1 Петрның 1:12 - Наа Молҷағ

¹² Ухаанҷылар, постарының нимес, сірернің ӱчӱн анзын итчеткенін Худай оларға ас пирген. Амды, тізең, ол ниме сірерге Чахсы Хабардаңар чоохтаан кізілердең пастыра чарлал парды. Ухаанҷылар тигірдең ызылған Худай Худының хоостыра анзын сірерге чарлааннар. Ангеллер дее пу хабарның ниме полчатханын оңарып аларға хынчалар.

1 Петрның 1:12 Referans Kwoze

Иоанн 15:26

Пабамнаң сірерзер Турысчыны ызарбын. Пабамнаң сыххан паза сынны чоохтапчатхан Хут – Турысчы – килзе, Ол Миннеңер киречілир.

Ефестегілерге 3:10

Че амды Ол тигірдегі пастыхтарға паза ӱлгӱдегілерге Позының аллығ, кӱлӱк сағызын тигіриб пастыра ас пирер.

1 Коринфтегілерге 2:10

Че піске аны Худай Позының Худы пастыра асхан. Хут прай нимені ӧтіре ӱтче, Худайның тириин дее пілче.

Еврейлерге 4:2

Піске дее, Моисейнең хада парғаннарға чіли, Чахсы Хабар читірілген. Че олар искен нимені посха албааннар, киртінмееннер. Аннаңар оларға ол хабар туза полбаан.

Марк 16:15

Анаң оларға теен: – Тиксі-тилекейге тараңар паза Чахсы Хабарны прай тіріг-тынныға читіріп, ӱгредіңер.

1 Петрның 1:25

Че Худайның сӧзі хаҷан даа чітпес. Ол сірерге Чахсы Хабарда чоохталған сӧс.

Азых чоох 5:11

Анаң мин ах сағалларның, пайаағы аңнарның паза ӱлгӱ сіреезінің ибіре кӧп ангеллерні кӧргем паза оларның ӱннерін искем. Ангеллернің саны нинҷе-нинҷе муң полған.

2 Коринфтегілерге 6:6

Че піс хаҷан даа арығ чӱректіг полғабыс, хыйға тудынғабыс, тыстанғабыс паза аллығ кӧңніліг полғабыс. Піс хаҷан даа прай нимее сыннаң хынып, Худай Худы хоостыра иткебіс.

2 Коринфтегілерге 1:22

Іди Ол, пісті таныхтап, Позының Худын чӱректерібіске пиріп, полар тусха ізеніс пирген.

Римдегілерге 15:19

Ол анзын танығларнаң паза хайхастарнаң, Худай Худының кӱзінең иткен. Аннаңар мин Христостың Чахсы Хабарына Иерусалимнең Иллирикке читкенҷе ӱгрет парғам.

Илҷілернің 2:33

Ол, Худайның оң саринзар кӧдіріліп, пирерге адалған Худай Худын, Пабазынаң алып, амды, сірер кӧргенни паза искенни, ӱстӱбіске чайыбысты.

Еврейлерге 2:4

Ағаа хоза Худай, хайхастарны, танығларны паза аймах-пасха таңнастығ киректерні киречілес идіп, Худай Худының сыйыхтарын Позының кӧңнінҷе ӱлестірген.

Галат чиріндегілерге 1:16

минде Позының Оолғын асхан. Ол анзын Худайы чохтарның аразында мин Иисус Христостаңар ӱгредерім ӱчӱн иткен. Мин кізілернең чӧптеспеем.

Галат чиріндегілерге 1:12

Мин аны кізідең алып ӱгренмеем, аны мағаа Иисус Христос асхан.

Римдегілерге 10:15

Ӱгредерге ызылбаан кізі хайди ӱгредіп алар? Піди пазылых: Чахсы Хабарны чарлапчатханнарның килгені хайдағ маңаттыр.

Римдегілерге 1:17

Чахсы Хабар Худайның киртіністің ӱчӱн кізіні ахтапчатханын кӧзітче. Іди пазылых: арығ чӱректіг киртіністің сылтаанда чуртир.

