Ефестегілерге 1:1 - Наа Молҷағ

¹ Мин, Павел, Худайның кӧңні хоостыра Иисус Христостың илҷізі, Ефес саарда чуртапчатхан, Иисус Христосха киртінчеткен ах-арығларға чолабит ысчам.

Ефестегілерге 1:1 Referans Kwoze

Колоссадағыларға 1:2

Колосс саарда чуртапчатхан ах-арығларға паза Христос Иисусха киртінчеткен харындастарыбысха чолабит ысчабыс.

2 Коринфтегілерге 1:1

Худайның кӧңнінҷе Христос Иисустың илҷізі полчатхан Павел паза Тимофей харындас Коринфтегі Худай тигірибіне паза тиксі Ахай чирінде чуртапчатхан ах-арығ кізілерге чолабит ысчабыс.

Галат чиріндегілерге 1:1

Кізілердең нимес, кізінің дее пастыра нимес, че Иисус Христостың паза Аны ӧліглердең тірілдірген Худай Пабаның пастыра илҷі полыбысхан Павел Галат чиріндегі тигірибге пасчам. Ідӧк миннең хада полчатхан прай харындастар сірерге изен читірчелер.

Римдегілерге 1:1

Мин, Христос Иисустың хулы Павел, Аның илҷізі поларға хығыртылғам. Ол мині Худайның Чахсы Хабарын чарлирға таллаан.

Римдегілерге 1:7

Сірерге прайларыңа Худайның Римде чуртапчатхан хынған кізілеріне, ах-арығ поларға хығыртылған чонына пасчам. Худай Пабабыстаң паза Хан-пигібіс Иисус Христостаң паарсас паза амыр хоных сірерге ползын.

Ефестегілерге 6:21

Хайди чуртапчатханымнаңар паза ниме итчеткенімнеңер хынған харындазым паза Хан-пигнің сын нымысчызы Тихик сірерге прай чоохтап пирер.

1 Коринфтегілерге 4:17

Мының ӱчӱн минің хынған паза Хан-пигібісте киртістіг оолғымны Тимофейні сірерзер ыстым. Ол сірерге Христоста чолларымны, минің прай чирде, ноо даа тигірибде ӱгретчеткенімні сағыстарыңа кирер.

Лука 16:10

Кічіг нимеде ізестіг кізі улуғ даа нимеде ізестіг, че кічіг нимеде ізес чох кізі кӧп тее нимеде ізестіг нимес.

Азых чоох 2:10

Сірерге тӱзер хыйаллардаң хорыхпаңар. Кӧрерзер, сайтан, сірерні сыныхтирға тіп, хай піреелеріңні харибге чаап салар. Сірер он кӱн ирееленерзер. ӧдірттеечетсер, Мағаа киртінерін тастабаңар, анаң Мин сірерге чуртастың сабланыс таниин – веногын, пирербін.

Азых чоох 17:14

Олар Хурағаннаң чаалазарлар, че Хураған оларны утып алар. Ол пиглернің Пигі, ханнарның Ханы полча нооза. Аның хығырған паза таллап алған сын чӱректіг кізілері аннаң хадалар.

Галат чиріндегілерге 3:9

Аннаңар киртістіг Авраамнаң хада киртіністіглер алғас аларлар.

Римдегілерге 8:1

Ол оңдайнаң пӱӱн Христос Иисуснаң ит-ханның оңдайынҷа нимес, Хуттың хоостыра чуртапчатханнар чарғылатпастар.

Илҷілернің 16:15

Лидий, ибдегілерінең хада кіреске тӱскен соонда, теен: – Мині Хан Худайның сын кізізі тіп сағынчатсаңар, турамзар кіріп, минде чуртап алыңар. Іди ол пісті чӧптеп алған.

Азых чоох 2:13

Сірернің киректеріңні, сайтанның ӱлгӱ сіреезі полчатхан орында чуртапчатханнарыңны паза Минің алныма ізестіг турысханнарыңны пілчем. Анда, сайтанның чирінде, Минің сын киречім Антипаның ӧдірт салған кӱннерінде дее Мағаа киртінерінең хыйа полбааннарыңны даа пілчем.

1 Коринфтегілерге 4:12

хол кӱзінең тоғынып, істенчебіс. Пісті сӧклепчелер, піс алғапчабыс, пісті сӱрчелер, піс сыдасчабыс.

Илҷілернің 9:13

Ананий нандырған: – Хан-пигім, мин аннаңар кӧп кізідең искем, Иерусалимде Синің ах-арығ кізілеріңе нинҷе чабал иткенін.

Илҷілернің 18:19

Ефес саарға читкенде, Павел, синагогазар кіріп, анда иудейлернең анзын-мынзын ӱзӱрген. Олар постарында ам даа полып аларға сурынғаннарында, Павел ынабаан. – Мағаа пу чағдапчатхан ӱлӱкӱнде Иерусалимде поларға кирек. Худай пирзе, мин соонаң сірерзер килербін, – теен. Анаң анымҷохтазып, Акиланаң Прискилланы Ефесте халғыс салып, позы, тізең, парыбысхан.

Галат чиріндегілерге 3:26

Сірер прайзыңар Христос Иисусха киртіністерің хоостыра Худайның оолларызар нооза.

Галат чиріндегілерге 3:28

Амды иудей дее, грек тее чоғыллар, хул даа, пос кізі дее, ирен дее, ипчі дее чоғыллар. Сірер прайзыңар Христос Иисуснаң пір пол парғазар.

Ефестегілерге 1:15

Аннаңар мин дее, Иисус Христосха киртінчеткеннеріңні паза прай ах-арығларға хынчатханнарыңны истіп,

Ефестегілерге 2:6

Худай пісті, Иисус Христоснаң хада тірілдіріп, тигірде Аннаң хости одырт салған.

Ефестегілерге 2:10

Піс Худайның чайап салған кізілерібіс. Чахсы киректер идерге Иисус Христос пастыра чайалғабыс. Ол киректерні Худай піске, толдырыңар тіп, хас-хаҷанох азынада тимнеп пирген.

Ефестегілерге 2:13

Амды, тізең, сірер, хаҷан-да ыраххы чон, Христос Иисуснаң хада полып, Аның ханының сылтаанда чағыннас парғазар.