Yuhwana 8:12 - Hdi

¹² Ka *Yesu nda həŋ guli mantsa: « Iʼi tsuwaɗaka ghəŋa haɗik, mndu ta dzaʼa mista ɗa ná, haɗ dzaʼa mbaɗa ma grusl wu, dzaʼa mutsay ta tsuwaɗaka hafu, » kaʼa.

Yuhwana 8:12 Referans Kwoze

Yuhwana 12:46

Iʼi ná, tsuwaɗak yu, ka saha yu ta ghəŋa haɗik kada kwala mndu ta zlghaftá iʼi da nzata ma grum.

Yuhwana 9:5

Tata ghəŋa haɗik na yu karaku ná, iʼi tsuwaɗaka ghəŋa haɗik, » ka Yesu.

Yuhwana 12:35

Ka Yesu mantsa: « Ta ɓats nzɗa tsuwaɗak karaku mataba ghuni. Ta takeʼa tsuwaɗak na ná, Mbaɗawambaɗa ta mbaɗa ma tsuwaɗak, yaha vli da kuzaghunaghata. Mndu ta mbaɗa ma grum ná, sna a ta vli ta dzaʼa tsi wa.

Mata 5:14

« Kaghuni tsuwaɗaka ghəŋa haɗik. Haɗ luwa ta bafta lu ta ghwá ta ɗifaghuta wa.

Yuhwana 3:19

« Wya ghəŋa tsa guma ya: Ma saha tsuwaɗak ta ghəŋa haɗik, ka zlanavatá mndu ta tsuwaɗak ka laghu ɗvatá grusl, kabga slnaha taŋ kul ɗinaku.

2 Piyer 2:4

Dər tsa duhwalha Lazglafta ta ga ta dmaku ghalya ya ná, zlana a Lazglafta ta həŋ mantsa wa. Ama ka pghaghatá tsi ta həŋ da duda vu, ka tsamtá həŋ nda ziɗa ma grum, ka kəzla fitika guma.

Slna gwal ghunay 13:47

Wya skwi mnaŋna Mgham Lazglafta: “Fa fa yu ta kagha ka tsuwaɗaka gwal kul nzakway ka la Yahuda, ŋa mnay gha ta gwaɗa ta mbaku ta ghəŋa haɗik tender,” » kaʼa.

Slna gwal ghunay 26:23

Dzaʼa ghuy ghuya *Kristi ta ɗaŋwa, tsatsi ta nzakway ka taŋtaŋa mndu ta dzaʼa sliʼagapta mataba gwal nda rwa ŋa mnanaŋta ni ta tsuwaɗak ta mnduha mu, nda gwal kul nzakway ka la Yahuda tani. »

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Yuhwana 7:17

Ka fa fa mndu ta ghəŋa ni ka maga skwi ta kum Lazglafta, dzaʼa nda sna ka ta sagha da Lazglafta na skwi ta tagh yu na tsi, ka ta klaʼata ma ghəŋa ɗa a yu.

Suna Yuhwana 21:24

Dzaʼa mbaɗ ma tsuwaɗak inda mndəra mnduha ta mbaɗa, ŋa hladamta mghamha ta ghəŋa haɗik ta gadghəlha taŋ da tsa luwa ya.

Lukwa 2:32

Tsuwaɗak ya ŋa inda mndəra mndu. Tsatsi dzaʼa klaktá glaku ŋa mnduha gha la Israʼila. »

Yuda 1:13

Manda tska ta ŋəɗak ta wa sgam, tskana vəl va gamtsaʼuwakwa drəf ya na dmakuha taŋ. Manda tekwatsa ta sliʼafta ta vla taŋ ka ndandaraku ta luwa ya həŋ. Ma vəl ka ŋəra tɗik fanata Lazglafta ta vli ŋa nzakwa taŋ ŋa kɗekedzeŋ.

2 Piyer 2:17

Ka guram nda ghwa swiʼap imi mida tsa mnduha ta tagha ghwaɗaka skwi ya, ka guram nda ghwayak ta turiŋta falak ya həŋ guli. Payana paya Lazglafta ta vli ta həŋ ma grusl tɗik katakata.

Yuda 1:6

Havak kuni guli ta mnduha Lazglafta ta *Pak vla ga mgham vlaŋ lu ta həŋ, ka zlanavatá tsa vli si vlaŋ Lazglafta ta həŋ ya. Ta ghəŋa tsaya kəl Lazglafta ka hlaftá həŋ ka tsamta, ka zlaŋtá həŋ ma vəl tɗika ŋa kəzla kɗiŋta Lazglafta ta tsatá guma ta ghəŋa taŋ baɗu tsa fitik dagala ya.

Yuhwana 12:36

Zlghafwazlgha ta tsuwaɗak ta da kaghuni tsi na, kada nzakwa kuni ka zwana tsuwaɗak, » kaʼa nda həŋ. Gwaɗata Yesu ta tsa gwaɗa ya, ka laghu tsi ka zaghuta diʼiŋ nda həŋ, ka ɗifaghuta.

1 Yuhwana 1:6

Ka nda guya ghəŋa mu nda Lazglafta ka mu katsi, ta ghəŋa tsa tata mbaɗa mu ma grum, tsakalawi tsa ta tsakalə mu, maga a mu ta skwi tɗukwa wa.