Sabi 4:5 - Hdi

⁵ « Ka maga ka mantsa ya, kada grafta həŋ kazlay zlagap zlaga, iʼi Yawe, Lazglafta dzidzíha taŋ, Lazglafta Abraham, Lazglafta Izak, Lazglafta Yakubu da kagha kəʼa, » kaʼa.

Sabi 4:5 Referans Kwoze

Sabi 19:9

Ka Yawe nda Musa mantsa: « Wya yu dzaʼa lagha ma kusay tɗik katakata slaghaghata, kada snaŋta mnduha ta iʼi ta gwaɗa nda kagha. Mantsa tama, dzaʼa faf fa həŋ ta ghəŋ ta kagha ŋa ɗekɗek, » kaʼa. Ka mnanatá Musa ta Yawe ta zlgha wa mnduha.

Sabi 3:15

« Ka ka dzaʼazlay nda la Israʼila guli na: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu ta ghungiɗaghata da kaghuni.” Tsaya hga ɗa ŋa kɗekedzeŋ. Nda tsa hgu ya dzaʼa hava inda zivira mnduha ta Iʼi.

Zlrafta 48:3

Ka Yakubu nda Yusufu mantsa: « Zlagap zlaga Lazglafta ta Mbruta ta wa ira ɗa ma Luz ta haɗika Kanʼana, ka tfaɗighatá tsi ta wi.

Zlrafta 26:2

Ka maravatá Yawe da Izak, kaʼa nda tsi mantsa: « Ma la ka da Masar, nza nza gha ma haɗik dzaʼa maraghata yu ya.

Zlrafta 18:1

Ka zlagaptá Yawe da Abraham ndusa nda sana fuha dagala dagala ma Mamre, ta nzaku Abraham ta wa tgha lami da həga tumpula ni ma tsaka fitik.

Zlrafta 12:7

Ka maravatá Yawe ta kəma Abram, kaʼa nda tsi mantsa: « Dzaʼa vlaŋtá zivira gha yu ta na haɗik na, » kaʼa. Ka dzihwaftá Abram ta gwir ŋa Yawe ta zlagapta da tsi ya.

Yuhwana 11:42

Nda sna yu kazlay: Ta gɗa gɗa ka ta zlghiɗiftawa ɗa kəʼa. Nziya nza tsi ná, ŋa na mnduha ta wiɗifta na ta mna yu, kada zlghafta həŋ, » kaʼa.

Sabi 4:31

Ka zlghaftá la Israʼila ta tsa gwaɗaha ya. Ka snaŋtá həŋ kazlay nghanagha ngha Yawe ta la Israʼila kəʼa, nda ngha ta satá duna taŋ. Mantsa tama, ka tsəlɓatá həŋ ta haɗik, ka vlaŋtá glaku.

Slna gwal ghunay 7:2

Ka Atiyen mantsa: « Zwana ma ɗa nda dadaha ɗa, maranaŋ mara Lazglafta dagala ta ghəŋa ni ta dzidza mu Abraham ta tsa fitika nzakwa ni ta haɗika Mesuputami ya, makəɗ tsi ka laghu da nzata ma luwa Haraŋ.

Yuhwana 20:31

Nana vinda a lu na ná, vinda a vinda lu ŋa zlghafta ghuni kazlay: Yesu ná, *Kristi ya, Zwaŋa Lazglafta ya guli kəʼa. Ka zlghaf zlgha kuni ta tsatsi, dzaʼa mutsay kuni ta hafu nda ma tsatsi.

Yuhwana 20:27

« Wya dzvuha ɗa ksaŋ ksa nda ndəfiŋa gha, wya ŋwazliɓa ɗa guli, ksaŋ ksa nda dzva gha, ka zlaŋta ka ta dga ghəŋ, ka zlghafta ka nda ŋuɗuf, » kaʼa nda Tuma.

Yuhwana 11:15

Ta rfu yu ta ghəŋa kwala ɗa kul haɗ hada. Ɗina tsaya ka ŋa ghuni, ŋa fafta ghuni ta ghəŋ ta iʼi. Mbaɗma slanaghata ndana tama, » kaʼa nda həŋ.

Yuhwana 5:36

« Iʼi, mamu ŋa ɗa ma gwaɗa ta ghəŋa ɗa ta malaghutá ŋa Yuhwana. Tsa gwaɗa ya ná, slnaha vliha da ŋa kɗanafta ɗa ta magay ya. Tsa slnaha ta kəɗ yu ta magay ya, ta maraŋta tsiɗiɗ kazlay: Da ya ta ghunigihata kəʼa.

