Sabi 34:10 - Hdi

¹⁰ Ka Yawe nda Musa mantsa: « Wana yu ta dzrafta wi nda kaghuni. Ta kəma inda mnduha gha dzaʼa magata yu ta skwa ndraʼuway ya ta kul walaŋtá lu ta magata ta ghəŋa haɗik tender, dər mataba mndəra wati ma mndu. Dzaʼa nda ngha inda mnduha ta waghunafta ta slna iʼi Yawe. Skwi ya dzaʼa yu magata nda ghuni ná, skwa ga zləŋ ŋa mndu ya.

Sabi 34:10 Referans Kwoze

Vrafta ta zlahu 10:21

Tsatsi zləzləva ghuni, tsatsi Lazglafta ghuni. Tsatsi ta magaghunatá skwiha dagala dagala, nda skwiha ka makwitkwit ya nghaŋ kuni nda ira ghuni ya.

2Sam 7:23

Mamu sana mndəra mndu dər turtuk ta ghəŋa haɗik manda mnduha gha, la Israʼila ra? Ar Lazglafta, sasa ka da varatá həŋ ŋa nzakwa taŋ ka mnduha gha, ŋa tsaftá hga gha, ŋa hɗamtá skwiha ta raghata, nda skwiha ta raŋtá haɗika gha, ka makwitkwit nda mandərmimiha, ka ghazliŋtá ka ta kəma mnduha gha varagap ka ma haɗika Masar ta mndəra sanlaha ma mnduha nda lazglaftaha taŋ.

Vrafta ta zlahu 32:30

Waká mndu turtuk dzaʼa ghəzlaftá gwal dəmbuʼ na? Waká mnduha his dzaʼa ŋawaftá gwal dəmbuʼ ghwaŋ na? Ka nza a tsi ka skwapta kutumba taŋ ta həŋ, ka nza a tsi ka vlata Yawe ta həŋ ma dzva taŋ.

Yəhusuwa 6:20

Ka hlaftá mnduha ta wi ɗuwwa, ka vyə lu ta duli. Na tsa snaŋta mnduha ta tsa vya duli ya, ka hlaftá həŋ ta wi nda mbraku. Ka tɗutá matsak. Ka gi ŋaladaftá la Israʼila da tsa luwa ya, dər wa zur nda kəma ni, ka zatá həŋ ta tsa luwa ya.

Sabi 34:27

Ka Yawe nda Musa guli mantsa: « Vindaf vinda ta tsa gwaɗaha ya, kabga ta tsa gwaɗaha ya ta dzrafta yu ta wi nda kagha, nda ya nda la Israʼila, » kaʼa.

Vrafta ta zlahu 4:13

Ka mnaghunatá tsi ta dzratá wa ni nda kaghuni, ya mnaghunaf tsi ŋa magay ghuni ta slna nda tsi, tsaya zlahuha ghwaŋ vivindaf tsi ta klamha his.

Sabi 34:28

Ka zatá Musa hada kawadaga nda Yawe ta fitik fwaɗ mbsak, nda rviɗik fwaɗ mbsak, zaŋ a ta skwa zay wu, saŋ a ta imi wa. Ka vindaftá tsi ta tsa klamha ya ta tsa gwaɗaha dzratá wi, zlahuha ghwaŋ ya.

Vrafta ta zlahu 9:19

Giɗif ga ɓasatá ŋuɗuf nda gufata ŋuɗufa Yawe si ta ɓasafta ta ghəŋa kaghuni ya ta zləŋ, kabga si ta kumay ta zaɗaghunata. Ama ka snata tsi ta tawa ɗa ta ghəŋa kaghuni ma tsa fitik ya guli.