Sabi 5:2 - Hdi

² Ka Firʼawna mantsa: « Wa Yawe ŋa snay ɗa ta gwaɗa ni, ŋa zliŋta ɗa ta la Israʼila na? Sna a yu ta Yawe wa, haɗ yu ta zliŋtá la Israʼila guli wu, » kaʼa.

Sabi 5:2 Referans Kwoze

Sabi 3:19

Ama nda sna yu kazlay na, zlighunista a mghama Masar wu kəʼa, ba ka nda nza tsi tkweʼ ka magay ni kasiʼi.

2Mgh 18:35

Mataba inda lazglaftaha tsa haɗikha ya, wati ya ma həŋ ta kataptá haɗika taŋ ma dzva ɗa na? Waká Yawe dzaʼa laviŋta zluʼaptá Ursalima ma dzva ɗa na? » kaʼa.

2Tes 1:8

Ma takataka vu ta zlghaku dzaʼa saha həŋ ŋa ghuzlanaptá iri ta gwal kul snaŋtá Lazglafta, ta kwalaghutá snatá Lfiɗa Gwaɗa Mghama mu Yesu Kristi ya.

La Ruma 1:28

Manda va ya kwalaghu həŋ ta snanatá Lazglafta ya, ka zliŋtá Lazglafta guli ta həŋ mista tsa ghwaɗaka ndana taŋ ya. Ka mag həŋ ta skwi kul raku.

Yuhwana 16:3

Mantsa ya dzaʼa maga həŋ, kabga sna a həŋ ta dər Da, dər iʼi wu, » kaʼa.

2Rus 32:19

Ka gwaɗ həŋ ta gwaɗa ta ghəŋa Lazglafta la Ursalima, manda skwi ta ghəŋa lazglaftaha mndəra sana mnduha ta ghəŋa haɗik, tsatá skwata dzva mnduha ya.

2Rus 32:15

Ndanana ná, nana kaghuni a ta nan Hizkiya wu ra! Ma ghuɓu tsi ta kaghuni manda tsa, ma zlghanaf kuni! Haɗ sana lazglafta, sana mndəra mndu, dər sana gá mgham ta laviŋta zluʼagaptá mnduha ni ma dzva ɗa, dər ma dzva dzidzíha ɗa wa. Ɓalavakata lazglaftaha ghuni yeya dzaʼa zluʼagaptá kaghuni ma dzva ɗa rki?” kaʼa, » kaʼa.

1Sam 2:12

Zwana Iliya ná, la falay həŋ, sna a həŋ ta Yawe wa.

Sabi 7:17

Ka Yawe na: “Dzaʼa nda sna ka kazlay iʼi Yawe kəʼa.” Wana yu dzaʼa dzuŋta nda na dafa ma dzva ɗa na ta imi ma ghwa na, ŋa navafta ni ka us.

Gwal tsa guma 2:10

Ka sliʼaghutá inda tsa mnduha ta zamana tsatsi ya da dzidzíha taŋ. Tahula taŋ, ka sliʼagaftá sana zivir, ama sna a həŋ ta Yawe, dər slna magana tsi ta la Israʼila wa.

2Rus 32:14

Mataba inda lazglaftaha tsa haɗik ya zaɗana dzidzíha ɗa nekwnekw ya, wati ya ma həŋ ta laviŋta zluʼaptá mnduha ni ma dzva ɗa, dzaʼa kəl Lazglafta ghuni ka zluʼaptá kaghuni ma dzva ɗa na?

Nəhemiya 9:10

Ka maganatá ka ta mandərmimiha nda mazəmzəmha ta Firʼawna nda inda kwalvaha ni, nda inda mndu ta haɗika ni, kabga nda sna kagha ta mndərga gla ghəŋ glə həŋ ta dzidzíha ŋni. Ndaɗaʼa tutá hga gha manda va ya ta nzakway gitana wu.

Danyel 3:15

Ndanana tama, dzaʼa nda sna kuni guli ta vyəglatá duliha, nda siŋlakha, nda htimbilha kavghakavgha, nda dewdewha, nda inda huzla skalu ta ghudzaga, dzaʼa nda paya vgha ghuni ma tsa fitik ya, ŋa tsəlɓu ŋa tsa skwi dzugwa yu ya suʼu? Ka tsəlɓa a kuni wu, dzaʼa gi vzam vza lu haɗ dzudzukway wu ta kaghuni da həga vu ghandand. Wati ma lazglafta ya dzaʼa klaptá kaghuni ma dzva ɗa na? » kaʼa.

1Sam 25:10

Ka Naval nda kwalvaha Dawuda mantsa: « Wa Dawuda, wa zwaŋa Yisay na? Nda ndəgha kwalvaha gitana ta hwahwayapta ga daŋahəga taŋ.