Yəhusuwa 22:5 - Hdi

⁵ Ama ka snata kuni ɗina ta inda zlahu, nda skwiha ya taghaghunaf Musa kwalva Yawe. Ka ɗvuta kuni ta Yawe, Lazglafta ghuni, ka mbaɗa kuni ta mbaɗa manda ya kumaŋ tsi. Ka ksa kuni ta slna nda zlahuha ni. Ka ndiʼafta kuni ta vgha tida. Ka ŋanata kuni nda inda ŋuɗufa ghuni, nda inda hafa ghuni, » kaʼa.

Yəhusuwa 22:5 Referans Kwoze

Mata 22:37

Ka Yesu nda tsi mantsa: « “Ɗvu ɗva ta Mgham Lazglafta gha nda hya hya ŋuɗufa gha, nda inda hafa gha, nda inda ndana gha.”

Sabi 20:6

Ama ta maranaŋ mara yu ta zɗakwa ɗa ha ka lab ta dəmbuʼata zighiha ta gwal ta ɗvuta iʼi, ta sna zlahuha ɗa.

La Ruma 8:28

Nda sna amu guli kazlay: Ŋa ɗinakwa taŋ mida ta maga Lazglafta ta inda skwi ŋa gwal ta ɗvuta, tsa gwal ghadu tsi ta zabuta daga taŋtaŋ ya.

Vrafta ta zlahu 11:22

Ka si ŋana ŋa kaghuni kahwathwata ta tsa zlahuha mnaghunaf yu ya, nda ma maga slna nda tsi, nda ma ɗvutá Yawe, Lazglafta ghuni, nda ma ksa inda tviha ni, nda ma ndiʼaftá vgha tida katsi,

Sabi 15:26

Kaʼa mantsa: « Ka fa fa kuni ta sləməŋ ɗina ka snatá gwaɗa Yawe, Lazglafta ghuni, ka ta magiha maga kuni ta skwi ta tɗukwa ta wa ira ɗa, ka ta fiha fa kuni ta sləməŋ ɗina ka sna skwiha ta mnaghunata yu, ka ta ŋana ŋa kuni ta zlahuha ɗa demdem katsi, haɗ yu dzaʼa vlaghunata ya dər turtuk ma tsa ɗaŋwaha ya vlaŋ yu ta la Masar ya wu, kabga iʼi Yawe ta mba kaghuni, » kaʼa.

Yakubu 1:12

Rfu da mndu ta ksa ŋuɗuf ka suʼa skwi ta dzghaŋta, kabga tahula dzghaŋta, dzaʼa mutsay ta zewzewa hafu ya tanaf Mgham Lazglafta ta imi ta sləməŋ ta inda gwal ta ɗvuta.

Mata 4:10

Ka Yesu nda tsi mantsa: « Halaway! Laghu la gha ta vata iʼi. “Ŋa Mghama gha Lazglafta dzaʼa vla ka ta glaku, da tsatsi turtukwa ni dzaʼa skwa ka ta htsiŋ,” » ka lu vindafta ma deftera Lazglafta, kaʼa nda tsi.

La Ruma 12:9

Hmətət ka kuni ɗvuvustá vgha ghuni, ma mag kuni ta maɗgwirmaɗgwir. Ka husaghuna husa inda ghwaɗaka skwi. Ŋafwa vgha ta skwi ɗina.

La Ruma 1:9

Nda sna Lazglafta ya ta maganata yu ta slna nda ŋuɗufa ɗa turtuk ma mnay ɗa ta *Lfiɗa Gwaɗa ta ghəŋa Zwaŋa ni, ta skwi dzaʼa yu mnay. Nda sna kazlay: Ma inda fitika ndəɓay ɗa ta dzvu ná, ta kulay yu ta kaghuni kəʼa.

Slna gwal ghunay 27:23

Ta na rviɗik gita ná, ghunigihaghuna Lazglafta ta duhwalha ni. Tsa Lazglafta nza yu ka ŋa ni, nda ya ta maganata yu ta slna ya.

