Yəhusuwa 24:25 - Hdi

²⁵ Baɗ tsaya ná, ka hbanaftá Yəhusuwa ta dzratá wi ŋa mnduha ma Səkem. Ka vlaŋtá tsi ta zlahuha ta həŋ, nda tviha ya ka həŋ dzaʼa nzakwa taŋ.

Yəhusuwa 24:25 Referans Kwoze

Sabi 15:25

Ka wahu Musa ta wahu da Yawe, ka maranatá Yawe ta sana fu. Ka klaftá tsi ka vzamta da tsa imi ya, ka navaftá tsa imi ya zɗa. Ma tsa vli ya vlaŋta Yawe ta zlahuha ta həŋ, nda skwiha ya nda ra ŋa magay taŋ. Hada dzəghaŋta tsi ta həŋ guli.

2Rus 23:16

Ka dzraftá Yəhuyada ta wi, tsatsi, nda inda mnduha, nda mgham, ŋa nzakwa taŋ ka mnduha Yawe.

2Mgh 11:17

Ka dzranaftá Yəhuyada ta wi ta Yawe, nda mgham, nda mnduha ŋa nzakwa taŋ ka mnduha Yawe. Dzranafha guli ta wi ta mgham nda mnduha.

2Rus 29:10

Ama ndanana, kura kura yu ma ŋuɗufa ɗa ta dzraftá wi nda Yawe, Lazglafta la Israʼila, kada mbəɗaghuta tsa gufatá ŋuɗufa ni katakata ya ta vata amu.

2Rus 15:15

Ka rfu inda la Yuda ta rfu ta ghəŋa tsa waɗu ya, kabga ma hya hya ŋuɗufa taŋ waɗata həŋ, nda kumay taŋ zba həŋ ta Yawe. Ka slaftá həŋ tida, ka vlaŋtá Yawe ta mbiʼa vgha ta həŋ dər ndiga ndiga.

2Rus 15:12

Ka fatá həŋ ta ghəŋ nda ma dzratá wi ka zba Yawe, Lazglafta dzidzíha taŋ, nda hya hya ŋuɗufa taŋ, nda inda hafa taŋ.

Yəhusuwa 24:26

Ka vindamtá Yəhusuwa ta tsa gwaɗaha ya ma ɗelewera zlaha Lazglafta. Ka klaftá tsi ta mghama pala, ka dzugwata mista sana halalaya fu, ma vli nda ghuɓa ŋa Yawe.

Yəhusuwa 24:1

Ka tskanatá Yəhusuwa ma Səkem ta inda mndəra la Israʼila. Ka hagaŋtá tsi ta la galata mnduha taŋ, nda maliha taŋ, nda gwal tsanatá guma ta həŋ, nda gwal ta nghapta. Ka lagha həŋ maravata ta kəma Lazglafta.

Vrafta ta zlahu 29:1

Ka hgadaghatá Musa ta inda la Israʼila. Kaʼa nda həŋ mantsa: « Nda ngha kaghuni nda ira ghuni ta inda skwi ya magana Yawe ta haɗika Masar, ya magana tsi ta Firʼawna, nda inda kwalvaha ni, nda inda haɗika ni,

Sabi 24:3

Ka sliʼaftá Musa ka laghu da mnanatá la Israʼila ta inda gwaɗaha nda gumaha mnana Yawe. Ka zlghaftá inda taŋ ta wa ni ka skwa turtuk, ka həŋ mantsa: « Inda gwaɗaha mna Yawe ná, dzaʼa magay ŋni manda va tsaya, » ka həŋ.

Zlrafta 35:4

Ka hlanaktá həŋ ta Yakubu ta inda lazglaftaha ka mayəm da həŋ, nda yeriha ma sləməŋa taŋ. Ka lamtá Yakubu mista sana halalaya fu dagala ndusa nda Səkem.