1 Петрның 1:8 - Наа Молҷағ

⁸ Сірер Аны хаҷан даа кӧрбеен дее ползар, Ағаа хынчазар. Сағам даа, Аны кӧрбинчеткен дее ползар, Ағаа киртінчезер паза чоохтап таа полбас ӧрініс сірерні толдырча.

1 Петрның 1:8 Referans Kwoze

Иоанн 20:29

Син, Мині кӧріп, киртіндің ме? Че, Мині кӧрбин, киртінчеткеннері часкалығлар, – теен Иисус.

2 Коринфтегілерге 5:7

Че піске харах кӧрчеткені нимес, киртініс ӧӧні полча нооза.

Римдегілерге 15:13

Ізеніс пирчеткен Худай, тізең, сірерні киртіністеріңнің пастыра пар-чох ӧрініснең паза амырнаң толдыр салзын. Худай Худының кӱзінең ізеністерің кӧптеліп одырзын.

Еврейлерге 11:1

Киртініс – ол ізенген нименің хайди даа толарын ікінҷілебинчеткені паза кӧрінмес нимелернің сынында поларын чахсы пілчеткені полча.

Иоанн 16:22

Сірер дее сағам сағыссырастазар. Мин сірернең хатап кӧрізербін, андада сірер ӧрінерзер. Ол ӧріністі сірердең пірдеезі пылас полбас.

1 Петрның 1:6

Сірер анзына ӧрініңер. Сағамғы туста, аймах-пасха сынағлар иртіп, чобаларға килісчеткен дее полза, ӧрініңер.

Еврейлерге 11:27

Моисей, ханның хазырланарынаң хорыхпин, киртінгені хоостыра Египеттең сығыбысхан. Кӧрінмес Худайны кӧрген чіли, нандыра айланмасха пик пӧгін салған.

1 Петрның 2:7

Сірерге, киртінчеткен кізілерге, ол аарлығ ниме полча. Киртінминчеткеннерге, тізең, ол пӱдірігҷілер хыйа ал тастаан тас. Че ол ӧӧн тас пол парды. Киртінминчеткен кізілерге ол харылҷаң ниме, кізі аңдарылҷаң хайа тас.

Филипптегілерге 4:4

Хан-пигібісте хаҷан даа ӧрініңер, пазох хатап чоохтапчам сірерге – ӧрініңер.

1 Петрның 5:4

Ӧӧн хадағҷы килзе, сірерге тӱгенмес сабланыстың сыйии пирілер.

Ефестегілерге 6:24

Сірерде прайзыңарда, Хан-пигібіс Иисус Христосха тоозылбас хыныснаң хынчатханнарда, Худайның паарсазы ползын. Аминь.

Филипптегілерге 1:25

Сірернің киртіністе маңнанысха паза ӧрініске чидерлерің ӱчӱн сірернең прайзыңарнаң хада халарымны ізестіг пілчем.

Римдегілерге 14:17

Худайның хан-ӱлгӱзі ас-суғ нимес нооза. Че ол ах сағыс, амыр чуртас паза Худай Худынаң пирілген ӧрініс.

Иоанн 14:24

Мағаа хынминчатхан кізі, Минің сӧзімні толдырбинча. Сірер исчеткен сӧс Мини нимес, Мині ысхан Пабамни.

Иоанн 8:42

Мин, Худайдаң киліп, мында полчам. Мин Позым алынҷа килбеем, Мині Худай ысхан. Аннаңар, Худай сірернің Пабаңар полған полза, сірер Мағаа хынарҷыхсар, – нандырған Иисус. –

Филипптегілерге 3:3

Сӱннет идері піс полчабыс нооза. Худай Худы хоостыра Худайға тоғынчатханнар, Христос Иисусха кееркепчеткеннер паза кізі позыбысха ізенминчеткеннер.

Галат чиріндегілерге 5:22

Худай Худы пирчеткен ниме, тізең, мындағ: хыныс, ӧрініс, амыр хоных, тыстаныс, паарсас, айас, киртініс,

Галат чиріндегілерге 5:6

Христос Иисуснаң хада полчатсабыс, сӱннет иттіргеннің дее, иттірбееннің дее пасхазы чоғыл. Хыныс киректерінең позын кӧзітчеткен киртініс ле кирек.

2 Коринфтегілерге 12:4

Худай садынзар кӧдірілген. Анда ол кізі чоохтап таа полбас паза чоохтирға чарабас сӧстерні искен.

2 Коринфтегілерге 9:15

Худайның чоохтап таа полбас сыйыхтарының ӱчӱн Ағаа алғыс ползын.

2 Коринфтегілерге 1:22

Іди Ол, пісті таныхтап, Позының Худын чӱректерібіске пиріп, полар тусха ізеніс пирген.

Илҷілернің 16:34

Анаң, оларны ибінзер ағылып, стол кистіне одыртып, сыйлаан, позының паза ибдегілерінің Худайға киртін сыхханнарына ӧрінген.

Иоанн 14:21

Минің чахығларымны ал чӧрчеткен паза толдырчатхан кізі Мағаа хынча. Мағаа хынчатхан кізее Пабам даа хынча. Мин дее ағаа хынарбын паза Позымнаңар сизіндірербін. –

Иоанн 14:15

Мағаа хынчатсаңар, чахығларымны толдырыңар.

Матфей 10:37

Кем пабазына алай іҷезіне Миннең артых хынча, ол кізі Мағаа турыстығ нимес. Кем оолғына алай хызына Миннең артых хынча, ол Мағаа турыстығ нимес.

1 Коринфтегілерге 16:22

Кем Хан-пигібіс Иисус Христосха хынминча – ағаа харғас. Кил, Хан-пигібіс!