Sabi 4:21 - Hdi

²¹ Ka Yawe nda Musa guli mantsa: « Vradaghata gha da Masar ya ná, yaha ka da zanaptá maga mandərmimiha ya vlagha yu ta mbrakwa magay ta kəma Firʼawna. Ama Iʼi, dzaʼa təŋanaf təŋa yu ta ghəŋa ni, haɗ dzaʼa zliŋtá la Israʼila ŋa sliʼafta taŋ wa.

Sabi 4:21 Referans Kwoze

La Ruma 9:18

Mantsa ya tama ná, ta magay Lazglafta ta skwi ɗina ŋa mndu ya kumaŋ tsi, ta təŋay ta ŋuɗufa mndu ya kumaŋ tsi guli.

Yəhusuwa 11:20

Nziya nza tsi ná, Yawe ta kurata sifanaftá ghəŋa mnduha ta haɗikha, ŋa dzaʼa da vulu kul haɗ sladavata nda la Israʼila, ŋa pslata tsaha ya ta həŋ nekwnekw kul haɗ hiɗahiɗa, ka zaɗanatá həŋ nekwnekw manda ya mnanaf Yawe ta Musa.

Yuhwana 12:40

« Lazglafta ta ghulpiŋtá ira taŋ, ka təŋanaftá ghəŋa taŋ, ŋa kwala taŋ nghaŋta nda ira taŋ, ŋa kwala taŋ tsatsafta da mbəɗaktá həŋ ta vgha təv iʼi ŋa mbanafta ɗa ta həŋ kəʼa, » ka Lazglafta.

Sabi 14:8

Ka təŋanaftá Yawe ta ghəŋa Firʼawna, mghama Masar. Ka hwayiŋtá tsi ta la Israʼila ta sab həŋ ma Masar nda kapa dzva flauʼwatá vgha.

Sabi 9:35

Ka təŋutá ghəŋa Firʼawna, ka kwalaghutá tsi ta zliŋtá la Israʼila manda ya si mna Yawe nda ma wa Musa ya.

Sabi 9:12

Ka təŋanaftá Yawe ta ghəŋ Firʼawna, ka kwalaghutá tsi ta snanatá həŋ, manda ya mnana Yawe ta Musa.

Sabi 7:13

Kulam nda tsa, ta təŋ təŋa ni ghəŋa Firʼawna, ka kwalaghutá tsi ta snatá gwaɗa i Musa nda Haruna, manda ya mna Yawe.

Sabi 3:20

Tsaya tama dzaʼa kəl yu ka kapaftá dzva ɗa ka dzuŋtá la Masar, nda inda mandərmimiha dzaʼa magata yu mataba taŋ. Tahula tsa, ŋa slighunista ni.

Sabi 10:20

Ama ka təŋanaftá Yawe ta ghəŋa Firʼawna kay guli. Zliŋ a ta la Israʼila wa.

Sabi 7:3

Ama iʼi, dzaʼa təŋanaf təŋa yu ta ghəŋa Firʼawna. Dzaʼa yanaf ya yu ta mazəmzəmha ɗa nda mandərmimiha ɗa ma haɗika Masar.

Sabi 14:4

Dzaʼa təŋanaf təŋa yu ta ghəŋa Firʼawna ŋa hwayighunista ni. Dzaʼa marana mara yu ta glakwa ɗa ta Firʼawna nda sludziha ni demdem tani. Mantsa ya dzaʼa kəl la Masar ka snaŋta kazlay iʼi ná, Yawe yu kəʼa! » kaʼa. Ka magata la Israʼila manda va tsaya.

1 Piyer 2:8

Ka lu vindafta guli na: « Tsa pala ya ná, ta dza mndu ka tuthun. Tsa pala ya ta zlambanaptá mnduha, » kaʼa. Ta dzay ta həŋ ka tuthun, kabga kwalaghuta taŋ ta snanatá gwaɗa Lazglafta. Manda tsaya thanafta Lazglafta ta həŋ daga manda ghalya.

