Yəhusuwa 10:40 - Hdi

⁴⁰ Mantsa ya ká Yəhusuwa zatá ta inda haɗikha: Ya nda ta ghwá, nda haɗika Negev tani, nda haɗikha ya ta kuɗuŋur tani, nda ya ta vata ghwá tani, nda inda mghamha taŋ tani. Haɗ skwi nda hafu mida ta ndapta dər turtuk wa. Ka zaɗanatá tsi ta inda mndu manda va ya mnanaf Yawe, Lazglafta la Israʼila.

Yəhusuwa 10:40 Referans Kwoze

1Mgh 15:29

Na tsa gi nzakwa ni ka mgham ya, ka pslatá tsi ta inda la ga Yaruvgham. Haɗ mndu pɗana tsi dər turtuk nda hafu wu, ka zaɗanatá tsi nekwnekw manda ya mna gwaɗa Yawe nda ma wa kwalva ni Ahiya mnda la Silu.

Yəhusuwa 10:37

Ka zata həŋ ta tsa luwa ya, ka pslatá həŋ ta mghama ni nda mnduha ni tani. Ka hlaghutá tsi guli ta inda luwaha ta waftá Hevruŋ, ka pslatá tsi ta mnduha ma tsa luwaha ya guli nda kafay. Manda va ya maga tsi ma Ghegluŋ, ka zaɗanatá Yəhusuwa ta tsa luwa ya, ka pslatá inda mnduha mida.

Yəhusuwa 10:35

Baɗ va tsaya, ka zata həŋ ta tsa luwa ya. Ka zaɗanata həŋ ta inda mnduha ma tsa luwa ya nda kafay, manda va ya maga həŋ ma Lahis.

Yəhusuwa 9:24

Ka həŋ zlghanaftá Yəhusuwa mantsa: « Wya skwi kəl ŋni ka mnay mantsa ya: Snaŋnagha sna kazlay na, mnanaf mna Yawe, Lazglafta gha ta Musa kwalva ni kazlay na dzaʼa zlaghunaŋ zla ta inda na haɗikha na, ŋa zaɗanata ghuni ta mnduha mida kəʼa. Ka zləŋaftá ŋni ta kaghuni katakata, nda hafa ŋni, tsaya kəl ŋni ka magay mantsa.

Yəhusuwa 8:27

Manda va tsa mnanaf Yawe ta Yəhusuwa ya, ka zləɗaghatá la Israʼila ta skwiha gadghəl nda rini tani ma tsa luwa ya.

Yəhusuwa 8:2

Manda va skwi magana ka ta luwa Yeriku nda mghama ni ya ná, manda va tsaya dzaʼa maganata ka ta luwa Ghay nda mghama ni tani. Nziya nza tsi ná, ka hla kuni ŋa ghuni ta inda skwa gadghəl nda rini tani dzaʼa zləɗata kuni. Nda ta hula luwa dzaʼa pghanata ka ta buɗukwa ta tsa luwa ya, » kaʼa.

Yəhusuwa 6:17

Dzaʼa hwanzaɓiŋ hwanzaɓa lu ta na luwa na, nda inda skwiha mida tani, kabga nda nza ŋa Yawe. Rahab ta nzakway ka karwa yeya dzaʼa zlanata lu nda hafu, nda ya nda gwal ma həga ga taŋ, kabga ɗifama ɗifa ta gwal vitsamatá luwa ya si ghunagagha mu ya.

Vrafta ta zlahu 7:24

Dzaʼa vlaghuna vla ta mghamha taŋ ma dzva ghuni. Ka hərɗiŋta ghuni ta hga taŋ ta ghəŋa haɗik. Haɗ ya dzaʼa sladata ta kəma ghuni wu, dzaʼa zaɗana zaɗa kuni ta həŋ demdem.

Yəhusuwa 18:21

Luwaha ka ŋa mndəra la Biŋyamiŋ ta uʼa taŋ, ta uʼa taŋ guli ná, tsaha ya Yeriku, nda Betʼhugla, nda Ghemekʼketsits,

Yəhusuwa 12:8

Haɗikha ta ghwá, nda ya ta kuɗuŋur, nda ya ma Gharava, nda ya ta vata ghwá, nda ya ma mtak, nda ya ma Negev. Ma tsa haɗikha ya si nzata la Het, nda la Amuru, nda la Kanʼana, nda la Periz, nda la Hiv, nda la Yəbus.

Vrafta ta zlahu 1:7

Sliʼafwa sliʼa ka dzaʼa kuni, ka ɓhadaghata kuni ta ghwáha la Amuru, nda ya da sləvdaha taŋ ma Gharava, ta ghwáha, ta kuɗuŋurha, nda haɗika Negev, ta ɓla drəf, ma haɗika la Kanʼana, ta ghwáha Ləvanuŋ, ha da Yufratis zala dagala ya.

Sabi 34:12

Ɗasuwa ká kuni, yaha kuni da dzra wi nda mnduha ma tsa haɗik dzaʼa lam kuni dida ya, dá nzakw həŋ ka dəɓəl ka ŋa ghuni.

Yəhusuwa 10:39

Ka zatá həŋ. Ka klaghutá həŋ ta tsa luwa ya nda mghama ni nda inda luwaha ta wafta tani, ka zaɗanatá həŋ nda kafay ta inda mnduha mida. Haɗ mndu ya zlana Yəhusuwa ŋa ndapta nda hafu dər turtuk wa. Manda va ya magana Yəhusuwa ta Hevruŋ, nda ya nda Livna nda mghama ni ya, mantsa kəʼa maganatá luwa Dəvir nda mghama ni tani.

Yəhusuwa 11:16

Ka zatá Yəhusuwa ta inda tsa haɗikha ya: Kwakwarha ta ghwáha, nda inda kwakwara Negev, nda inda kwakwara Guseŋ, nda kwakwarha ta kuɗuŋur nda təv dɗakwa fitik, nda Gharava, nda ghwáha la Israʼila nda kuɗuŋurha ni tani.

Mbsak 13:17

Ka ghunaftá Musa ta həŋ ŋa vitsaptá haɗika Kanʼana, kaʼa nda həŋ mantsa: « Ka laba kuni nda ma Negev, ka ŋladafta kuni ta ghwá.

Vrafta ta zlahu 2:34

Ka hlaghutá mu tama ta inda luwaha taŋ. Ka zaɗanatá mu ta həŋ nekwnekw. Nda zgwana tani, nda miʼaha tani, nda zwani tani, haɗ ya zlana mu nda hafu wa.

Nəhemiya 9:24

Ka lam həŋ ka zutá tsa haɗik ya ŋa taŋ. Ka raghwanatá ka ta kəma taŋ ta la Kanʼana ta nzaku tsa haɗika ya. Ka vlatá ka ma dzva taŋ ta mghamha taŋ, nda mnduha ma tsa haɗik ya, ŋa magay taŋ ŋa taŋ ta skwi manda ya kumaŋ həŋ.