1 Петрның 1:6 - Наа Молҷағ

⁶ Сірер анзына ӧрініңер. Сағамғы туста, аймах-пасха сынағлар иртіп, чобаларға килісчеткен дее полза, ӧрініңер.

1 Петрның 1:6 Referans Kwoze

Иаковтың 1:2

Піліңер, сірернің киртіністеріңні сынааны тыстанысты тӧрітче. Аннаңар, харындастарым, аймах сынағларға кір парчатсаңар, анзын улуғ ӧрініске санаңар.

1 Петрның 5:10

Сірерге ӧң-пазы паарсазын пирчеткен Худай Христостың пастыра сірерні тӱгенмес сабланысха хығыртхан. Сірер ирееленісті тӱрче ле кӧрерзер, че Худай Позы сірерні пик ит салар, кӱстеріңні хатап киріп, сірерні сыдамах ит салар.

Римдегілерге 12:12

Ізеніс парда, ӧріністіг полыңар, чобағда тыстаныстығ полыңар, сыбыра пазырчадыңар.

Римдегілерге 5:2

Иисус Христостаң пастыра, киртінізібістің сылтаанда ам піске пирілген паарсасха читтібіс паза Худайыбыстың сабланызын ӱлезерге ізеніп, тың ӧрінчебіс.

Матфей 5:12

Тигірде сірерні илбек тӧлег сағыпча, аннаңар ӧрініңер паза кӧглеңер. Сірернің алнында даа чуртаан ухаанҷыларны ідӧк сӱрҷеңнер.

Иоанн 16:33

Мыны сірерге Миннең амырны алзыннар тіп чоохтадым. Чир-чалбахта сірерні чобағ сахтапча, че пик тудыныңар: Мин пу чир-чалбахты чиңіп алдым.

Иоанн 16:22

Сірер дее сағам сағыссырастазар. Мин сірернең хатап кӧрізербін, андада сірер ӧрінерзер. Ол ӧріністі сірердең пірдеезі пылас полбас.

Матфей 11:28

Киліңер Минзер прайзыңар, істенчеткеннер паза аар чӱктіглер, Мин сірерге тынағ пирербін.

Римдегілерге 5:11

Піс анзына ла махтанминчабыс. Хан-пигібіс Иисус Христостың пастыра Худайни полчатханыбысха махтанчабыс. Аның сылтаанда піс Худайнаң чарас салғабыс.

Илҷілернің 14:22

Піске Худайның хан-ӱлгӱзінзер кӧп хыйаллар пастыра кірерге килізер тіп ӱгредіп ала, Худайға киртінерге хығырғаннар паза ӱгренҷілернің кӧңні-сағыстарын тыытханнар.

Лука 10:20

Че айналар чахииңарны толдырча тіп, ӧрінмеңер, аттарың тигірде пазыл парғанына ӧрініңер.

1 Петрның 4:7

Че прай ниме тоозыларына чағдап одыр. Аннаңар чахсы, орта сағынып ал турыңар, пазырчатсаңар, сизіктіг полыңар.

Иаковтың 4:9

Чобалыңар, ылғаңар, сыхтаңар. Хатхы сыытха, ӧрініс чобаға айлан парзын.

2 Коринфтегілерге 4:17

Піс кӧрінчеткен нимее кӧрбинчебіс, кӧрінминчеткенге кӧрчебіс. Аннаңар оой, иртісчең ирееленістерібіс илбек паза мӧгі сабланыс тӧрітчелер. Харахха кӧрінчеткен нименің тузы хысха, харахха кӧрінмес ниме, тізең, мӧгі нооза.

Иаковтың 1:9

Пазындыртчатхан харындас анзына кееркезін – Худай аны іди кӧдірче.

Филипптегілерге 3:3

Сӱннет идері піс полчабыс нооза. Худай Худы хоостыра Худайға тоғынчатханнар, Христос Иисусха кееркепчеткеннер паза кізі позыбысха ізенминчеткеннер.

2 Коринфтегілерге 6:10

Пісті хомзындырчалар, че піс сыбыра ӧрчілігбіс, піс чохпыс, че кӧп кізіні пайытчабыс, пістің пір дее ниме чоғыл, че піс сынында прай нименің ээзі полчабыс.

1 Фессалониктегілерге 1:6

Сірер зе, Иисус Христостаңар сӧсті алынып, кӧп ирее кӧргезер. Андағ даа полза, Худай Худынаң пирілчеткен ӧрініснең піске паза Хан-пигібіске кӧӧгіп пастаазар.

Филипптегілерге 4:4

Хан-пигібісте хаҷан даа ӧрініңер, пазох хатап чоохтапчам сірерге – ӧрініңер.

Галат чиріндегілерге 5:22

Худай Худы пирчеткен ниме, тізең, мындағ: хыныс, ӧрініс, амыр хоных, тыстаныс, паарсас, айас, киртініс,

Римдегілерге 9:2

Улуғ чобағ паза тохтабинчатхан ағырығ минің чӱреемде.

Лука 2:10

Че ангел оларға теен: – Хорыхпаңар. Мин сірерге прай чонны ӧріндірер уғаа чахсы хабарны искірчем:

Лука 1:47

Ӧрінчедір кӧңнім Худайға, Арачылағҷыма,

Матфей 26:37

Анаң, Пётрны паза Зеведейнің ікі оолғын Позынаң хада апарып, илеп-чобал сыххан. –

1 Петрның 3:17

Чабал киректернің ӱчӱн ирее кӧргенҷе, Худайның кӧңнінҷе чахсы киректернің ӱчӱн иреелензе артых полар.