Titus 1:10 - Hdi

¹⁰ Kəl yu ka mna tsaya ná, kabga nda ndəgha gwal kul haɗ ta sna gwaɗa da mndu, ta tsaɓaku, ta babara mnduha. Wya mal mataba gwal nda tsatsa fafaɗa taŋ na tsa gwal ta maga tsa skwiha ya.

Titus 1:10 Referans Kwoze

1Tim 1:6

Tsughwaɗaghu tsughwaɗa sanlaha ta tvi, ka laghu zaɗamta ma tsa hwazlaɓakuha dzaʼa kwal katanaftá həŋ ya.

1 Yuhwana 4:1

Zwana ma ɗa, ma gi sna kuni ta gwaɗa mndu ta mnay kazlay: Mamu Sulkuma Lazglafta ma iʼi kəʼa ya. Ɗaslawa tsa skwi ta mnə tsi ya karaku, ka mamu Sulkuma Lazglafta mida, ka haɗ wa a tsi. Kəl yu ka mna tsaya ná, kabga nda ndəgha ghwaɗaka anabiha ta sliʼagapta ta ghəŋa haɗik.

Galat 2:4

Sab sa gwaɗa ta tsa fafaɗ kabga mamu sanlaha ma zwana ma ka ghwaɗak ta kɗikadamta nzamta mataba ŋni, ŋa ɓadza tsa flauʼwatá vgha ŋni ma Yesu Kristi ya. Ta kumay həŋ ta niŋnista ka vuʼa zlaha Musa.

Afisus 4:14

Nda tsaya tama ná, nzata a mu manda zwani wa. Nanglafta a gwal tsakalawi ta amu nda tsa ghwaɗaka skwa taŋ ta tagh həŋ ya ŋa zaɗimista ma tvi, manda kwambalu ta klambaraku ta ghəŋa drəf wa.

Yakubu 1:26

Ka mnda dina yu ka mndu ta gray, tsaw sna a ta ksanaghutá ghanika ni wu katsi, nana ghəŋa ni ta nanə tsi, bətbət tsa dinani ya.

2Tim 3:13

Ama ghwaɗaka mnduha nda gwal nənɓa mnduha ná, ta kəma ta kəma ta ɓadzakwa nzakwa taŋ. Dzaʼa nənɓap nənɓa həŋ ta sanlaha, dzaʼa nənɓap nənɓa həŋ ta ghəŋa taŋ guli.

Slna gwal ghunay 11:2

Manda vradaghata *Piyer da luwa Ursalima, tus gwal zlghay nda ŋuɗuf nda ɗatsa fafaɗa taŋ nda gwaɗa nda Piyer.

Suna Yuhwana 2:14

Ama wya skwiha ta dvaghaghata yu: Mamu sanlaha mataba ghuni ta ɗvutá tagha skwa Bilʼam, ya ta taghanaftá Balak, ka pghamta zwana la Israʼila da ga dmaku, ŋa za sluʼa skwa wuyay, nda ya ŋa maga sliʼiŋsliʼiŋ ya.

Suna Yuhwana 2:6

Nziya nza tsi ná, mamu sana skwi ta zɗəgihata ma kagha. Ta Husagha husa slna la Nikwalay manda va ya ta husihata tsi ta iʼi ya guli.

1 Yuhwana 2:18

Zwana ɗa, ndusa ghəŋa haɗik ka kɗaku, manda va ya snaŋ kuni kazlay: Dzaʼa sagha sa ghuma *Kristi kəʼa ya ná, daga ndana ná, sliʼagap sliʼa ghumaha Kristi. Tsaya ta gramafta kazlay: Ndusa kɗakwa ghəŋa haɗik kahwathwata kəʼa.

2Tim 4:4

Dzaʼa nuʼaf nuʼa həŋ ta sləməŋa taŋ yaha həŋ snaŋtá kahwathwata, ka mbəɗaghutá vgha da sna tsakalawi.

1Tim 1:4

Ka mnanata ka ta həŋ, yaha həŋ da laghu da hamtá ghəŋ ma gwaɗa ta prukutunzum, nda mbəɗa mndəra mndu kul haɗ lu dzaʼa kɗanakta. Ta klaktá hwazlaɓaku, ka zlaŋtá ŋlaku ta kəma ta kəma ma slna Lazglafta ma zlghay nda ŋuɗuf tsaha ya.

Galat 3:1

Aya la Galat ksu skwi! Nya sughunus lu na? Ya wya maraghuna mara yu tsiɗiɗ ta *Yesu *Kristi ta mtuta ta udza zləŋay.

Slna gwal ghunay 20:29

Tahula laghwa ɗa ná, nda sna yu kazlay: Dzaʼa sliʼadamsliʼa mnduha ta sidi manda ziŋaha da taba ghuni, haɗ həŋ dzaʼa zlaŋtá tsa bra ya wu kəʼa.

Slna gwal ghunay 15:1

Mamu sana mnduha ta sliʼafta ta haɗika Zudiya, ka lagha da Aŋtakiya da taghay ŋa zwana ma kazlay: « Ka tsa a kuni ta fafaɗa ghuni manda ya mna zlaha Musa wu katsi ná, mbaf a kuni wa » kəʼa.

Slna gwal ghunay 15:24

Snaŋnagha sna gwaɗa ta ghəŋa sanlaha ma mndu ta sliʼafta da aŋni, ka lafi da kɓaghunafta kawadaga nda graha ŋni i Barnabas nda Pwal.

1Tim 1:9

Nda sna amu guli kazlay: Fa a lu ta zlahu ka ŋa gwal tɗukwa wu kəʼa, ama fa fa lu ta zlahu ŋa gwal kul sna gwaɗa da mndu, nda gwal ta maga mbrəs, nda gwal ta sidi, nda gwal dmaku, nda gwal kul zləŋa Lazglafta, nda gwal kul snaŋtá dzahayʼ, nda gwal ta pslatá dadaha taŋ, nda gwal ta pslatá mndu,

Titus 1:6

Tsa gwal dzaʼa zabapta ka ya ná, gwal kul haɗ gwaɗa ta ghəŋa taŋ katsi, gwal turtuk turtuk markwa taŋ, zlghaf zlgha ka zwana taŋ ta *Yesu, ksu a sliʼiŋ ta həŋ wu, haɗ həŋ ta mbrəs wu, katsi.

1 Yuhwana 2:4

Ka ka mndu mantsa, « nda sna yu ta Lazglafta, » kaʼa, ta sna a ta skwi ta mnata Lazglafta kay guli wu, tsa mndu ya ná, ta tsakalawi. Haɗ kahwathwata ɗekɗek ma ŋuɗufa ni wa.

Mata 23:14

« Ɗaŋwa ŋa ghuni gwal tagha zlahu ŋa mnduha nda la Farisa. Tsa maɗgwirmaɗgwira ghuni ya. Kaghuni ta hluguduŋtá skwa miʼa wadgu. Ka va slriŋtá maga duʼa ŋa nghay wa ira mnduha. Tsaya tama dzaʼa kəl lu ka tsaghunaghatá guma ka malaghutá mbraku.