Slna gwal ghunay 11:23

Manda ɓhadaghata ni, ka nghaŋtá tsi ta zɗakatahuɗa Lazglafta, ka rfu tsi ta rfu. Ka vlaŋtá tsi ta mbraku ta həŋ ŋa gɗavata taŋ nda fatá ŋuɗufa taŋ ta Mgham Yesu.

Yuhwana 14:15

« Ka ɗvu ɗva kuni ta iʼi, dzaʼa sna sna kuni ta zlahuha ɗa.

Lukwa 1:74

“Dzaʼa mbaghunaf mba yu ma dzva ghuma ghuni, kada laviŋta kuni ta ksanatá slna kul haɗ zləŋ,

Mata 6:24

« Haɗ mndu dzaʼa laviŋta gwafta ksanatá slna ta mghamha his, ta magay magay ŋa ya, ta magay magay ŋa ya, ma va tsa fitik turtuk ya wa. Nda husaŋta sani, ta ɗvutá tsi ta sani. Nda ndiʼa nzakwa ni nda sani, ta wuɗiŋtá tsi ta sani. Laviŋ a kuni ta gwaftá maga slna ŋa Lazglafta, ta magay magay kuni ŋa tsedi wa. »

Vrafta ta zlahu 11:13

Ka sna sna kuni kahwathwata ta zlahuha ɗa ta mnaghunaf yu gita, ka ɗvutá Yawe, Lazglafta ghuni, ka tsəlɓay ghuni ta tsəlɓu ma hya hya ŋuɗufa ghuni, nda ya ma nzakwa ghuni katsi,

Vrafta ta zlahu 11:1

« Ka ɗvutá kuni ta Yawe, Lazglafta ghuni, ka ŋanata kuni dər ta wati ləwa tsi ta skwi ta mnaghunata tsi, nda tva skwiha ya ŋa magay, nda skwiha ta raku, nda zlahuha ni.

Vrafta ta zlahu 6:17

Ka ŋanata kuni ɗina ta gwaɗaha ya mnaf Yawe, Lazglafta ghuni, nda zlahuha, nda tva skwiha ŋa magay ya mnaghunaf tsi ya.

Yakubu 2:5

Zwana ma ɗa gwal ɗvu yu, fawa fa ta sləməŋ. Lazglafta a ta zabaptá gwal ka pɗu ta wa ira gwal ma ghəŋa haɗik, ŋa nzaku ka Gadghəl ma zlghay nda ŋuɗuf, ŋa mutsay taŋ ta ga mgham ya tanaf tsi ta imi ta sləməŋ, ta gwal ta ɗvuta ra?

Hebru 12:15

Ɗasuwa ka kuni yaha mndu dər turtuk da mbəɗanatá hul ta zɗakatahuɗa Lazglafta. Yaha ya dər ka turtuk da nzakway manda slrəŋ ɗahɗaha da ɗyamta ka ɓadza ndəghata mnduha.

Yuhwana 12:26

Ka ta kumay mndu ta magihatá slna ná, ka sawi tsi mista ɗa, ma tsa vli dzaʼa nzata iʼi ya, hada dzaʼa nzata tsa mndu ta magihatá slna ɗa ya guli. Ka ta magiha maga mndu ta slna, dzaʼa ŋlanaf ŋla Da ɗa ta tsa mndu ya, » kaʼa nda həŋ.

1Sam 12:24

Katkata ni ná, zləŋawa zləŋa ta Yawe, ka maganata kuni ta slna nda kahwathwata, nda ŋuɗuf turtuk. Nghadapwa ngha ta skwi dagala maga tsi mataba ghuni!

1Sam 12:20

Ka Samuyel nda mnduha mantsa: « Ma zləŋ kuni ta zləŋ! Manda va tsaya nzakwa ni, gaga kuni ta inda tsa dmaku ya. Ama ma mbəɗana kuni ta hul ta Yawe. Maganawa maga ta slna ma hya hya ŋuɗufa ghuni.

1Sam 7:3

Ka Samuyel nda inda la Israʼila mantsa: « Ka ma hya hya ŋuɗufa ghuni ta vrakta kuni da Yawe katsi, hliŋwa hla mataba ghuni ta inda lazglaftaha mndəra sanlaha ma mnduha, nda fwatuha Ghasturet skwa wuyay. Ka vlata kuni ta ŋuɗufa ghuni ŋa Yawe, ka maganata kuni ta slna ta tsatsi turtukwa ni, dzaʼa plap pla ta kaghuni ma dzva la Filisti, » kaʼa.