2Kwa 2:16

Ka ŋa gwal ta mutsa mbaku ná, zɗa tsa vərtikatani ya, ta vlaŋ vla Lazglafta ta hafu ta həŋ. Ka ŋa gwal ta zaɗiŋtá ghəŋa taŋ guli ná, zɗa a tsa vərtikatani ya wu, ta klanak kla ta mtaku ta həŋ. Wa ya prək ka magaftá tsa slna ya tama?

La Ruma 1:28

Manda va ya kwalaghu həŋ ta snanatá Lazglafta ya, ka zliŋtá Lazglafta guli ta həŋ mista tsa ghwaɗaka ndana taŋ ya. Ka mag həŋ ta skwi kul raku.

1Mgh 22:22

Kaʼa zlghanaftá wi mantsa: “Ta dzaʼa yu, dzaʼa nzakway yu ka sulkuma tsakalawi ma wa inda anabiha ni,” kaʼa. Ka Yawe nda tsi mantsa: “Kahwathwata ná, dzaʼa gataf gata ka, dzaʼa katsay ka. La ka magata ka manda tsaya!” » kaʼa.

Vrafta ta zlahu 2:36

Zlrafta ni ma Gharugher ta vata vli ta ghəŋa zala Arnuŋ, nda luwa ma didiŋa zala, dikw da kwakwara Gilghat, haɗ luwa ya ta ŋaŋta da amu wu, kabga vlama vla Yawe, Lazglafta mu ta həŋ demdem ma dzva mu.

Zlrafta 6:3

Ka Yawe mantsa: « Haɗ hafa ɗa dzaʼa gɗavata ŋa ɗekɗek ma mndu wu, kabga dzaʼa rwaku həŋ. Nzəglata a həŋ ka malaghuta imi dərmək nda hisambsak wu, » kaʼa.

Sabi 10:1

Ka Yawe nda Musa mantsa: « La slanaghata Firʼawna, kabga təŋanaf təŋa yu ta ghəŋa ni nda ŋa kwalvaha ni tani, ŋa magata ɗa ta ŋizlaha ɗa mataba taŋ.

Sabi 10:27

Ama ka təŋanaftá Yawe ta ghəŋa Firʼawna kay guli, va a ta zliŋtá la Israʼila ŋa sliʼa taŋ wa.

Sabi 11:9

Ka Yawe nda Musa mantsa: « Haɗ Firʼawna dzaʼa snaghunata wu, kada yavafta mandərmimiha ɗa ta haɗika Masar, » kaʼa.

Sabi 11:10

Ka magatá i Musa nda Haruna ta inda tsa mandərmimiha ya ta kəma Firʼawna. Ama ka təŋanaftá Yawe ta ghəŋa Firʼawna. Zliŋ a ta la Israʼila ŋa sliʼapta taŋ ma haɗika ni wa.

Sabi 3:19

Ama nda sna yu kazlay na, zlighunista a mghama Masar wu kəʼa, ba ka nda nza tsi tkweʼ ka magay ni kasiʼi.

Sabi 8:11

Kəʼa ka Firʼawna ná, hlap hla ta hafu. Ka təŋanaftá tsi ta ghəŋ, ka kwalaghuta snata ŋa i Musa nda Haruna, manda ya si mna Yawe.

Sabi 8:15

Ka həŋ nda Firʼawna mantsa: « Mbrakwa Lazglafta na skwi na! » ka həŋ. Ama ka təŋanaftá Firʼawna ta ghəŋ, ka kwalaghuta snatá ŋa i Musa nda Haruna, manda ya si mna Yawe.

Sabi 14:17

Dzaʼa təŋanaf təŋa iʼi ta ghəŋa la Masar ŋa hwayighunista taŋ. Dzaʼa maranaŋ mara yu ta glakwa ɗa ta Firʼawna, nda inda sludziha ni, nda mwata plisha ni, nda sludziha ni ta plis tani.