2Rus 20:20

Wrək tgha ga mahtsima ni, ka tsavaftá həŋ ka laghwi ta mtaka Tekuwa. Ta lab həŋ, ka sladatá Yəhusafat, kaʼa mantsa: « Fihawa fa ta sləməŋ la Yuda nda la Ursalima! Fafwa fa ta ghəŋ ta Yawe, Lazglafta ghuni, dzaʼa ŋay kuni. Fafwa fa ta ghəŋ ta anabiha ni, dzaʼa zay kuni ta ghwa! » kaʼa.

Sabi 4:1

Ka Musa mantsa: « Wya zlghafta a həŋ wu, snata a həŋ ta gwaɗa ɗa guli wa. “Zlagagap a Yawe ta kəma gha wu!” ka həŋ dzaʼazlay nda iʼi, » kaʼa.

Sabi 3:18

Dzaʼa sna sna həŋ ta gwaɗa gha. Ŋa sliʼafta gha kawadaga nda tsa la galata mnduha la Israʼila ya slanaghatá mghama Masar. Ka kuni dzaʼazlay nda tsi na: “Yawe, Lazglafta la Hebru, ta guyata nda aŋni. Ndanana ta ndəɓa dzvu ŋni da kagha, zlaŋna zla ka dzaʼa ŋni za fitik hkən ta mbaɗa ma mtak, da planatá ghəŋ ta Yawe, Lazglafta ŋni.”

Sabi 3:6

Iʼi Lazglafta da gha, Lazglafta Abraham, Lazglafta Izak, Lazglafta Yakubu, » kaʼa. Gi ka bukwamtá Musa ta kuma ni, kabga ta zləŋay ta nghaŋtá Lazglafta.

Zlrafta 17:1

Təmbay mbsak təmbay mida ima Abram, ta maravatá Yawe da tsi. Kaʼa nda tsi mantsa: « Iʼi Lazglafta ta Mbruta. Nza nza ta nzaku ɗina ta kəma ɗa, ka maga ka ta skwi ta zɗəgihata.

Hebru 11:16

Kahwathwata ná, vli ta malaghutá tsaya ŋa taŋ ta pahaŋta, vli ya ta nzakway ta luwa. Tsaya kəl tsi ka zɗəganatá Lazglafta, na hgay ta hgə həŋ ka Lazglafta taŋ. Ka payanaftá tsi ta luwa taŋ ta həŋ.

Zlrafta 28:13

Ka sladanavatá Yawe ta vata ni, kaʼa nda tsi mantsa: « Iʼi Yawe, Lazglafta Abraham ta nzakway ka da gha, Lazglafta Izak. Nana haɗik hana ka tida na ná, dzaʼa vlagha vla yu ta kagha nda zivira gha tani.

Zlrafta 48:15

Wya kəʼa tfanaghatá wi ta Yusufu: « Lazglafta ya mbaɗ dzidzíha ɗa i Abraham nda Izak, ta mbaɗa ta kəma ni, tsa Lazglafta ta ngha iʼi manda mnda ngha rini ya, ta nghagaptá iʼi ka yawu nzakwa ɗa ha ka sab ta gita.

Sabi 3:4

Nghay Yawe ná, ta mbəɗa vgha Musa ka dzaʼa da nghay. Ka hgaŋtá Lazglafta ma tsa mubuk ya, kaʼa mantsa: « Musa! Musa! » kaʼa. « Wana yu! » ka Musa.

Sabi 3:16

La! ka tskanata ka ta la galata mndu mataba la Israʼila, ka mnanata ka ta həŋ: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu, ta zlagagapta da iʼi. Kaʼa nda iʼi mantsa: Nghaghunagha ngha yu kahwathwata, nda ngha yu ta skwi ta mag lu ŋa ghuni ma Masar.

Sabi 4:4

Ka Yawe nda Musa mantsa: « Fadap fa ta dzva gha, ka ksafta ka ta htur, » kaʼa. Ka fadaptá tsi ta dzva ni ka ksafta, ka nugəltá tsi ka dafa ma dzva ni.

1Mgh 18:36

Ta fitika vla mbəhu ga hawu, ka gavadaghatá anabi Iliya, kaʼa mantsa: « Ari Yawe, Lazglafta Abraham, nda Izak, nda Israʼila! Ka snaŋ sna lu gita kazlay na kagha Lazglafta ma Israʼila, kwalva gha iʼi guli kəʼa. Ta mag manda ya mnaf ka yu ta na skwiha na.