Yəhusuwa 23:15 - Hdi

¹⁵ Tsaya tama, manda va ya hɗam Yawe, Lazglafta ghuni ta ŋərma skwi ya taghunaf tsi ta imi ta sləməŋ ya, manda va tsaya dzaʼa laviŋ lava ta maga ghwaɗaka skwiha guli. Laviŋ lava ta zaɗaghunata ma na ŋərma haɗik vlaghuna vərɗa tsatsi na.

Yəhusuwa 23:15 Referans Kwoze

1Tes 2:16

Ta kumay həŋ ta pyaftá aŋni ta mna gwaɗa Lazglafta ŋa gwal kul nzakway ka la Yahuda, yaha həŋ da mbafta. Ndanana, hɗanam hɗa həŋ ta dmakwa taŋ, ka kɗavakta tsi nda ɓasafta Lazglafta ta ŋuɗuf ta ghəŋa taŋ.

Gwal tsa guma 13:1

Ka vrəglanaftá la Israʼila ta maga ghwaɗaka skwi ta wa ira Yawe. Ka vlatá Yawe ta həŋ ma dzva la Filisti, ka vaku fwaɗ mbsak.

Gwal tsa guma 6:1

Ka magatá la Israʼila ta ghwaɗaka skwi ta wa ira Yawe. Ka vlatá Yawe ta həŋ ma dzva la Midyaŋ ka vaku ndəfáŋ.

Gwal tsa guma 3:8

Ka gufaftá ŋuɗufa Yawe ta ghəŋa la Israʼila ka dzawaptá tsi ta həŋ ŋa Kusaŋʼritsghatayim, mghama Mesuputami. Ka magatá la Israʼila ta vaku tghas ta skwa htsiŋ da Kusaŋʼritsghatayim.

Gwal tsa guma 3:12

Ka zlrəglaftá la Israʼila ta magəgəltá ghwaɗaka skwi ta wa ira Yawe. Ka vlaŋtá Yawe ta mbraku ta Ghegluŋ mghama Muwav ŋa vulu nda la Israʼila, kabga ghwaɗaka skwi ta mag həŋ ta wa ira Yawe.

1Mgh 8:56

« Rfu da Yawe ta vlaŋtá mbiʼa vgha ta mnduha ni, la Israʼila, manda va ya tanaf tsi ta imi ta sləməŋ ta həŋ! Haɗ ya dər turtuk ma gwaɗaha zɗa zɗa mna tsi nda ma wa kwalva ni Musa, kul maguta wa.

1Mgh 14:15

Dzaʼa zlghuŋ zlgha Yawe ta la Israʼila ŋa nzakwa ni manda gagaɗak ta gigiɗaku ma imi. Dzaʼa rtiŋ rta ta la Israʼila ta tsa ɗinakwa haɗik si vlaŋ tsi ta dzidzíha taŋ ya, ka wutsiŋta ni ta həŋ ta sana ɓla zala Yufratis, kabga gufanafta taŋ ta ŋuɗuf ta Yawe nda ma tsatsafta taŋ ta skwa wuyay Asera.

La Levi 26:3

Ka ŋana ŋa kuni ta zlahuha ɗa, ŋana ŋa kuni ta tva skwiha ŋa magay ya mnaghunaf yu ka snata katsi,