Yəhusuwa 23:8

Katək ná, ka ndiʼafta kuni ta vgha ta Yawe, Lazglafta ghuni kweŋkweŋ, manda va ya mag kuni ha ka sagha ta gita.

Vrafta ta zlahu 13:4

yaha kuni sna gwaɗa tsa anabi, ka tsa mnda suni ya a tsi ya. Ya Yawe, Lazglafta ghuni ta dzəgha kaghuni manda tsaya, ŋa snaŋta kazlay ka ta ɗvu rí ɗva a kuni ta Yawe, Lazglafta ghuni ma hya hya ŋuɗufa ghuni, nda ya nda inda nzakwa ghuni kəʼa.

Vrafta ta zlahu 10:20

Yawe, Lazglafta ghuni dzaʼa kuni da zləŋay, ŋa ni dzaʼa tsəlɓa kuni ta tsəlɓu, ka ndiʼafta kuni ta vgha nda tsi. Nda hga ni dzaʼa waɗa kuni ta waɗu.

Vrafta ta zlahu 4:9

Ama ɗasuwa ka kuni, ka nghuta kuni ta ghəŋa ghuni, ma zanap kuni ta skwi ya nghaŋ kuni nda ira ghuni, dá zliŋtá kuni ŋa saghwa ni ma ŋuɗufa ghuni ma inda nzakwa ghuni. Ka rusa kuni ŋa zwana ghuni nda ya ŋa zighiha ghuni.

Vrafta ta zlahu 4:6

Ka ŋanata kuni, ka maga kuni ta slna nda həŋ. Tsaya dzaʼa naghunafta ka gwal nda ɗifil, nda mahizl ta wa ira sanlaha ma mnduha dzaʼa snaŋtá inda tsa zlahuha ya. Ka həŋ dzaʼazlay na: “Kahwathwata, mndəra na mnduha dagala na ná, mndəra gwal nda ɗifil da həŋ, nda ya nda mahizl da həŋ, həŋ” ka həŋ dzaʼazlay.

Vrafta ta zlahu 4:4

Ama kaghuni ta ndiʼafta ta Yawe, Lazglafta ghuni ya, ta ndiri kaghuni demdem gitana.

Suna Yuhwana 15:3

Fa laha ya si ta fə Musa ta nzakway ka kwalva Lazglafta nda laha ya si ta fə Zwaŋa Tuwak, ta fə həŋ. Ka həŋ mantsa: « Mgham Lazglafta ta mbruta, dagala slna gha ya ta mag ka, ka skwa ndərmimay nzakwa ni. Kagha Mgham ta ghəŋa inda haɗikha. Inda skwi ta mag ka ná, tɗukwa tɗukwa nzakwa ni, kahwathwata nzakwa ni guli.

Sabi 23:25

Dzaʼa magihatá iʼi Yawe, Lazglafta ghuni kuni ta slna. Tsaya tama, dzaʼa tfanagha tfa yu ta wi ta skwa zay ghuni, nda ima say ghuni. Dzaʼa huzliŋ huzla yu ta ɗaŋwaha ta ghəŋa ghuni.

Vrafta ta zlahu 4:29

Ama daga hada, dzaʼa psay kuni ta Yawe, Lazglafta ghuni, dzaʼa slaf sla kuni tida ka psaŋ psa kuni nda ma hya hya ŋuɗufa ghuni, nda ya nda inda nzakwa ghuni.

Vrafta ta zlahu 5:10

Ama ta maranaŋ mara yu ta zɗakwa ɗa ha ka lab ta dəmbuʼata zighiha ta gwal ta ɗvuta iʼi, ta sna zlahuha ɗa.

Sabi 23:13

Ka ŋanata kuni ɗina ta inda tsa gwaɗaha managhuna yu ya. Yaha kuni hgaŋtá hga sana lazglaftaha, dər snaŋtá kulay ma wa ghuni. »