди чоохтап салыңар: кӧр, Хан-пигібісте алынған чӧрінізіңні толдыр сал.


Ол Христосты піс чарлапчабыс, полған на кізіні, ӱгредіп, хыйғазын кирдірчебіс. Піс аны, полған на кізі, Иисус Христоснаң пірге полыбызып, теен парары ӱчӱн, итчебіс.


Амды сірернің ӱчӱн ирееленчеткеніме ӧрінчем. Позым илеп, мин Христос кӧрген чобағның чидіспинчеткенін толдырчам. Тигіриб полчатхан Аның Иді-сӧӧгі ӱчӱн ирееленчем.


Тигіриб, тізең, Христостың ит-сӧӧгі полча, прай чирде прай нимее толчатхан Христос пӱкӱле анда полча.


Арса, піс сірернің алныңарда ахтанарға итчебіс тіп сағынчазар. Чох, Худай киречі, піс Христостың кӧңні хоостыра чоохтапчабыс. Хынғаннарым! Прай пу нимені піс сірернің киртіністеріңні пиктир ӱчӱн чоохтапчабыс.


Ол оңдайнаң, хынғаннарым, андағ сӧс пиріл парғанда, ит-ханыбыста паза худыбыста пар чабал нимедең арығланып алааңар. Ол оңдайнаң, Худайдаң хорығып ала, пӱкӱле ах-арығ полыбызыңар.


Аннаңар Худай, піске айап, пу тоғысты пирген, піс, тізең, кӧңнібіс тӱзірбинчебіс.


Худай Худының тоғынғаны, тізең, аннаңох артых сабланыс полбас па?


Мин таныс нимес тілнең пазырчатсам, худым пазырча. Сағызыма анзы туза пирбинче.


Мин сірерзер килзем, Христостың Чахсы Хабарның алғазын толдыра синінең ағыларымны пілчем нооза.


Полғаныбыс ла чағыныбыстың кӧңнінҷе поларға кирекпіс. Киртіністерің пик полар ӱчӱн, ағаа чахсы идерге кирекпіс.


Пасхаларының нымызына чӧрері пирілген полза, аны толдыр. Ӱгретчі полары пирілген полза, ӱгрет.


Постарыңны паза Худай Худы хадарарға пирген ӧӧрні чахсы кӧріңер. Худайның паза Хан-пигібістің Позының тӧгілген ханы пастыра алған тигірибін хайраллаңар.


Мин, тізең, позымның ӱлӱзімні, Иисус Хан-пигдең алған тоғысты, Худай паарсазынаңар Чахсы Хабарны кізілерге ӧӧрчіліг искірерін толдыр салим на тіп, пір дее нимее хайбинчам, позымның чуртазымны даа нимее салбинчам.


Ол, пеер киліп, Худайның паарсазы пуларға пирілгенін кӧріп, ӧрін парып, прайзын Хан Худайға азых чӱрекнең сын поларға хығырған.


Прай Иудей, Галилей паза Самар чирлеріндегі тигіриб чоны амыр пол парған. Олар, Хан Худайдаң чалтанып ала чуртап, Худай Худы пастыра кӱс хабынғаннар паза кӧптең кӧп полып одырғаннар.


Иуданың, позының чолынҷа парып, халғыс салған тоғысха ӱлӱзін паза илҷінің орнын кем алзын?


Иуда піснең хада полған, ол даа пу тоғысха таллалған полған.


Маркты позыңнаң хада алып, ағыл килерзің – ол мағаа нымзанарға кирек.


Ахсыңардаң пір дее хомай сӧс сыхпазын. Сірерні исчеткен кізілерге чахсы ползын тіп, киртініске ӱгредерге полысчатхан сӧстерні ле чоохтап турыңар.


Пар пір ит-хан паза пір Хут, сах ідӧк Худай сірерні хығырған пір ізеніс,


Сірер кӱстігзер піс, тізең, чазығбыс. Піс анзына ӧрінчебіс. Піс, киртінізіңер толдыра ползын тіп, Худайға пазырчабыс.


Худай Худы пары аймах-пасха оңдайларнаң іле кӧзіділче. Прай ол оңдайлар прайзының тузазына пирілчелер.


Піс тее кӧппіс, че Христоста пір ит-ханнығбыс. Полғанын на пос алынҷа алза, тізең, ол пасхаларына ит-ханның пір чардығы ла осхас.


Че, харындастар, ӧрініңер, хыйғаларың хозыңар, часхарыныңар, пір сағыстығ, амыр чуртаңар. Андада хыныс паза амыр пирчеткен Худай сірернең хада полар.


Swiv nou:

Piblisite


Piblisite