1 Петрның 4:2 - Наа Молҷағ

² Ол оңдайнаң кізі пу чирде чуртирға хала парған тусты, хыҷаланыстарына сабылбин, Худайның кӧңнінҷе чуртапча.

1 Петрның 4:2 Referans Kwoze

1 Петрның 1:14

Чоох истеечі палалар осхас полыңар. Ит-хан ойнастарына тартылбаңар. Сірер Иисустаңар Чахсы Хабарны пілбееннеңер анзына сабыл турғазар.

Ефестегілерге 6:6

Оларның чахығларын, чойырхостар чіли, кізі кӧзіне ле нимес, че Христостың хуллары Худайның кӧңнін толдырчатхан чіли, пар-чох кӧңніңер салып, толдыр турыңар.

Римдегілерге 6:11

Сірерге дее постарыңны, чазыхха ӧлігзер, Худайға пістің Хан-пигібіс Иисус Христоста чуртапчазар тіп, санирға чарир.

2 Коринфтегілерге 5:15

Ол прайзының ӱчӱн ӧл парған. Аннаңар чуртапчатхан кізілер постарына нимес, че оларның ӱчӱн ӧліп, тірілген Христосха чуртирға киректер.

Ефестегілерге 2:3

Алында піс тее оларның санында полғабыс, піс тее прайзыбыс, аймах-пасха чабал нимелерге тартылып, ит-сӧӧгібістің паза кӧңні-сағызыбыстың хынчатхан нимелерін не идіп, пасхалары чіли чуртаабыс. Оларох чіли, тӧрееннең Худайның чабалланғанын кӧрерге салылғабыс.

Римдегілерге 6:2

Чох, андағ нимес. Піс чазыхха ӧл парғабыс, чазыхтығ чуртап поларбыс па?

Ефестегілерге 4:17

Аннаңар, Хан-пигібістің адынаң алданып, Худайы чох чоннар чіли, пос оңдайынҷа хылынмаңар тіпчем сірерге.

Римдегілерге 14:7

Пірдеезі посха чуртабинча, посха ӧлбинче нооза.

1 Петрның 2:1

Ол оңдайнаң хайдағ даа чабал нимені, хайдағ даа алаахтырысты, чой хылынысты, чой чоохты постарыңнаң хыйа идіңер.

Иоанн 7:17

Аның кӧңнін толдырарға хынчатхан кізі пу ӱгредігнің Худайдаң килчеткенін ме алай Минің чоохтааным полчатханын ма хайди дее пілер.

Марк 7:21

Кізінің істінең, чӱреенең сыхча чабал сағыс, чӧреес хылых, оғырлас, ӧдіріс,

Марк 3:35

Худай кӧңнін толдырчатханнар Мағаа харындас, пиҷе паза іҷе нооза.

1 Иоанның 2:17

Чир-чалбах паза аның хыҷыхтаныстары ирт парадыр, че Худайның кӧңнін толдырчатхан кізі хаҷан даа чуртидыр.

Иаковтың 1:18

Пісті Аның таллама чайаачызы ползыннар тіп сағынып, Ол пісті сынның сӧзінең тӧріт салған.

1 Фессалониктегілерге 5:18

прай нименің ӱчӱн алғаңар: Христос Иисусха киртінчеткен ползаңар, Худайның сірерге андағ кӧңні.

Колоссадағыларға 1:9

Аннаңар піс тее, мыны ис салған кӱннең сығара, сірердеңер тохтағ чох пазырчабыс. Худай Позының пӧгіннерінеңер сірерге толдыра піліс пирзін тіп, Аннаң сурынчабыс. Іди сірер хайдағ даа нимеде хыйға тудынарзар паза Худай Худынаң пирілчеткенні оңар пілерзер.

Ефестегілерге 5:17

Ниик сағыстығ полбаңар. Худай сірердең ниме идерлеріңні сағыпчатханын піліп аларға кӱстеніңер.

Римдегілерге 12:2

Пу тилекейнің оңдайынҷа чуртабаңар, че сағыс-кӧгістеріңні нааҷылап, постарыңны алыстырыңар. Андада сірер Худайның кӧңні хайдағ полчатханын сынап аларзар: ниме Ағаа чахсы, чаразых паза кӧңніне толдыра.

Римдегілерге 7:4

Сірер дее, харындастарым, Христоснаң хада ӧліп, чахыға ӧл парғазар. Пасха, ӧліглердең тіріл парған кізіни пол парғазар. Худайға парыс ағылар ӱчӱн чуртааңар.

Иоанн 1:13

Худай палалары олаңай паба-іҷедең не нимес, че Худайдаң тӧридірлер.

Матфей 21:31

Пу ікі оолның хайзы пабазының чахиин толдырған? Ағаа тееннер: – Пастағызы. Иисус оларға теен: – Сынны сірерге тіпчем, албан чығҷаңнар паза чӧреечі ипчілер Худай хан-чирінзер сірердең пурун кірерлер.

Матфей 12:50

Кем Тигірдегі Пабамның кӧңнін толдырча, ол Минің харындазым, пиҷем паза іҷем полча.

Матфей 7:21

Мині «Хан-пигім! Хан-пигім!» тіпчеткен полған на кізі нимес, че Тигірдегі Пабамның кӧңнін не толдырчатхан кізі Тигір хан-чирінзер кіріп алар.

Колоссадағыларға 4:12

Сірердең килген Епафрас, Иисус Христостың хулы, изен читірче. Сірерні, тееніп, Худайның кӧңнін сыбыра пик сағыснаң толдырзыннар тіп сірернің ӱчӱн пазырып, парчан кӱзін салып кӱрес парча.

Колоссадағыларға 3:3

Сірер ӧл парғазар нооза, сірернің чуртазыңар, тізең, Христоснаң хада Худайда чазырыл парған.

Матфей 20:4

Оларға даа тіді: «Сірер дее винограднигімзер парыңар. Тоғынып алған ахчаны тӧлеп пирербін». Олар парыбоғысханнар.