Yakubu 5:17 - Hdi

¹⁷ Iliya ná, mndu ya manda va amu. Ka ndiʼatá tsi ka maga duʼa da Lazglafta, ŋa kwala imi kul sagha. Ka kwalaghutá imi ta sagha ta ghəŋa haɗik ka vaku hkən nda tili mkuʼ.

Yakubu 5:17 Referans Kwoze

1Mgh 17:1

Ka sana anabi ta hgə lu ka Iliya, sana mndu mataba la Tisbe ma kwakwara Gilghat nda Ahav mantsa: « Ta waɗa waɗa yu nda hga Yawe, Lazglafta la Israʼila nda hafu mida, ta maganata yu ta slna: Ma na vakuha ta kəma na ná, haɗta a wuninik wu, haɗta a imi wu, ba ta ɗawaŋta ɗa kasiʼi, » kaʼa.

Lukwa 4:25

Kahwathwata ka yu ta mnaghunata, ma fitika nzakwa anabi Iliya, si nda ndəgha wadguha ma Israʼila, ka ghwalutá luwa ka vaku hkən nda tili mkuʼ, ka slatá maya dagala ta haɗika Yahuda,

Suna Yuhwana 11:6

Mamu həŋ nda mbrakwa haghuta luwa, ŋa kwala imi nzaku ma tsa fitik ta klə həŋ ta lwa Lazglafta ya. Mamu həŋ guli nda mbrakwa mbəɗanafta imi guli ka us. Mamu həŋ nda mbrakwa gaktá ɗaŋwa ta ghəŋa mnduha ta ghəŋa haɗik ma fitik ya kumaŋ həŋ.

1Mgh 18:1

Lula fitik mida, ta mahkəna vakwa kwala imi kul sagha, ka gwaɗganatá Yawe ta Iliya: « La da maraŋtá ghəŋa gha da mgham Ahav, dzaʼa nzaga nza yu ta imi ta ghəŋa haɗik, » kaʼa.

Slna gwal ghunay 14:15

« Nawawanawa zwana ma, nahgani na dzaʼa kuni magay na? Mndu aŋni manda va kaghuni tane. *Lfiɗa Gwaɗa ŋa aŋni ta kləgaghunaghata, ka zlaŋta kuni ta skwa wuyayha ka mbəɗakta kuni ta vgha təv Lazglafta ya nda hafu mida, ya ta magaftá luwa nda haɗik, nda inda skwiha mida tani.

Slna gwal ghunay 10:26

« Sliʼaf sliʼa, mndu iʼi guli, » ka Piyer ka sliʼanafta.

La Ruma 11:2

Vziŋ a Lazglafta ta mnduha ni ya zbu tsi daga ghalya wa. Havakwahava ta skwi ya vindaf lu ma deftera Lazglafta ta ghəŋa Iliya, ma fitika tawayni ta taw da Lazglafta ta ghəŋa la Israʼila, kaʼa na: