Sabi 32:5 - Hdi

⁵ Nghanata Haruna ta tsaya, ka baftá tsi ta gwir ta kəma tsa mamakwa sla ya, kaʼa gugɗatá mantsa: « Mamu skalu mahtsim ŋa vlaŋtá glaku ta Yawe, » kaʼa.

Sabi 32:5 Referans Kwoze

2Mgh 10:20

Ka Yehu mantsa: « Hgawa hga ta tska vgha dagala ŋa tsəlɓa vlaŋtá glaku ta Baghal, » kaʼa. Ka hgatá lu.

La Levi 23:37

Tsaha ya skaluha tsaf lu ŋa Yawe, dzaʼa kuni mnay kazlay na dzaʼa mamu kuni nda guyatá ghəŋ nda ghuɓa kəʼa, ŋa vlay ghuni ta pla ghəŋha ŋa dray ta vu ŋa Yawe: Skwa pla ghəŋha ŋa dray tsuh tsuh, nda mbəha nimaya, nda pla ghəŋha zɗaku, nda mbəhuha ŋa slranata manda ya mnaf lu ŋa magay nda fitika ni nda fitika ni.

La Levi 23:2

« Ka ka mnanata la Israʼila na: Skaluha ka ŋa Yawe dzaʼa kuni da mnay, dzaʼa nzakway ka guyatá ghəŋ nda ghuɓa. Wya tsa skaluha ɗa ya:

1Kwa 5:8

Ma zə mu ta tsa skala *Pak nda buradi nda is ŋa ghalya mida ya. Tsa is ya ná, maga ghwaɗaka skwi ya. Zama za nda buradi kul haɗ is mida ta nzakway ka vərɗa ni dzeʼdzeʼ ya. Nda ŋuɗuf ya nda ghuɓa, tɗukwa.

2Rus 30:5

Ka kuratá həŋ ta hagaŋtá la Israʼila demdem, daga ma Bəʼerseva kətsuk da Daŋ, ŋa sliʼakta lu da Ursalima skala Pak ŋa vlaŋtá sgit ta Yawe, Lazglafta la Israʼila, kabga sira a gwal ta skalay manda ya nda vinda wa.

2Mgh 16:11

Ka dzihwaftá Uriya, mnda dra skwi ŋa Lazglafta ta gwir, taɓta ya mnanaf mgham Ahaz ta tsghədanapta daga ma Damas ya. Ka kɗiŋtá tsi ta magafta makəɗ mgham vrakta ma Damas.

1Mgh 21:9

Wya skwi vindaf tsi ta tsa ɗelewerha ya: « Mnawa mna ta fitik ŋa maga sumay. Ka hagakta kuni ta mnduha, ka fata kuni ta Navut ta taŋtaŋa vla sgit ta kəma mnduha.

1Sam 14:35

Ka dzihwaftá Sawulu ta gwir ŋa Yawe. Tsaya taŋtaŋ gwir baf tsi ŋa vlaŋtá sgit ta Yawe.

La Levi 23:21

Baɗ va tsaya, dzaʼa mnay kazlay na dzaʼa mamu kuni nda guyatá ghəŋ nda ghuɓa kəʼa. Haɗ kuni dzaʼa maga dər wati ma slna baɗ tsa fitik ya, manda ya snu kuni ta magay wa. Ka snata kuni ta tsa zlahu ya ŋa ɗekɗek ha ma zivira ghuni ma inda vli dzaʼa nzata kuni.

La Levi 23:4

Wya sanlaha ma skaluha ka ŋa Yawe dzaʼa tskavata guyatá ghəŋ nda ghuɓa ŋa skalay nda fitika ni nda fitika ni. »

Sabi 32:4

Ka zlghaghuta tsi da həŋ, ka pghamtá tsa dasu ya ma ghəzla ka nwapta, ka tsaftá mamakwa sla. Tahula tsa, ka həŋ mantsa: « Israʼila, wana lazglaftaha gha ta hlagaghunafta ma haɗika Masar! » ka həŋ.

Sabi 12:14

Dzaʼa nzakway tsa fitik ya ŋa ghuni ka fitika havu. Ka ŋanata kuni ka skalu ŋa Yawe. Ka ŋanata kaghuni nda zivirha ghuni ka skwi ŋa magay ha ŋa ɗekɗek.

Sabi 10:9

Ka Musa Mantsa: « Dzaʼa sliʼi ŋni nda duhwalha ŋni tani, nda galata mnduha ŋni tani, nda zwana ŋni zgwana nda kwagha ŋni tani. Mantsa rina fisika ŋni nda slaha ŋni tani, kabga nda ra ka dzaʼa ŋni da skalanatá skalu ta Yawe, » kaʼa.

Sabi 32:6

Ga mahtsima ni, ka sliʼaftá mnduha wrək tgha, ka lagha da vlatá skwa pla ghəŋ ŋa dray tsuh tsuh, nda ya ŋa pla ghəŋa zɗaku. Ka nzatá mnduha ka za skwi, ka sa skwi. Ka sliʼaftá həŋ ka dza baslabasla.

Sabi 17:15

Ka baftá Musa ta gwir, ka tsanaftá tsi ta hgu kazlay na Yawe Nissi, manda mnay kazlay na Yawe ŋizla ɗa ma zatá ghwa kəʼa.