Yuhwana 4:21 - Hdi

²¹ Ka Yesu nda tsi mantsa: « Marakw na, zlghaf zlgha ta iʼi. Dzaʼa sagha sa fitik dzaʼa kwal kuni maga duʼa ŋa Da ta na ghwá na, dər ma Ursalima.

Yuhwana 4:21 Referans Kwoze

1Tim 2:8

Ta kumay yu tama ta magay zgwana ma inda vli ta duʼa nda kapatá dzvu ya nda ghuɓa hezleʼ nda ta luwa, nda gatá sidi a wu, nda zlərɗa wi a guli wa.

Afisus 2:18

Əŋkaʼ a ka Kristi kəl amu demdem, kaghuni nda aŋni tani, ka laviŋta ndusanavatá Lazglafta ta nzakway ka Da, nda ma tsa Sulkum nda ghuɓa turtuk ya.

Yuhwana 4:23

Dzaʼa sagha sa fitik, nda maga va ni ndanana. Ma Sulkum nda ya ma kahwathwata dzaʼa kəl mnduha ka maga duʼa, ŋa tsəɓay taŋ ta tsəlɓu ŋa Da, kabga mndərga tsa mnduha ta tsəlɓa tsa tsəlɓu ya ta zbə Da.

Mata 18:20

Ma vli ya guyava mnduha his ka hkən a tsi ma hga ɗa ná, mataba taŋ yu, » kaʼa.

Afisus 3:14

Ta ghəŋa tsaya ta kəl yu ka tsəlɓata ka maga duʼa ta ghəŋa kaghuni da Lazglafta ta nzakway ka Da.

Yuhwana 16:32

Wya fitik ta sagha, nda ghada va sagha ni katək ŋa wutsata ghuni ta vgha, ta ksə ya ta tva ni ta ksə ya ta tva ni, ŋa zliɗivata ghuni turtukwa ɗa. Tsaw kahwathwata ná, turtukwa ɗa a yu wu, kabga kawadaga ŋni nda Da.

Yuhwana 16:2

Dzaʼa taliŋ tala lu ta kaghuni ma həga tagha skwa la *Yahuda. Tsa yeya a va ni wu, ta sagha sa fitik dzaʼa kəl mnduha dzaʼa pslatá kaghuni ka ndanay kazlay: Na skwi maga mu na ná, maga maga mu ta skwi ta zɗəganatá Lazglafta kəʼa.

Yuhwana 5:28

Tsaya a skwi ŋa ndərmimay ghuni wu, dzaʼa sagha sa fitik dzaʼa kəl inda gwal ma kulu ka snaŋtá lwa ni

1 Piyer 1:17

Ka ta hgay kuni ma duʼa ghuni ka « Da » ta Lazglafta, ya ta tsa guma ta ghəŋa inda mndu taɓta slna ni maga tsi kul gala mndu nda gala ya, nzawa nza nda zləŋay ma na nzakwa ghuni tata na ghəŋa haɗik na.

Slna gwal ghunay 6:14

Nda sna ŋni ta mnay ni kazlay: Dzaʼa dzaɓiŋ dzaɓa tsa *Yesu mnda la Nazaret ya ta həga Lazglafta, ka mbəɗanaftá nzaku ya snu mu mida vlama Musa ya guli kəʼa, » ka həŋ.

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Yuhwana 5:25

Kahwathwata ka yu ta mnaghunata, dzaʼa sagha sa fitik, nda ghada va sagha ni, dzaʼa kəl gwal nda rwa ka snaŋtá lwa Zwaŋa Lazglafta. Tsa gwal dzaʼa snaŋta ya dzaʼa nzakway nda hafu.

Lukwa 21:24

Dzaʼa psla psla lu ta həŋ nda kafay nda za, dzaʼa hlagha hla lu ta həŋ da ga vuʼa mataba mndəra sana mnduha. Dzaʼa tasiŋ tasa gwal kul snaŋtá Lazglafta ta luwa Ursalima, ha ka kɗaghuta fitika gay taŋ ta mgham. »

Mata 28:19

Lawa la ta ghəŋa haɗik demdem, ka nanafta kuni ta mnduha ka duhwalha ɗa, ka maganafta kuni ta batem ta həŋ ma hga Da, ma hga Zwaŋ, nda ya ma hga Sulkum nda ghuɓa.

Suna Yuhwana 21:22

Ma tsa luwa ya, ngha a yu ta həga Lazglafta wa. Mgham Lazglafta ta mbruta ta nzakway ka həga ni, mantsa ya Zwaŋa Tuwak guli.