Лука 15:10

Ідӧк, тіпчем сірерге, Худай ангеллері пыросынчатхан чазыхтығ пір дее кізее ӧрінчелер.

Матфей 11:25

Олох туста Иисус, чооғын узарадып, теен: – Пабам! Тигірнең чирнің Ээзі! Мынзын, пілістіглердең паза хыйғалардаң чазырып, кічіг палаларға ас пиргенің ӱчӱн Сині саблапчам.

1 Фессалониктегілерге 2:9

Сірер, харындастар, пістің ӱзе тоғынғаныбысты ундубаан поларзар: пірдеезіне аар-чӱк поларға хынмин, хараа-кӱнӧрте тоғынғабыс. Олох туста піс Худайның Чахсы Хабарын сірернің араңарда таратхабыс.

Лука 9:6

Ӱгренҷілері аалларҷа чӧр сыхханнар. Олар, Чахсы Хабардаңар чоохтап, полған на чирде кізілерні имнееннер.

Лука 2:26

Худай Худы ағаа, Мессий-Христос Хан-пигні кӧріп албаанда, ӱребессің тіп ухаанҷылаптыр.

Матфей 16:17

Андада Иисус ағаа чоохтанған: – Часкалығзың син, Симон – Ионаның оолғы. Сағаа анзын кізілер нимес, че Тигірдегі Пабам ас пирген.

Матфей 11:27

Пабам прай нимені Мағаа пирген. Оолғын Пабазынаң пасха пір дее кізі пілбинче, Пабазын даа Оолғынаң пасха, паза Оолғы Пабазынаң таныстырарға хынған кізілердең пасха пірдеезі пілбинче.

Еврейлерге 11:13

Піс чоохтапчатхан пу кізілер, Худайға киртініп ала, ӧл парғаннар. Олар Худай молҷаан нимені сахтап полбааннар. Молҷаан нимелерні ырахтын на кӧріп, ӧрінгеннер. Олар постарын пу чирге килген пасха чонмыс тіп санааннар.

Римдегілерге 1:15

Аннаңар, миннеңер чоохтаза, мин сірерге дее, римдегілерге, Чахсы Хабарны чарлирға тимдебін.

Илҷілернің 16:10

Аны кӧрген соонаң, Хан Худай пісті Чахсы Хабардаңар искірерге андар хығырча тіп сағына тартып, сах андох Македон чирінзер парарға тимненібіскебіс.

Илҷілернің 10:44

Пётр іди чоохтанчатхан тустох аны исчеткеннернің прайзына Худай Худы тӱскен.

Илҷілернің 8:25

Илҷілер, Хан Худай сӧзін киречілеп, кізілерні ӱгредіп, анаң Иерусалимзер нандыра парчадып, Самар чиріндегі аалларда Чахсы Хабардаңар ӱгреткеннер.

Илҷілернің 4:31

Олар пазырарын тоос салғаннарындох, чыылысхан чир чайхала тӱскен. Прайзы, Худай Худынаң тол чӧрібізіп, Худай сӧзін туртухпин чоохтап сыххан.

Илҷілернің 4:8

Андада Пётр, Худай Худынаң тол чӧрібізіп, оларға теен: – Чон пастыхтары паза Израильнің ах сағаллары!

1 Тимофейге 3:16

Ікінҷілес чох, пістің киртінізібістің илбек чазыды мындағ: Худай кізі ит-сӧӧгінде килген, Худай Худы Аны пір пырозы чох чарлаан. Ангеллер Аны кӧргеннер, Аннаңар чоннарға чоохталған. Тиксі-тилекейде Ағаа киртінгеннер. Худай сабланыснаң Аны ӧӧрлеткен.

1 Петрның 4:6

Аның ӱчӱн ӧліглерге дее Чахсы Хабар чарлалған. Олар кізілер чіли ит-хан хоостыра иткен киректерінің ӱчӱн чарғылатханнар. Анзы Худайның оңдайынҷа хут пастыра чуртирлары ӱчӱн иділген.