1 Иоанның 3:9 - Наа Молҷағ

⁹ Худайдаң тӧреен полған на кізі, чӱреенде Худайлығ полып, чазых иде чоғыл. Худайдаң тӧрееннеңер ол чазых ит полбинча.

1 Иоанның 3:9 Referans Kwoze

1 Иоанның 5:18

Худайдаң тӧреен ноо даа кізі чазых итпинчеткенін пілчебіс. Худайдаң тӧреен кізі хайраллалча, сайтан, тізең, ағаа теңминче.

1 Петрның 1:23

Сірерге чызып парчатхан ӱрен нимес, мӧгі ӱрен чуртасты пирген. Ол ӱрен Худайның тӱгенмес тіріг сӧзі полча.

Иоанн 1:13

Худай палалары олаңай паба-іҷедең не нимес, че Худайдаң тӧридірлер.

1 Иоанның 2:29

Сірер, Аның орта итчеткенін пілчетсер, орта итчеткен полған на кізінің Худайдаң тӧреенін дее пілерге кирексер.

1 Иоанның 5:1

Иисустың Мессий Арачылағҷы полчатханына киртінчеткен полған на кізі Худайдаң тӧреен. Пабаа хынчатхан полған на кізі, тізең, пабаның тӧріткен палазына даа хынча.

1 Иоанның 5:4

Худайдаң тӧреен кізі Худайға тоғырланчатхан чир ӱстӱнің кӱзін чиңіп аладыр. Чир ӱстӱндегі кӱсті чиңен кӱс – пістің киртінізібіс.

Иоанн 3:3

Сынны чоохтапчам сағаа, кем Худайдаң хатап тӧреен, ол ла Худай хан-чиріне чидер, – нандырған ағаа Иисус. –

Галат чиріндегілерге 5:17

Посха хынғаны Худай Худына тоғырланча. Худай Худы посха хынғанға тоғырланча. Олар удур-тӧдір тоғыр турчалар. Аның сылтаанда сірер идерге хынған нимені итпинчезер.

1 Иоанның 4:7

Хынғаннарым! Піске Худайдаң хыныс пирілген, аннаңар удур-тӧдір хынызааңар. Полған на хынчатхан кізі Худайдаң тӧреен паза Худайны пілче.

Матфей 7:18

Чахсы ағас хомай чистек пире чоғыл, хомай ағас чахсы чистек пире чоғыл.

Римдегілерге 6:2

Чох, андағ нимес. Піс чазыхха ӧл парғабыс, чазыхтығ чуртап поларбыс па?

Илҷілернің 4:20

Піс позыбыс кӧрген паза искен нимелердеңер чоохтабин пол полбинчабыс.

Титке 1:2

Минің ӱгредиим мӧгі чуртасха ізеніс пирче. Пу чуртасты чойны пілбес Худай тустар пасталғалаххаох молҷаан.

1 Иоанның 3:6

Иисус Христосха киртінчеткен кізі чазых иде чоғыл. Чазых итчеткен кізі, тізең, Аны кӧрбеен дее, піліп албаан даа.

3 Иоанның 1:11

Хынғаным! Хомай нимее кӧӧкпин, чахсы ниме ит. Чахсы ниме итчеткен кізі Худайни. Хомай ниме итчеткен кізі Худайны кӧрбеен.