1 Иоанның 2:11 - Наа Молҷағ

¹¹ Харындазын хырт кӧрчеткен кізі, тізең, харасхыда чуртапча. Харасхы аның харахтарын туу чабысханнаңар, харасхыда чӧрче, іди чӧріп, хайдар парчатханын даа пілбинче.

1 Иоанның 2:11 Referans Kwoze

Иоанн 12:35

Чарых сірернең хада ӱр полбас. Чарых мындада, харасхы сірерге тӱспезін тіп, чарыхта чӧріңер. Харасхыда чӧрчеткен кізі хайдар парчатханын пілбинче.

Титке 3:3

Хаҷан-да піс тее, ырах сағынмин, сӧс испин, астых чӧрген полғабыс. Хыҷаланыстарға, чуртас хыниина салынған хуллар полғабыс, чабалласта, істі чохтаныста, удур-тӧдір хырт кӧрізіп чуртаабыс.

Азых чоох 3:17

Сірер тіпчезер: „Мин пайбын, пайып пардым, мағаа пір дее ниме кирек чоғыл“. Че постарыңның хайдағ часка чох айастығ, тіленҷік, харах чох паза чалаас полчатханнарыңны сизінминчезер.

1 Иоанның 1:6

Худайнаң палғалызыбыс пар тіп чоохтанчатсабыс, че постарыбыс харасхыда чӧрчетсебіс, андада піс чойланчабыс паза сын ниме итпинчебіс.

1 Иоанның 2:9

Позынаңар «Чарыхта полчам» тіпчеткен, че харындазын хырт кӧрчеткен кізі ам даа харасхыда чуртапча.

2 Коринфтегілерге 4:4

Ол кізілер киртінминчелер. Пу чабал тустың худайы полчатхан сайтан оларның сағыстарын харасхыда тутча. Ол Христостың сабланызынаңар чарлапчатхан Чахсы Хабарның чариин кӧрерге пирбинче. Че Христос Худайның омазы полча нооза.

Иоанн 12:40

«Харахтары кӧрбезін тіп, чӱректері сизінмезін тіп, Худай пу чонның харахтарын чабысхан, чӱректерін, тізең, тас чіли, хатырыбысхан. „Имненіп аларға Минзер айланмазыннар тіп, піди иткем“, – тіпче Худай».

2 Коринфтегілерге 3:14

Оларның сағыстары ай парған полған. Пу тусха теере олар Пурунғы Молҷағны хығырчатсалар, оларның сағыстары олох иснең пӱргелік. Христос ла ол исті хыйа ал полар нооза.

2 Петрның 1:9

Че сірер піди хылынминчатсар, харахтаң кинек кізі осхас поларзар. Постарыңның алнында пір дее ниме кӧрбинчезер паза алындағы чазыхтарыңнаң арығланардаңар ундут салғазар.

1 Иоанның 2:10

Харындазына хынчатхан кізі чарыхта чуртапча, аның чазых итчең сағыстар пір дее чоғыл.

1 Иоанның 3:15

Позының харындазын хырт кӧрчеткен кізі ӧдірігҷі полча. Андағ кізі мӧгі чуртастығ полбинчатханын сірер пілчезер.

1 Иоанның 4:20

«Мин Худайға хынчам» тіпчеткен, че харындазын хырт кӧрчеткен кізі – чой. Харах кӧзіндегі харындазына хынминчатхан кізі кӧрінминчеткен Худайға хайди хынар.