Sabi 8:7 - Hdi

⁷ Dzaʼa laghu la kləŋha ta vata kagha nda həgaha gha, nda kwalvaha gha, nda mnduha gha, ŋa pɗata ya ma ghwa Nil kweŋkweŋ, » kaʼa.

Sabi 8:7 Referans Kwoze

Sabi 7:11

Ka hagaktá Firʼawna ta gwal nda ɗifil ma ghəŋa taŋ nda ɗəghaha tani. Tsa ɗəghaha ma Masar ya, ka magatá hahəŋ guli ta ŋa taŋ manda va tsaya nda má ɗəgha ɗəgha taŋ.

Sabi 7:22

Ka magatá ɗəghaha la Masar ta ŋa taŋ manda va tsaya guli nda má ɗəgha ɗəgha taŋ. Nduk nda tsa, ta təŋ təŋa ni ghəŋa Firʼawna. Ka kwalaghutá tsi ta snatá gwaɗa i Musa nda Haruna, manda ya mna Yawe.

Suna Yuhwana 13:14

Ka nanaghatá tsi ta inda mnduha ma ghəŋa haɗik nda skwa ndərmimay ya vlaŋ lu ta tvi ŋa magay ta kəma tsa taŋtaŋa nimtak ya. Kaʼa nda mnduha ma ghəŋa haɗik mantsa: « Magafwa maga ta skwa wuyay ŋa vlaŋtá glaku ta taŋtaŋa nimtak si balana lu manda skwi ŋa dzata, ka mbafta tsi ya, » kaʼa.

2Tim 3:8

Manda va pghay pghə i Zanes nda Yambres ta ghəŋ ghərŋa ghərŋa nda Musa ghalya ya ná, manda va tsaya ta pgha sanlaha ma tsa mnduha ya ta ghəŋ ghərŋa ghərŋa nda kahwathwata. Gwal nda hwaɗa ghwinslak taŋ həŋ. Haɗ ghəzliwa zlghay nda ŋuɗufa taŋ wa.

Mata 24:24

Ya dzaʼa sliʼagagha sliʼa ghwaɗaka krista nda ghwaɗaka anabiha, ŋa magay taŋ ta skwa mandərmimiha nda mazəmzəmha katakata ŋa nana mndu, ka ta magaku tsi, nda gwal ɗagap Lazglafta tani.

Sabi 8:18

Baɗu tsaya ná, dzaʼa kuraghu kura yu ta haɗika Guseŋ vli ya ta nzaku mnduha ɗa, ŋa kwala zuɗiha tuvulvulvul lagha da hada, kada snaŋta ka kazlay iʼi Yawe ná, ma tsa haɗik ya yu kəʼa.