1 Иоанның 1:3 - Наа Молҷағ

³ Піснең пір палғалыстығ поларларың ӱчӱн, сірерге позыбыстың кӧрген, искен нимелерібістеңер искірчебіс. Піснең палғалысханы, тізең, Пабанаң паза Аның Оолғы Иисус Христоснаң палғалысханы полча.

1 Иоанның 1:3 Referans Kwoze

1 Коринфтегілерге 1:9

Позының Оолғынаң Хан-пигібіс Иисус Христоснаң пірге поларға хығыртхан Худайыбыс киртістіг.

Иоанн 17:3

Мӧгі чуртас Сині – чалғыс сын Худайны – паза Син ысхан Иисус Мессий-Христос полчатханын пілчеткені полча.

Илҷілернің 4:20

Піс позыбыс кӧрген паза искен нимелердеңер чоохтабин пол полбинчабыс.

Иоанн 17:21

Чир-чалбах Синің Мині ысханыңа киртінзін тіп, прайзы пір кізі осхас ползын: Пабам, Синің Минде полчатханың, Минің Синде полчатханым чіли, олар даа Пісте ползыннар тіп сурынчам.

Филипптегілерге 2:1

Сынап, Христосха киртінчеткеніңерге кӧңніңер кӧдірілчетсе, Аның хынызына чӱрееңер часхарылчатса, Худай Худы пастыра пілісчетсеңер, сірернің чӱрееңерде ачыныс паза айағ пар полза,

1 Иоанның 1:7

Худай чарыхта чӧрчеткен чіли, піс тее чарыхта чӧрчетсебіс, андада прайзыбыс пір палғалыстығ пол парчабыс, Худай Оолғының Иисус Христостың ӧлімі, тізең, полған на чазыхтаң пісті арығлапча.

1 Иоанның 1:1

Чуртас пирчеткен Сӧстеңер сірерге пасчабыс. Ол чир чайалғалахтох пар полған, піс, тізең, Аны искебіс, харахтарыбыснаң кӧргебіс, кӧрглеп, холларыбыснаң теңебіс.

Еврейлерге 3:14

Піс Христоснаң хада тоғынчабыс. Сынап пастабох алған чуртасты ікінҷілес чох читіре хайраллап халзабыс, іди ле пол турар.

Филипптегілерге 3:10

Ана іди Иисусты паза Аны тірілдірген кӱсті пілерім. Аның ирееленістерінде хада аралазып, Олох чіли ӧл парарым.

1 Петрның 5:1

Мин сірернің тигіриблеріңнің ах сағалларына айланчам. Мин дее ідӧк ах сағалбын, Христостың ирееленістерінің киречізібін, тӱрче поларынаң азыл парар Аның сабланызының араласчызыбын.

Еврейлерге 3:1

Ах-арығ харындастар, пісті дее Худай тигірзер хығыртхан! Худай пістің киртінізібістің иң улуғ Абызы поларға тіп ысхан Иисустаңар сағынчадыңар.

Колоссадағыларға 1:13

Ол пісті харасхы ӱлгӱзінең ал халған паза Позының хынған Оолғының хан-ӱлгӱзіне кир салған.

1 Иоанның 1:5

Мына Иисус Христостаң искен паза аны сірерге искірчеткен чахсы хабар: «Худай – Чарых. Худайда пір дее харасхы чоғыл».

Еврейлерге 2:12

Ол Худайға тіпче: «Харындастарыма Синің адың чарлабызарбын. Оларның чыылығларында Сині сарыннаң сабландырарбын».

1 Тимофейге 6:2

Ээлері пір киртіністіг харындастар даа ползалар, хуллар оларны нимее салбин хылынмасха киректер. Че ээлері оларнаң пір киртіністе паза хыныстығ полчатханнарынаңар паза хулларға чахсы итчеткеннерінеңер, хуллар алны-кистілеріне улам чӧрінерге киректер. Анзына ӱгрет паза чӧпте.

Филипптегілерге 1:7

Сірердеңер іди сағын чӧрчеткенім орта: сірер минің чӱреемдезер, минің пиктеемдезер нооза. Чахсы Хабарға турысчатсам алай аның сынын іле кӧзітчетсем, сірер дее Худайның мағаа пирген паарсазын алынчазар.

Ефестегілерге 3:6

Мына ол чазыт: Чахсы Хабарны алып, пасха чоннар даа, иудейлерӧк чіли, Худай чоны пол парғаннар, иудейлернең хада пір кізінің ит-сӧӧгі осхас пол парғаннар, Иисус Христоснаң хада полып, Худайның молҷаан алып алғаннар.

1 Коринфтегілерге 1:30

Сірер Христос Иисуста полчатханын Худай иткен. Иисус Христос, тізең, сірерге Худайдаң пирілген хыйғазы, орта тудынғаны, ах-арығ полғаны паза толығ толдырғаны полча.

1 Фессалониктегілерге 1:10

Олар ідӧк чоохтааннар, хайди сірер Худай Оолғының Иисус Христостың тигірдең килерін сағыпчазар. Аны Худай ӧлімнең тірілдірген. Ол, тізең, пісті полар чарғының хорғызынаң арачылаан.

1 Коринфтегілерге 15:1

Харындастар, мин сірерге чарлаан паза сірер, посха алынып, анда пик турыбысхан Чахсы Хабарны сағыстарыңа кирчем.

Римдегілерге 15:27

Олар анзын пос кӧңнінең иткеннер. Итсе, идерге кирек полғаннар. Ол чон иудейлернең хада Худай Худының пайында араласханнарында, оларға постарының ис-сибінең ӱлес пирерге кирегӧктер.

Илҷілернің 13:41

«Кӧріңер, кізее кӱлеечілер! Хайхап алыңар, анаң чох пол парыңар! Пірее кізі пу кӱннеріңде итчеткен киректерімнеңер сірерге чоохтаан даа полза, киртінмесчіксер».

Илҷілернің 13:32

Піс тее сірерге ӧрініснең Чахсы Хабар искірчебіс: Худай, Иисусты тірілдіріп, ӧбекелерібіске аасхынып пирген сӧзін амды піске, оларның тӧллеріне, толдырған.

Илҷілернің 2:42

Олар, тӧреміл илҷілернің ӱгредіглерінде полып, тоғазығларда аралазып, хада чиис чіп, пазыр турҷаңнар.

Иоанн 17:25

Орта нимее хынчатхан Пабам! Чир ӱстӱ Сині пілбинче, че Мин Сині пілчем. Мині ысханыңны даа Мағаа пирген кізілерің пілчелер.

Иоанн 17:11

Мин амды чир-чалбахта нимеспін, че олар чир-чалбахталар. Мин, тізең, Синзер парчам. Ах-арығ Пабам! Пізӧк чіли, пір кізі осхас ползыннар тіп, Позыңның кӱзіңнең Мағаа пирген кізілерні хайраллап хал.

Иоанн 19:35

Пу нимені позы кӧрген кізі сірерге, киртін сыхсыннар тіп, прай чоохтап пирген. Аның чооғы сын. Ол сынны чоохтапчатханын пілче.

2 Петрның 1:16

Піс, сірерге Хан-пигібіс Иисус Христостың кӱзінеңер паза Аның килерінеңер чоохтааныбыста, позыбыс сағын тапхан нимее тӧстенмеебіс. Піс Аның илбек кӱзін позыбыстың хараанаң кӧргебіс.