Ефестегілерге 1:9 - Наа Молҷағ

⁹ Айабин пиріп, пастабох Христостың пастыра толдырарға сағын салған чазыт пӧгінін піске асхан. Ол аны Позының паарсах кӧңнінең иткен.

Ефестегілерге 1:9 Referans Kwoze

2 Тимофейге 1:9

Худай пісті арачылаан нооза. Ол пістің киректерібіс хоостыра нимес, че Позының кӧңнінең пісті ах-арығ поларға хығыртхан. Ол аны Христос Иисустаң пастыра тус пасталар алнындох пирілген паарсазынаң иткен.

Ефестегілерге 1:11

Прай нимені Позының кӧңні-сағызынҷа итчеткен Худайның пӧгіні хоостыра піс, Христостағылар, Худайның палалары поларға таллалғабыс.

Ефестегілерге 3:11

Худай Позының хас-хаҷаннаң ал чӧрген сағызын пістің Хан-пигібіс Иисус Христос пастыра толдырған.

Галат чиріндегілерге 1:12

Мин аны кізідең алып ӱгренмеем, аны мағаа Иисус Христос асхан.

1 Тимофейге 3:16

Ікінҷілес чох, пістің киртінізібістің илбек чазыды мындағ: Худай кізі ит-сӧӧгінде килген, Худай Худы Аны пір пырозы чох чарлаан. Ангеллер Аны кӧргеннер, Аннаңар чоннарға чоохталған. Тиксі-тилекейде Ағаа киртінгеннер. Худай сабланыснаң Аны ӧӧрлеткен.

Римдегілерге 8:28

Піс, тізең, пілчебіс, Худайға хынчатханнарға паза Аның кӧңні хоостыра хығыртылғаннарға прай ниме чахсаа иділче.

Галат чиріндегілерге 1:16

минде Позының Оолғын асхан. Ол анзын Худайы чохтарның аразында мин Иисус Христостаңар ӱгредерім ӱчӱн иткен. Мин кізілернең чӧптеспеем.

Илҷілернің 13:48

Аны истіп, иудей ниместер ӧрінгеннер паза Хан Худай сӧзін сабландырғаннар. Мӧгі чуртасха салылғаннарының прайзы киртін сыххан.

Матфей 13:11

Ол оларға піди нандырған: – Сірерге Тигір хан-чирінің чазыттарын пілерге пирілген, оларға, тізең, андағ ӱлӱс тӱспеен.

Илҷілернің 4:28

Олар холыңнаң кӧңнің азынада пӧгін салған нимелернің прайзын идібізерге чыылысханнар.

Илҷілернің 2:23

Худайның кӧңні паза азынада пӧгінгені хоостыра сірер Иисусты хаап алғазар, анаң Моисей Чахиинаң чараспинчатхан кізілер пастыра Аны, кіреске позығнаң хазап, ӧдір салғазар.

Лука 2:14

Сабланзын тигірдегі Худай, амыр хоных ползын чир ӱстӱндегілерге, кемге Худай паарсапча!

Лука 12:32

Хорыхпаңар, сірер кічіг хой ӧӧрі! Худай Пабаңар Худай хан-чирін сірерге пиреріне чӧпсінче.

Римдегілерге 11:25

Сірерге, харындастар, пір чазытты ас пирерге сағынчам. Постарыңнаңар улуғ сағынмаңар. Израиль чонының хай піреелері ӧчес оңдайларына пастыр салғаннар. Анзы саңайға нимес, че пасха чонның толдыра саны Худайға килер тусха ла теере.

1 Коринфтегілерге 1:21

Тилекей позының хыйғазынаң Худайны Аның хыйғазында піліп албааннаңар, Худай киртістіглерні «нимее чарабаан» ӱгредігдең арачылап халарға иткен нооза.

Галат чиріндегілерге 1:15

Ах-чарыхха тӧреенімдӧк, Худай Позының паарсазы пастыра мині таллап, мағаа чахсы кӧңнің кӧзідіп,

Ефестегілерге 1:8

Худайның паарсазы піске прай хыйға сағыстарда паза пілісте сині чох кӧп пирілген.