Ефестегілерге 3:4 - Наа Молҷағ

⁴ Аны хығырып, Христостың чазыдын хайди оңнапчатханымны піліп аларзар.

Ефестегілерге 3:4 Referans Kwoze

Колоссадағыларға 4:3

Пістеңер дее ідӧк пазырчадыңар. Худай піске Христостың чазыдынаңар сӧсті чарлирға чол ас пирзін. Пу чазыттың ӱчӱн мин кинҷедебін нооза.

1 Коринфтегілерге 4:1

Ол оңдайнаң ноо даа кізі пісті, Христосха чӧрінчеткеннерні, Худай чазыдын хайраллапчатханнарны чіли, пілерге кирек.

2 Коринфтегілерге 11:6

Тілге чітіг полбазам даа, че пілізім читпинче тіп полбассым. Сірер анзын постарың даа чахсы пілчезер.

1 Тимофейге 3:16

Ікінҷілес чох, пістің киртінізібістің илбек чазыды мындағ: Худай кізі ит-сӧӧгінде килген, Худай Худы Аны пір пырозы чох чарлаан. Ангеллер Аны кӧргеннер, Аннаңар чоннарға чоохталған. Тиксі-тилекейде Ағаа киртінгеннер. Худай сабланыснаң Аны ӧӧрлеткен.

Колоссадағыларға 2:2

Мин, оларның кӧңнілері кӧдірілзін, удур-тӧдір хынызып, пірге тудынзыннар тіп сағынчам нооза. Іди олар, сағыс пайына чидіп, Худай Пабаның Христос полчатхан чазыдын піліп аларлар.

Ефестегілерге 6:19

Чахсы Хабарның чазыттарын хорыхпин ас пирерім ӱчӱн, чоохтанған сай, Худай мағаа кирек сӧстерні пирзін тіп, минің ӱчӱн дее пазырыңар.

Ефестегілерге 5:32

Пу чазыт илбек, че мин мыны Христостаңар паза тигірибдеңер сағынып чоохтадым.

Ефестегілерге 1:9

Айабин пиріп, пастабох Христостың пастыра толдырарға сағын салған чазыт пӧгінін піске асхан. Ол аны Позының паарсах кӧңнінең иткен.

Лука 8:10

Иисус піди нандырған: – Сірерге Худай хан-чирінің чазыттарын пілерге пирілген, пасхаларына, тізең, кип-чоохтар ла пирілген. Аннаңар олар, кӧрзе дее, кӧрбинчелер, иссе дее, піл полбинчалар.

1 Тимофейге 3:9

киртініс чазыдын арығ чӱректе тут полар кізілер поларға киректер.

1 Коринфтегілерге 13:2

Ухааннирым пар полза паза прай чазыттарны пілчетсем, ноо даа піліс алчатхан ползам, тағларны орнынаң тибіредерге кӱс пирчеткен прай киртініс минде полза, че хынызым чох полза, тик-хуруғ кізібін.

Матфей 13:11

Ол оларға піди нандырған: – Сірерге Тигір хан-чирінің чазыттарын пілерге пирілген, оларға, тізең, андағ ӱлӱс тӱспеен.

Римдегілерге 11:25

Сірерге, харындастар, пір чазытты ас пирерге сағынчам. Постарыңнаңар улуғ сағынмаңар. Израиль чонының хай піреелері ӧчес оңдайларына пастыр салғаннар. Анзы саңайға нимес, че пасха чонның толдыра саны Худайға килер тусха ла теере.

Ефестегілерге 3:3

Худай Позы, чазыдын ас пиріп, аны мағаа пілдістіг иткен. Алында мин аннаңар хысхаҷахти пасхан полғам.

Ефестегілерге 3:9

Аннаңар мин Худайның чоннарны арачылирдаңар чазыт сағызын прай кізілерге ас пирерге кирекпін. Иисус Христостың пастыра прай нимені чайаан Худай пу чазыт сағысты пурунғыдаң сығара чазырған.

Колоссадағыларға 1:26

Ол сӧс пурунғыдаң ала кӧп тӧллердең чабылған чазыт полған. Амды, тізең, ол Аның ах-арығларына азыл парған.