Yakubu 1:14 - Hdi

¹⁴ Ka dzəghaŋ dzəgha skwi ta dər wati ma mndu ná, ghudzaku ma vgha ni ta barafta, ka tɗamta tsi.

Yakubu 1:14 Referans Kwoze

Afisus 4:22

Skwi taghaghunaf lu ná, zlaŋta ghuni ta tsa tva nzaku si ta nzaku kuni ghalya ya. Tsa tva nzaku si ta nzaku kuni ghalya ya si ta ɓadza kaghuni, kabga si ta haraʼuway kuni ta inda ghwaɗaka skwi ta nana kaghuni.

Mata 15:18

Ama skwi ta sabi nda sa nda ma wubisim ná, ma ŋuɗuf ta saba tsi. Tsaya skwi ta ŋəriŋtá mndu.

Hebru 3:13

Ta hgay Lazglafta ta kaghuni « gita » guli. Mbruvuswa vgha ghuni inda fitik, kada kwala dmaku nanaghatá kaghuni, da təŋanaftá ya dər turtuk ma kaghuni ta ghəŋ.

La Ruma 7:13

Tsaya tama ní, laviŋ lava skwi ɗina ta dzihata ra? Laviŋ a wu, dmaku katək ta dzihata. Tsa dmaku ya ta klaftá tsa ŋərma skwi ya, ka dzihata nda tsi, kabga ŋa snaŋtá kɗavakta nzakwa dmaku. Nda ma zlahu saba dmaku dəɗay ta daɓi, nda kɗavakta ɓadzatani tani.

Mata 5:28

Ama ka iʼi ta mnaghunata ná, mndu ta nghafta nda ira mbəzleh ta markwa sani ma mndu ná, nda ghada kluta ni ta tsa marakw ya ma ŋuɗufa ni.

La Ruma 7:11

Mutsaf mutsa dmaku ta tvi, ka klaftá tsi ta zlahu ŋa nana iʼi ka ga dmaku, ka dzihatá.

Mata 15:20

Tsaha ya skwi ta ŋəriŋtá mndu. Haɗ za skwa zay kul mbazaku dzvu ta ŋəriŋtá mndu wu, » kaʼa.

Zlrafta 6:5

Ka nghə Yawe ná, dagala ghwaɗaka skwi ta mag mnduha ta haɗik. Ma inda ndana taŋ ná, ta ghəŋa ndana maga ghwaɗaka skwi inda fitik yeya ma ŋuɗufa taŋ.

Zlrafta 8:21

Həlhəla nzakwa ni ta wa htsiŋa Yawe, ka zɗəganatá tsi. Ka Yawe ma ŋuɗufa ni mantsa: « Haɗ yu dzaʼa ksiʼiglaftá haɗik dabga mndu wa. Aŋ mndani, nda ɓadza ndana mndu daga ma ga zwaŋa ni, ama zaɗglanata a yu ta inda skwi nda hafu mida manda na maga yu na wa.

Zlrafta 3:6

Tahula snaŋta tsa marakw ya ta tsa gwaɗa ya, kəʼa kaʼa nghanavatá yakwa tsa fu ya ná, zəɗ ka zay, ta taɗaku iri tida, dzaʼa vlay ta ndanu ŋa guna ghunislak guli. Ka sliʼaftá tsi ka tsaʼatá yakwa tsa fu ya ka zuta, vlaŋha ta zəʼala taŋ ta nzaku ta vata ni ya, ka zutá tsaya guli.

2Sam 11:4

Ka ghunaftá Dawuda ta gwal ghunay klanakta. Ka sagha tsi da tsi, ka hanatá tsi nda tsi. Tsaw ghuɓata ni yeya ta skwi ta tsaɗ lu tida. Tahula tsa, ka vraghatá tsi dzagha.

Mata 4:1

Tahula tsa, ka klaghatá Sulkuma Lazglafta ta *Yesu da mtak ŋa dzəghay halaway.

Yakubu 1:13

Ka dzəghaŋ dzəgha skwi ta mndu, yaha da mnay kazlay: Lazglafta ta dzəgha iʼi kəʼa. Haɗ ghwaɗaka skwi ta dzəgha Lazglafta wa, dzəgha a tsatsi guli ta mndu wa.

Yakubu 1:15

Ka zlanaŋ zla lu ta ghəŋ ta tsa ghudzaku ya katsi, ŋa zlghafta ni ta huɗi, ŋa yata ni ta dmaku. Tahula ndəhafta dmaku, ŋa klakta ni ta mtaku guli.