Sabi 6:12 - Hdi

¹² Ka Musa nda Yawe mantsa: « La Israʼila sna a həŋ ta gwaɗa ɗa wu ná, Firʼawna yeya dzaʼa snihata rki, ta iʼi kul laviŋtá gwaɗa? » kaʼa.

Sabi 6:12 Referans Kwoze

Sabi 4:10

Ka Musa nda Yawe mantsa: « Nawa nawa! mghama ɗa, kdəkkdək, sna a yu ta gwaɗa wu. Dər ɗahawu, dər beʼetsa, dər daga ghalya ha ka sagha ta na fitik gwaɗgana ka ta kwalva gha ná, pərɗaf a yu ta snaŋtá gwaɗa wu. Laviŋ a yu ta guna wi ka gwaɗa wu, ɗukɗukwa ghanika ɗa ka gwaɗa, » kaʼa.

Sabi 6:30

Ka Musa ta kəma Yawe mantsa: « Laviŋ a yu ta gwaɗa wu, walaŋta a Firʼawna ta fatá sləməŋ ka sna gwaɗa ɗa wu! » kaʼa.

Slna gwal ghunay 7:51

Ka Atiyen guli mantsa: « Kaghuni ná, təŋ təŋa ghəŋa ghuni. Ta hgə Lazglafta ta kaghuni ná, duduzla ka kuni nzata, va a kuni ta sna gwaɗa da Sulkum nda ghuɓa manda va tsa nzakwa dzidzíha ghuni ya wa.

La Levi 26:41

Tsaya kəl iʼi guli ka dzaŋtá kuma nda həŋ, ka hlaghatá həŋ ta haɗika ghumaha taŋ. Ka hanagana hana həŋ ta təŋata ghəŋa taŋ, ka tsuʼaftá tsanaghatá guma nda tva ni ta krughuva taŋ katsi,

Sabi 6:9

Ka rusanaftá Musa manda va tsaya ta la Israʼila, ama ka kwalaghutá həŋ ta snay, kabga nda hwaɗa ghəŋa taŋ da tsa ndəgakwa slna ta mag həŋ ya.

Sabi 3:13

Ka Musa nda Lazglafta mantsa: « Mantsa nzakwa ni, dzaʼa sliʼaf sliʼa yu slanaghatá la Israʼila. “Lazglafta dzidza ghuni ta ghunaktá iʼi da kaghuni,” ka yu dzaʼazlay nda həŋ. A ka ɗawihaha həŋ kazlay “wa hga ni na?” kəʼa ní, nu ka yu dzaʼazlay həŋ? » kaʼa.

Vrafta ta zlahu 30:6

Dzaʼa ɗatsaghuna ɗatsa Yawe, Lazglafta ghuni ta fafaɗa ŋuɗufa ghuni nda zivirha ghuni, ŋa ɗvuta ghuni ma hya hya ŋuɗufa ghuni, nda ya ma nzakwa ghuni, kada nzata kuni nda hafu.

Sabi 3:11

Ka Musa nda Lazglafta mantsa: « Wa iʼi ŋa laviŋtá dzaʼa da Firʼawna ŋa hlagaptá la Israʼila ma Masar na? » kaʼa.

Sabi 4:1

Ka Musa mantsa: « Wya zlghafta a həŋ wu, snata a həŋ ta gwaɗa ɗa guli wa. “Zlagagap a Yawe ta kəma gha wu!” ka həŋ dzaʼazlay nda iʼi, » kaʼa.

Sabi 6:13

Ka Yawe nda i Musa nda Haruna mantsa: « Lawa kawadaga da slanaghatá la Israʼila, nda Firʼawna mghama Masar, ŋa hligiŋtá la Israʼila ma haɗika Masar, » kaʼa.