4 Амды сайбахха паза кӱлетке хада салынминчатханнарыңа хахап, олар сірерні сӧклеп чӧрчелер.
арығ сағыстығ полыңар. Андада сірерні чабал тіпчеткен, Христоста иптіг чуртапчатханнарыңны сӧклепчеткен кізілер постары уйатха кірерлер.
Пасха чонның аразында сірерні чабал кізілер тіп чоохтапчатсалар даа, чахсы ла чӧріңер. Худай оларзар килген туста, тізең, олар, чахсы киректеріңні кӧріп, Худайны саблирлар.
Иудейлер, тізең, ағаа тоғырланып, чабал чоохтан сыхханнарында, Павел, кип-азаан хахтабызып, оларға теен: – Сірерге урунған ниме ӱчӱн постарың нандырығ тударзар. Мин арығбын. Амды мин пасха чоннарзар парарбын.
Пу кізілер постары пілбинчеткен нимені хырысчалар. Аңнар чіли, нимені пілінмин итчелер, пос постарын чох иттірерлеріне ағылчалар.
Че иудейлер, чыыл парған чонны кӧр салып, атархап парғаннар, Павел чоохтаан нимелерге, тізең, тоғыр кірізіп, хазалып, анынаң таласханнар.
Оларның хылынғаннары «Адай хусхағына айланадыр» паза «Сосханы чууп таа салза, олох ла палғасха кір парар» теені сын полчатханын киречілепче.
Чой ӱгретчілер, тізең, сас аңнар ла чіли, пір дее ниме сағынминчалар, ит-ханнары тартхан хоостыра пол чӧрчелер. Олар постары оңарбинчатхан нимені хырысчалар. Сас аңнар, тізең, кізее туттырып, ӧлерге тӧріпчелер. Пу кізілер дее ідӧк чох иділерлер.
Кӱн чариинда чіли иптіг чуртаалар: кӱлет саппин, араға іспин, хыҷыхха, сайбахха салынмин, тартыспин, істі чохтаныспин.
Нинҷе-де кӱн ирткенде, кічіг оолғы, прай ис-пайын чыып алып, ыраххы чирлерзер чӧрібіскен. Анда, кӱлетке ле сабылып, нинҷе пар нимезін прай хорат салтыр.
Араға иртіре іспеңер, анзы кізіні ардатча. Че Худай Худынаң постарыңны толдырыңар.
Хыйал сірерге, Моисей Чахии пілігҷілері паза фарисейлер! Чойырхостар! Сірер чірче-айахтың тастын на арығлап салчазар, оларның істінде, тізең, азымахтаныс паза сын нимес нимелер толдыра.