1 Иоанның 3:12 - Наа Молҷағ

¹² Піске Каин чіли полбасха кирек. Ол, сайтанның кізізі полып, позының харындазын ӧдір салған. Ноға ол аны ӧдір салған? Каиннің иткен киректері чабал полғаннар, харындазының, тізең, орта полғаннар.

1 Иоанның 3:12 Referans Kwoze

Еврейлерге 11:4

Авель Худайға киртінген. Аннаңар аның тайии Каиннинең артых полған. Авельнің киртінізін кӧріп, Худай аның арығ чӱректіг полчатханын киречілеен. Аннаңар Худай аның тайиин алған. Авель ӧл тее парған полза, аның киртінізі пӱӱнгі кӱнге теере піске кӧзідім полча.

Иуданың 1:11

Чобағ оларға тӱссін. Олар Каиннің чолынҷа парчалар нооза. Ахчаох ӱчӱн, Валаам чіли, алҷаас итчелер. Корей чіли удурласчалар, олох чіли, ӧл парарлар.

Лука 11:51

Авельнің тӧгілген ханынаң пастада тайығ салҷаң орынның паза храмның аразында ӧдірткен Захарийнің ханына теере. Йа, тіпчем сірерге, прай ниме ӱчӱн ӧс пу тӧлдең алылар.

Матфей 23:35

Іди сірер чир ӱстӱнде арығ чӱректіг прай кізілернің тӧгілген ханы ӱчӱн пыролығ поларзар: арығ чӱректіг Авельнің тӧгілген ханынаң сығара сірерге храмның паза тайығ орнының аразында ӧдірт салған Варахийнің оолғы Захарийнің тӧгілген ханына теере!

1 Петрның 4:4

Амды сайбахха паза кӱлетке хада салынминчатханнарыңа хахап, олар сірерні сӧклеп чӧрчелер.

Еврейлерге 12:24

Сірер Наа Молҷағны пирген Иисуссар паза ханының чачырадызына килгезер. Аның ханы Худайдаң пыро тастирдаңар сурынча. Ол хан Авельнің ӧс алардаңар сурынчатхан ханынаң тың хысхырча.

1 Иоанның 3:8

Иң пурунғыдаң пеер сайтан чазых итче, аннаңар чазых итчеткен дее кізі сайтанның кізізі полча. Худай Оолғы сайтанның киректерін чох идерге килген.

Илҷілернің 7:52

Ухаанҷыларның хайзын сірернің ӧбекелерің сӱрбееннер? Олар пеер Арығ Чӱректіг Кізінің килерінеңер искірген ухаанҷыларны ӧдір салғаннар, сірер дее Аны, садып, ӧдірген кізілер пол пардыңар амды.

Иоанн 10:32

Мин сірерге, Пабамның Мағаа пирген кӱзінең кӧп чахсы киректер идіп, кӧзіт пиргем. Хайзының ӱчӱн сірер Мині таснаң чоо чаалап саларға итчезер? – теен оларға Иисус. –

Матфей 27:23

Пастых пазох теен: – Хайдағ хомай ниме ит салған Ол? Че кізілер аннаңох тың хысхырғаннар: – Кіреске хазап саларға аны!

Матфей 13:38

Хыра – чир ӱстӱ, чахсы ӱреннер – Тигір хан-чирінің ооллары, пуртах оттар, тізең, – сайтанның ооллары.

Матфей 13:19

Тигір хан-чирінеңер сӧсті истіпчеткен, че аны піл полбинчатхан полған на кізізер сайтан киліп, чӱреенде таарылған сӧсті ал чӧрібісче. Мына мындағ кізілер чол хазында таарылған тамахха тӧӧйлер.

Азых чоох 17:6

Ол ипчі ах-арығ кізілернің паза Иисустың киречілерінің ханын чоо ізініп алған. Мин, ол ипчіні кӧр салып, уғаа таңнаам.

1 Фессалониктегілерге 2:14

Сірер, тізең, харындастар, Иудей чиріндегі Иисус Христосха киртінчеткен Худай тигіриблерінің чолынҷа пар сыхтыңар: олар иудейлерге хыйыхтатханни, сірер дее пос чонынаң ирее кӧрдіңер.

Матфей 5:37

Сӧстерің «Йа» алай «Чох» ползын. Аннаң артых чоохтанғаны сайтаннаң. –

Иоанн 8:40

Че амды сірер Мині, Худайдаң искен сынны чоохтап пирген Кізіні, ӧдір саларға итчезер. Авраам іди итчең ме? Чох итпеҷең.

Иоанн 8:41

Сірер позыңарның пабаңар иткен чіли итчезер! – Піс сурас палалар нимеспіс. Пістің Худайдаң пасха Пабабыс чоғыл, – тоғырланғаннар иудейлер. –