1 Иоанның 3:1 - Наа Молҷағ

¹ Кӧріңер зе! Худай Пабабыс піске хайди хынча! Пісті Худай палалары тіп адапча. Піс сыннаң даа Аның палаларыбыс. Чир-чалбахха хынчатхан кізілер, Худайны пілбееннеңер, пісті дее пілбинчелер.

1 Иоанның 3:1 Referans Kwoze

Иоанн 1:12

Аны удурлаан паза Ағаа киртінген кізілерге Худайның палалары полҷаң оңдай пирілген.

Галат чиріндегілерге 3:26

Сірер прайзыңар Христос Иисусха киртіністерің хоостыра Худайның оолларызар нооза.

2 Коринфтегілерге 6:18

Мин сірернің пабаларың полыбызарбын. Сірер Минің оолларым паза хыстарым полыбызарзар. Іди Прай нимедең кӱстіг Хан Худай тіпче».

Иоанн 17:25

Орта нимее хынчатхан Пабам! Чир ӱстӱ Сині пілбинче, че Мин Сині пілчем. Мині ысханыңны даа Мағаа пирген кізілерің пілчелер.

Иоанн 3:16

Худай, прай кізілерге тың хынғаннаңар, Позының чалғыс Оолғын даа ӧлімге ысхан. Іди ызып, Оолғына киртінчеткен полған на кізее ӧлбеске, мӧгі чуртастығ поларға оңдай пирген.

Азых чоох 21:7

Чиңіс тутхан кізі пу нимелерні алып алар. Мин аның Худайы поларбын, ол Минің оолғым полар.

Римдегілерге 5:8

Худай піске Позының хынызын кӧзіт пирген. Христос, піс чазыхтығ чӧрген тустох, пістің ӱчӱн ӧл парған нооза.

Галат чиріндегілерге 3:29

Христости полчатсаңар, тізең, сірер Авраамның ӱрені полчазар. Іди Худай молҷаа хоостыра ӱлеен ӱлӱсті ээленчезер.

Римдегілерге 8:32

Ол Позының Оолғына айабаан, пістің прайзыбыстың ӱчӱн пир салған. Аннаң хада піске прай нимені сыйлап пирбес пе?

Иоанн 16:3

Олар, Пабамны даа, Мині дее пілбееннеңер, іди идерлер.

Колоссадағыларға 3:3

Сірер ӧл парғазар нооза, сірернің чуртазыңар, тізең, Христоснаң хада Худайда чазырыл парған.

Лука 20:36

Олар, ангеллер осхас пол парып, ӱребестер. Олар, Худай тірілдіргеннеңер, Аның палалары полчалар.

Иоанн 15:21

Мині Кем ысханын пілбинчеткеннерінеңер, сірер Минің ӱгренҷілерім полчатханнарың ӱчӱн, олар сірерге чабал идерлер.

Римдегілерге 8:19

Прай чайалған ниме Худай палалары кем полчатханын азыларын чидікпин сағыпча нооза.

1 Иоанның 3:2

Хынғаннарым! Сағам даа піс Худай палаларыбыс, че хайдағ пол парарбыс, ам даа пілдістіг нимес. Пілдістіг пол парза, Иисус Христостың хайдағ полчатханын кӧріп, Олох осхас пол парарыбысты пілчебіс.

1 Иоанның 3:10

Худайның палаларын паза сайтанның палаларын хайди пасхалидырлар? Орта итпинчеткен паза харындазына хынминчатхан кізі Худайдаң тӧрібеен.

1 Иоанның 4:17

Чарғы кӱнінде хорыхпас ползыннар тіп, хыныс пісте пӧзиине чит парған. Пістің дее чуртазыбыс пу чир ӱстӱнде Иисусти осхас нооза.