Ефестегілерге 3:1 - Наа Молҷағ

¹ Мына піди мин, Павел, сірердеңер, иудей нимес кізілердеңер, сағынып, Иисус Христостың нымысчызы полчатханымнаңар, харибде одырчам.

Ефестегілерге 3:1 Referans Kwoze

Колоссадағыларға 1:24

Амды сірернің ӱчӱн ирееленчеткеніме ӧрінчем. Позым илеп, мин Христос кӧрген чобағның чидіспинчеткенін толдырчам. Тигіриб полчатхан Аның Иді-сӧӧгі ӱчӱн ирееленчем.

Ефестегілерге 4:1

Амды мин, Хан-пигібіс ӱчӱн харибде одырчатхан кізі, сірердең «Худай кізілері полып, Худай хығырған нимее турыстығ полыңар» тіп, алданчам.

2 Тимофейге 1:8

Аннаңар син Хан-пигібістеңер киречілестердең дее, миннең дее, Аның чабығдағы кізізінең, уйатпа. Че миннең хада, Худай пирген кӱзіңе тӧмене, Чахсы Хабарның ӱчӱн иреелестерні алын.

Ефестегілерге 6:20

Харибде дее мин Чахсы Хабарның илҷізібін. Чахсы Хабардаңар хорыхпин паза чазынмин, кирек иде искір поларым ӱчӱн, пазырыңар.

Филимонға 1:9

Че, хыныснаң сурынза, артых полар. Мин, Павел аға, амды Иисус Христостың кинҷелеп салған кізізі,

Филипптегілерге 1:7

Сірердеңер іди сағын чӧрчеткенім орта: сірер минің чӱреемдезер, минің пиктеемдезер нооза. Чахсы Хабарға турысчатсам алай аның сынын іле кӧзітчетсем, сірер дее Худайның мағаа пирген паарсазын алынчазар.

Филимонға 1:1

Мин, Иисус Христостың кинҷелеп салған кізізі Павел, паза Тимофей харындас пістің хынғаныбыс паза хабасчыбыс Филимонға,

Илҷілернің 23:18

Чӱспазы, ол оолны хада алып, муң чааҷы пазынзар ағыл киліп, теен: – Харибде одырчатхан Павел, мині хығырып алып, пу оолны синзер ағыл килерге сурынған. Ол сағаа ниме-де чоохтирға итче одыр.

Лука 21:12

Че прай пу нимедең пурун сірерні, Миннең ӱчӱн хаап, сӱрерлер, синагогаларда чарғылап, хариблерге чабарлар, Миннең ӱчӱн ханнарнаң пиглернің алнына сығарарлар.

Филимонға 1:23

Епафрас, Христос Иисустың ӱчӱн миннең хада чабығда одырчатхан кізі, Марк, Аристарх, Димас, Лука – мағаа хабасчатхан кізілер, сағаа изен читірчелер.

Илҷілернің 26:29

Син не нимес, че пӱӱн мині исчеткен пасха даа кізілер ӱр бе, ас па тус аразына минӧк осхас пол парҷаң ползалар тіп, мин Худайға пазырчам. Мин чіли пағда ла полбазыннар, – нандырған Павел.

2 Тимофейге 1:16

Онисифор кӧп хати минің кӧңнім часхарған ӱчӱн, аның ибіне Худай ӧлҷей пирзін. Минің чабыға кіргенімнең ол уйатпаан. Римде полғанда, тізең, ол мині, матап тілеп, тапхан.

Колоссадағыларға 4:18

Мин, Павел, алғасты позымның холымнаң пастым. Минің кинҷелерімні сағын чӧріңер. Прайзыңарға паарсас тӱссін. Аминь.

Колоссадағыларға 4:3

Пістеңер дее ідӧк пазырчадыңар. Худай піске Христостың чазыдынаңар сӧсті чарлирға чол ас пирзін. Пу чазыттың ӱчӱн мин кинҷедебін нооза.

2 Коринфтегілерге 11:23

Олар Христостың нымысчылары полчалар ба? Мин тискінчеткен дее полим, че Христостың нымызын олардаң артых ла толдырчам тирҷікпін. Мин олардаң кӧп тоғынғам, кӧп палығлатхам, харибде одырғам, кӧп хати ӧлер пазы полғам.

2 Коринфтегілерге 10:1

Мин, Павел, сірернің араңарда полғанда, тідінмес, ырахтаң, тізең, сірерні хатығлаачы тіп тітірчеткен кізі, сірердең сурынчам. Христос чіли, амырнаң паза чахсынаң сірерге алданчам:

Илҷілернің 21:33

Муң чааҷы пазы, чағын пас киліп, Павелні хаап алып, ікі ілҷірбее хаптыр саларға чахаан. – Кемдір пу паза ниме ол ит салған? – сурған кізілердең ол.

Азых чоох 2:10

Сірерге тӱзер хыйаллардаң хорыхпаңар. Кӧрерзер, сайтан, сірерні сыныхтирға тіп, хай піреелеріңні харибге чаап салар. Сірер он кӱн ирееленерзер. ӧдірттеечетсер, Мағаа киртінерін тастабаңар, анаң Мин сірерге чуртастың сабланыс таниин – веногын, пирербін.

Ефестегілерге 3:13

Аннаңар, сірердеңер сағынып, ирееленчеткеніме кӧңніңер тӱспезін тіп, сурынчам. Пу ирееленістер сірернің сабланызыңар ӱчӱн полча.

Галат чиріндегілерге 5:11

Харындастар! Мин сағам сӱннет иттірерінеңер ӱгретчеткен ползам, ноға мині сӱрерге кирек? Андада кірестеңер ӱгредіг харығ полбасчых нооза.

Галат чиріндегілерге 5:2

Мына мин, Павел, сірерге чоохтапчам: сірер сӱннет итчетсеңер, Христостаң сірерге пір дее туза полбас.

Илҷілернің 9:15

Че Хан-пиг ағаа теен: – Син пар. Мин аны Минің адымны аймах чоннарға, ханнарға паза Израиль кізілеріне искір турарға таллап алғам.

2 Коринфтегілерге 1:6

Піс чобалчатсабыс, тізең, сірерні часхарынзыннар паза арачыланзыннар тіп чобалчабыс. Ол арачыланыс піс тее кӧрчеткен ирееленістерні сыдас парары хоостыра пирілче. Сірернің прай нимені сыдас парыбызарларыңа тың ізенчебіс. Піс часхарынчатсабыс, сірерні дее часхарынзыннар паза арачыланзыннар тіп часхарынчабыс. Чобағларыбыста даа, часхарыныстарыбыста даа сірер араласчатханнарыңны пілчебіс нооза.

Галат чиріндегілерге 5:24

Че Христостың кізілері пос постарын, хынығыстарын паза хыҷыхтарын, кіреске хазап салғаннар.

Ефестегілерге 3:8

Мин ах-арығ кізілерінің аразында иң алтындағызыбын, че чоннарға Христостағы сині чох пайдаңар чоохтаҷаң ӱлӱс мағаа пирілген.

Ефестегілерге 3:11

Худай Позының хас-хаҷаннаң ал чӧрген сағызын пістің Хан-пигібіс Иисус Христос пастыра толдырған.