1 Тимофейге 2:4 - Наа Молҷағ

⁴ ол прай кізілерні арачыланзыннар паза сынны пілеріне читсіннер тіп сағынча.

1 Тимофейге 2:4 Referans Kwoze

2 Петрның 3:9

Піреелері, Хан Худай молҷаан нимені соона салдырча тіп сағынчатханнары, алҷаастанчалар. Хан Худай, тыстанып ала, сағыпча. Ол пірдеезін ӧлзін тіп сағынминча. Худай прайзын, чазыхтарын тастап, Позынзар айланарға маңнан халзыннар тіп хынча.

Титке 2:11

Прай кізілерні арачылап полар Худайның паарсазы чит килді нооза.

2 Тимофейге 2:25

Тоғырланчатханнарны амыр ӱгрет. Арса, сайтан позының ӱлгӱзіне киріп алған сӧзірбезінең позып аларлары ӱчӱн, Худай оларға, пыросынарға оңдай пиріп, сынны пілерге чол ас пирер.

1 Тимофейге 4:10

Худайның кӧңнін толдырар ӱчӱн піс тоғын парчабыс паза хыртыстаныстарға тыстанчабыс. Піс аны сын тіріг Худайға, прай кізілернің, улам киртіністіглернің, Арачылағҷызына ізенчеткеннеңер итчебіс.

Лука 24:47

Амды Аның адынаң, Иерусалимнең пастади, прай чоннарны, пыросынып, чазыхтардаң позирға ӱгредерге кирек.

Азых чоох 14:6

Анаң мин, прай чир ӱстӱндегі кізілерге, полған на сӧӧкке, полған на тӧлге, полған на тілге, полған на чонға, хаҷан даа сын Чахсы Хабарны искірерге тіп, тигірҷе пӧзік учухчатхан пасхох ангелні кӧр салғам.

Иоанн 14:6

Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.

Матфей 28:19

Парыңар, прай чоннарны Пабаның, Оолғының паза Худай Худының адынаң кіреске тӱзіріп, Мин сірерге идерге чахаан нимелерні толдырарға ӱгредіп, оларны Минің ӱгренҷілерім ит салыңар. Прай кӱннерде, тӱгенҷі тус тоозылғанҷа, Мин сірернең хадабын. Аминь.

Титке 1:1

Павел – Худай хулы, Иисус Христостың илҷізі. Мин Худай таллааннарға киртініс читірерге, оларны сынға паза Худайның кӧңніне чарапчатхан чуртасха ӱгредерге ызылғам.

2 Тимофейге 3:7

Андағ ипчілер сыбыра ӱгренчелер, че сын піліске хаҷан даа чит полбинчалар.

Лука 14:23

Ээзі чалҷызына пазох теен: «Саар тастындағы чолларзар паза сиденнерзер парып, кізілерні килер иде матап хығыр. Турама толдыра аалҷы ползын.

Лука 1:77

Чонның арачыланызы чазыхтарынаң позыдыларында полчатханын чонға искір пирер ӱчӱн.

Иоанн 17:17

Оларны, Позыңа чарып алып, Сын нимее ӱгредіп, арығ ит. Синің сӧзің Сын.

Иоанн 6:37

Пабамның Мағаа пирчеткен кізілері прайзы Минзер килерлер. Минзер килчеткен кізіні Позымнаң хыйа сӱрбеспін.

Марк 16:15

Анаң оларға теен: – Тиксі-тилекейге тараңар паза Чахсы Хабарны прай тіріг-тынныға читіріп, ӱгредіңер.

Еврейлерге 10:26

Сынны піле-тура, чазыхта чуртирға хынчатсабыс, пісті чазыхтаң арығлап алҷаң тайығ чоғыл.

Римдегілерге 11:14

Арса, пір сӧӧк кізілерімнің чӱректерін кӱннеттіртіп, піреезін іди арачылап алҷаңмын ма?

Иаковтың 3:14

Че чӱрееңерде ачығ істі чохтанысты, тімелісті тутчатсар, хыйғазар тіп махтанмаңар, сыннаң тоғыр чойланмаңар.

2 Иоанның 1:1

Мин, Ах сағал, Худай таллап алған Іҷее паза аның палаларына чолабит ысчам. Мин сірерге сыннаң хынчам, мин не нимес, че Сынны пілчеткен прай кізілер сірерге хынчалар.