Ефестегілерге 1:6 - Наа Молҷағ

⁶ Мынзын Худай Позының илбек паарсазын сабландырар ӱчӱн иткен. Ол, хынчатхан Оолғын чир ӱстӱнзер ызып, пу паарсасты піске пирген.

Ефестегілерге 1:6 Referans Kwoze

Колоссадағыларға 1:13

Ол пісті харасхы ӱлгӱзінең ал халған паза Позының хынған Оолғының хан-ӱлгӱзіне кир салған.

Ефестегілерге 1:12

Худай Позының сабланызын кӧзітсіннер тіп, пісті, Христосха пурнада ізенгеннерні, таллап алған.

Филипптегілерге 4:19

Худайым минің, тізең, Позының илбек пайынаң Христос Иисустың пастыра сірернің ноо даа кирексіністеріңні толдыр пирер.

Матфей 3:17

Ол туста тигірдең ӱн истілген: – Пу Минің хынған Оолғым, Ол Минің кӧңніме тың кірче.

1 Петрның 2:9

Сірер, тізең, таллап алған тӧлзер, Хан-пигнің абыстары, ах-арығ чоны полчазар. Сірер Худайның кізілерізер. Сірерні харасхыдаң Позының хайхастығ чариинзар хығыртхан Худай, Аның сабланызын тарадарларың ӱчӱн, сірерні андағ чон ит салған.

Филипптегілерге 1:11

Худайның сабланызы, махтазы ӱчӱн Иисус Христостың пастыра чахсы киректерге пай поларзар.

Ефестегілерге 1:14

Худайның молҷағларының толдырыл парарларына Худайның Худы ізестіг танығ полча. Аннаңар піс Худайның Позының кізілерін чазыхтарынаң позыдарын ікінҷілебинчебіс. Худай, тізең, кізілерін позыдып, Позының сабланызын іле кӧзідер.

1 Петрның 4:11

Чоохтанарға салылған кізі Худай сӧстерінең чоохтанзын. Полызарға салылған кізі Худай пирчеткен кӱснең тузаланзын. Худай Иисус Христостаң пастыра сабланзын. Худайға хаҷан даа сабланыс паза кӱс ползын! Аминь.

2 Коринфтегілерге 5:21

Чазығы чох Христосты Худай пістің чазыхтарыбыс ӱчӱн хатығлап салған. Аннаңар піс, Христосха киртінчетсебіс, Худайның алнында арығ кӧңніліг полчабыс.

2 Коринфтегілерге 4:15

Прай пу ниме сірерге туза. Худайның паарсазы кӧптең кӧп кізее читче. Худай сабланар ӱчӱн, олар Аны улам кӧп алғыстапчалар.

1 Петрның 2:5

Сірер постарыңны даа, тіріг тастарны чіли, Хут чуртир тураның пӱдіриине салыңар. Ах-арығ абыстар полыбызыңар, андада сірер Хут таллаан тайығлар идерзер. Иисус Христостың сылтаанда ол тайығлар Худайға килістірелер.

Ефестегілерге 1:18

Худай сірернің чӱректеріңні чарыт пирзін тіп сурынчам. Чарыт пирзе, сірерге Худай пирген ізеністі піліп аларҷыхсар. Ах-арығ кізілеріне пирер хайхастығ молҷағларының хайдағ полчатханын паза

Римдегілерге 8:1

Ол оңдайнаң пӱӱн Христос Иисуснаң ит-ханның оңдайынҷа нимес, Хуттың хоостыра чуртапчатханнар чарғылатпастар.

Иоанн 10:17

Мин Позымның тынымны, пиріп, хатап аларға тимде полчатханымнаңар, Пабам Мағаа хынча.

Иоанн 3:35

Пабазы, Оолғына хынып, Ағаа прай ӱлгӱзін пирібіскен.

Лука 2:14

Сабланзын тигірдегі Худай, амыр хоных ползын чир ӱстӱндегілерге, кемге Худай паарсапча!

Матфей 17:5

Ол іди чоохтанчатхан арада, оларның ӱстӱнде чарыпчатхан пулут сых килген, анаң пулуттаң ӱн истілген: – Пу Минің хынчатхан Оолғым, Ол Минің кӧңніме тың кірче. Истіңер Аны!

Ефестегілерге 2:7

Худай, піске Иисус Христостың пастыра пирген илбек паарсазын паза чахсызын прай килер тустарға кӧзідер ӱчӱн, іди иткен.

Матфей 20:9

Он пір час иирде тоғынып пастааннары пірер динарий ахча алып алғаннар.