1 Иоанның 1:9 - Наа Молҷағ

⁹ Чазыхтарыбыстаңар пыросынзабыс, Худай, Позының сӧзіне турыстығ полып, орта нимее хынып, піске чазыхтарыбысты позыдар паза ноо даа чой нимедең пісті арығлир.

1 Иоанның 1:9 Referans Kwoze

1 Иоанның 1:7

Худай чарыхта чӧрчеткен чіли, піс тее чарыхта чӧрчетсебіс, андада прайзыбыс пір палғалыстығ пол парчабыс, Худай Оолғының Иисус Христостың ӧлімі, тізең, полған на чазыхтаң пісті арығлапча.

Еврейлерге 10:23

Пістің чоохтапчатхан ізенізібіске пик тудынааңар. Сӧс пирген Худайға піске киртінерге чарир нооза.

1 Тимофейге 1:15

Христос Иисус тилекейге чазыхтығларны арачылирға килгеннеңер сӧс сын паза посха алынарға турыстығ. Ол чазыхтығларның пазы минмін.

1 Коринфтегілерге 1:9

Позының Оолғынаң Хан-пигібіс Иисус Христоснаң пірге поларға хығыртхан Худайыбыс киртістіг.

Илҷілернің 19:18

Киртін парғаннарның кӧбізі, тізең, Павелзер киліп, постарынаңар паза иткен чазыхтарынаңар кӧні чоохтааннар.

Марк 1:5

Прай Иудей чирінің паза Иерусалимнің чуртағҷылары иоаннзар килгеннер, чазыхтары ӱчӱн пыросынғаннар, Иоанн оларны Иордан суғда кіреске тӱзірген.

Титке 2:14

Ол, пісті хайдағ даа чабал киректең ал халар паза ах-арығ чон ит салар ӱчӱн, Позының тынын пир салған. Амды піс Аның чоныбыс паза чахсы киректер идерге салынчабыс.

1 Коринфтегілерге 6:11

Сірернің аразында андағлар полғаннар. Че арығланып алғаннар, ах-арығ пол парғаннар, Хан-пигібіс Иисус Христос паза Худайыбыс Худының пастыра ахтанып алғаннар.

Еврейлерге 6:10

Худай саба идер чоғыл. Ол сірернің хайди тоғынғаннарыңны паза Позына хайди хынғаннарыңны ундутпас. Сірер Худайға хынчатханнаңар, пасха ах-арығ кізілерге полысхазар паза полысчазар нооза.

Азых чоох 15:3

Олар Худай нымысчызы Моисейнің паза Хурағанның сарынын сарнапчалар: – Илбек паза хайхастығ Синің иткен киректерің, ӧӧркі Чайаачы, Прай нимедең кӱстіг Худай! Син Ах-арығ кізілеріңнің Ханы! Синің чолларың орта паза сын!

Еврейлерге 11:11

Сарра Худайға киртінген. Аннаңар ол, тӧл кӧрбес тее полған полза, позында пол парып, частығда пала таап алған. Ол Худай молҷаана киртінерге чарир тіп пілген.

Матфей 3:6

Иоанн оларны, чазыхтары ӱчӱн пыросынған соонда, Иордан суғда кіреске тӱзірҷең.

Ефестегілерге 5:26

Ол, Чахсы Хабарны чир ӱстӱне читіріп, тигірибні Худайға чарыдар ӱчӱн, аны, суғнаң чуубызып, арығлап салған.

Римдегілерге 3:26

Сағамғы туста Худай, тыстанып, Позының ахтапчатханын кӧзітче. Іди ол Позы даа сынынҷа итче паза Иисусха киртінчеткеннерні ахтапча.

Иоанн 17:25

Орта нимее хынчатхан Пабам! Чир ӱстӱ Сині пілбинче, че Мин Сині пілчем. Мині ысханыңны даа Мағаа пирген кізілерің пілчелер.

Лука 22:57

Мин Аны пілбинчем, – теен ол ипчее Пётр, Иисустаң хыйа полып.