Ефестегілерге 1:11 - Наа Молҷағ

¹¹ Прай нимені Позының кӧңні-сағызынҷа итчеткен Худайның пӧгіні хоостыра піс, Христостағылар, Худайның палалары поларға таллалғабыс.

Ефестегілерге 1:11 Referans Kwoze

Римдегілерге 8:28

Піс, тізең, пілчебіс, Худайға хынчатханнарға паза Аның кӧңні хоостыра хығыртылғаннарға прай ниме чахсаа иділче.

1 Петрның 1:4

тигірде хайраллалчатхан изелбес, арығ, уурабас ӱлӱзібісті пирген.

Ефестегілерге 1:14

Худайның молҷағларының толдырыл парарларына Худайның Худы ізестіг танығ полча. Аннаңар піс Худайның Позының кізілерін чазыхтарынаң позыдарын ікінҷілебинчебіс. Худай, тізең, кізілерін позыдып, Позының сабланызын іле кӧзідер.

Ефестегілерге 3:11

Худай Позының хас-хаҷаннаң ал чӧрген сағызын пістің Хан-пигібіс Иисус Христос пастыра толдырған.

Ефестегілерге 1:5

Ол хаҷанох Позының кӧңнінҷе паза Иисус Христостың пастыра пісті Позының палалары идерге пӧгін салған.

Галат чиріндегілерге 3:18

Ӱлескен ӱлӱзін Моисей Чахиинаң пастыра ла алчатса, Худайның молҷаа хоостыра аны ал полбас. Итсе Худай паарсазын Авраамға молҷағ хоостыра читірген.

Еврейлерге 6:17

Худай кізілерге молҷағ пирген. Ол даа Аның молҷаа хайди даа толарын кізілерні пілзіннер тіп сағынған. Аннаңар Ол пу молҷағларның киречізіне Позы Позын турғысхан.

Римдегілерге 8:17

Худайның палалары полчатханыбыста, Христоснаң тиңе Аннаң ӱлӱсті алҷаң кізілер полчабыс. Христостың ирееленістерін ӱлескенібісте, сабланызын даа ӱлезербіс.

Колоссадағыларға 1:12

Пісті чарыхта ах-арығларның ӱлӱзін аларға хығырған Худайны паза Пабаны алғап турыңар.

Колоссадағыларға 3:24

Аның ӱчӱн сірерге Хан-пигнің пайынаң сыйых пирілерін пілчезер. Сірер Хан-пигібіс Христосха хул полчазар нооза.

Илҷілернің 26:18

Син оларға харахтарын ас пирерге кирексің: харасхыдаң чарыхсар, сайтан ӱлгӱзінең Худайзар айланар иде, Мағаа киртініп, чазыхтарынаң позып алар иде, паза Минің таллап алған кізілерімнің аразында орын алар иде».

Илҷілернің 20:32

Амды даа, харындастар, мин сірерні Худай холына пирчем. Аның паарсастығ сӧзін ундутпаңар! Ол сірерні аннаң андар ӱгрет полар, ідӧк Худай позының прай кізілеріне пирчеткен алғастардаң сірерге дее пир полар.

Илҷілернің 2:23

Худайның кӧңні паза азынада пӧгінгені хоостыра сірер Иисусты хаап алғазар, анаң Моисей Чахиинаң чараспинчатхан кізілер пастыра Аны, кіреске позығнаң хазап, ӧдір салғазар.

Илҷілернің 4:28

Олар холыңнаң кӧңнің азынада пӧгін салған нимелернің прайзын идібізерге чыылысханнар.

1 Петрның 3:9

Чабалға чабалнаң, хырызынысха хырызыныснаң нандырбаңар, че алғас аларға хығыртылғаннарыңны піліп, кізілерні улам алғапчадыңар.

Римдегілерге 11:34

Худайның сағызын кем піліп алған? Кем Ағаа чӧп пирген?

Иаковтың 2:5

Истіңер зе, хынған харындастарым! Худай тилекейде чохтарны киртініске пай поларға паза Аның хан-чирін ээленерге таллаан нимес пе? Худай ол хан-чирін Позына хынчатханнарға молҷаан нооза.

Ефестегілерге 1:8

Худайның паарсазы піске прай хыйға сағыстарда паза пілісте сині чох кӧп пирілген.

Илҷілернің 13:48

Аны истіп, иудей ниместер ӧрінгеннер паза Хан Худай сӧзін сабландырғаннар. Мӧгі чуртасха салылғаннарының прайзы киртін сыххан.

Римдегілерге 8:29

Худай пурун піл салған кізілерге, Позының Оолғы кӧп харындастарының аразында тун палазы ползын тіп, Позының Оолғына тӧӧй поларға турғыс салған.

Римдегілерге 8:30

Кемні турғыс салған, тізең, оларныох хығыртхан. Кемні хығыртхан, оларныох ахтаан. Кемні ахтаан, тізең, оларныох саблаан.

Римдегілерге 9:11

Палалар тӧреелекке дее, чахсы даа, чабал даа ниме иткелектерінде, ағаа чоохталған: «Улии кічиинің хулы полар». Іди Худай Позының пӧгіні Позы таллаанынаң толдырылчатханын кӧзіткен. Ол кізінің киректеріне кӧрбин, Позы хығыртхан кізіні таллидыр.

Ефестегілерге 1:9

Айабин пиріп, пастабох Христостың пастыра толдырарға сағын салған чазыт пӧгінін піске асхан. Ол аны Позының паарсах кӧңнінең иткен.

Ефестегілерге 1:18

Худай сірернің чӱректеріңні чарыт пирзін тіп сурынчам. Чарыт пирзе, сірерге Худай пирген ізеністі піліп аларҷыхсар. Ах-арығ кізілеріне пирер хайхастығ молҷағларының хайдағ полчатханын паза

Титке 2:14

Ол, пісті хайдағ даа чабал киректең ал халар паза ах-арығ чон ит салар ӱчӱн, Позының тынын пир салған. Амды піс Аның чоныбыс паза чахсы киректер идерге салынчабыс.