1 Тимофейге 1:12 - Наа Молҷағ

¹² Мағаа кӱс пирген Хан-пигібіс Христос Иисусты киртінгені паза кирекке турғысханы ӱчӱн алғыстапчам.

1 Тимофейге 1:12 Referans Kwoze

Филипптегілерге 4:13

Иисус Христос мині пик итчеткенде, прай нимее кӱзім чидер.

2 Тимофейге 4:17

Хан-пиг, тізең, алным алып, минің пастыра Чахсы Хабар толдыра таразын паза аны пасха худайлығлар парчазы иссін тіп тыытты. Іди мин ала парыстың тістерінең ос халғам.

Колоссадағыларға 1:25

Худайның устааны хоостыра мин ол тигірибнің нымысчызы полчам. Худай Позының сӧзін сірерге толдыразынаң чарлирға мағаа чахаан.

Филипптегілерге 2:11

Ноо даа тіл Иисус Христостың Хан-пигібіс полчатханын чарлазын. Андада Худай Пабабыс сабланар.

2 Коринфтегілерге 4:1

Аннаңар Худай, піске айап, пу тоғысты пирген, піс, тізең, кӧңнібіс тӱзірбинчебіс.

1 Коринфтегілерге 7:25

Кізі теңмеен чӧрердеңер минде Хан-пигнің чахығлары чоғыл. Че Хан-пиге киртістіг поларға Аннаң ӧлҷей алған кізі чіли чӧп пирчем.

Илҷілернің 9:22

Савлның ӱгредии, тізең, кӱстігдең кӱстіг полып одырған, Иисус Мессий полча тіп киречілеені Дамасктағы иудейлерні нандырҷаа чох иде сағысха тӱзірген.

Илҷілернің 9:15

Че Хан-пиг ағаа теен: – Син пар. Мин аны Минің адымны аймах чоннарға, ханнарға паза Израиль кізілеріне искір турарға таллап алғам.

Илҷілернің 16:15

Лидий, ибдегілерінең хада кіреске тӱскен соонда, теен: – Мині Хан Худайның сын кізізі тіп сағынчатсаңар, турамзар кіріп, минде чуртап алыңар. Іди ол пісті чӧптеп алған.

1 Тимофейге 1:11

Анзын мин сабланыстығ Худайыбыстың мағаа пирілген Чахсы Хабарына тӧстеніп чоохтапчам.

1 Коринфтегілерге 15:10

Ам кем полчам, мин Худай паарсазы сылтаанда пол парғам. Худай паарсазы, тізең, тик полбаан. Мин пасха илҷілердең кӧп тоғынғам. Итсе, сынында пу минің тоғызым нимес, че миннең пастыра пирілчеткен Худай паарсазы.

Иоанн 5:23

Пу оңдайнаң прайзы, Пабазын хайди улуғлапчалар, сах іди Оолғын улуғлазыннар. Оолғын улуғлабинчатхан кізі Аны ысхан Пабазын даа улуғлабинча.

1 Коринфтегілерге 3:5

Кемдір Павел, Кем Аполлос? Олар Худайға чӧрінчеткен кізілер ле. Оларның пастыра сірер киртініске айлан парғазар, ағаа хоза, полғаныңар ла Хан-пиг сірерге кемні турғысханы хоостыра.

Галат чиріндегілерге 3:26

Сірер прайзыңар Христос Иисусха киртіністерің хоостыра Худайның оолларызар нооза.

Галат чиріндегілерге 3:28

Амды иудей дее, грек тее чоғыллар, хул даа, пос кізі дее, ирен дее, ипчі дее чоғыллар. Сірер прайзыңар Христос Иисуснаң пір пол парғазар.

1 Тимофейге 1:1

Мин, Павел, Худай Арачылағҷыбыстың паза ізенізібіс Христос Иисус Хан-пигібістің чахааны хоостыра Христос Иисустың илҷізіне турғызылғам.

1 Тимофейге 1:2

Тимофейге, киртінізібісте сын оолғыма, пасчам. Пабабыс Худайдаң паза Хан-пигібіс Христос Иисустаң паарсас, ӧлҷей паза амыр хоных сағаа.

1 Тимофейге 6:13

Прай нимее тын пирчеткен Худайның паза Понтий Пилатха чахсы киречілес пирген Христос Иисустың алнында сағаа минің чахиим:

2 Тимофейге 2:2

Пасхаларын ӱгрет полар ізестіг кізілерге киречілер кӧзіне миннең искен нимені читтір.

Титке 1:4

Титке, пір киртіністе сын оолғыма – Худай Пабабыстаң паза Арачылағҷыбыс Хан-пиг Христос Иисустаң паарсас, айағ паза амыр хоных сағаа.

Филимонға 1:9

Че, хыныснаң сурынза, артых полар. Мин, Павел аға, амды Иисус Христостың кинҷелеп салған кізізі,

Матфей 20:4

Оларға даа тіді: «Сірер дее винограднигімзер парыңар. Тоғынып алған ахчаны тӧлеп пирербін». Олар парыбоғысханнар.