Sabi 30:8 - Hdi

⁸ Inda hawu ta lagha tsi da tsatsaftá vu ta pitirla ya ná, ŋa dray ni ta tsa urdi ya. Ka gɗata kuni ta dra urdi ta kəma Yawe ha zivirha ghuni wa.

Sabi 30:8 Referans Kwoze

Hebru 9:24

Lam a *Kristi da tsa vli nda ghuɓa katakata ma həga tumpul magaf mnda səla ya wa. Fwata tsa vərɗa ni ta nzakway ta luwa ya tsaya. Tsatsi ná, ta luwa laghwa tsatsi. Ndanana, ta nzaku ta kəma Lazglafta ta gwaɗa ma vla mu.

Hebru 7:25

Tsaya guli kəl tsi ka slaghuta ka mnda mbanafta ŋa kɗekedzeŋ ta inda gwal dzaʼa ɓhaku da Lazglafta nda ma tsatsi. Yesu ná, ŋa kɗekedzeŋ nzatá nzakwa ni ka maga duʼa da Lazglafta ta ghəŋa taŋ.

1Tes 5:17

Ma zlanap kuni ta maga duʼa.

La Ruma 8:34

Wa ya dzaʼa laviŋta ksutá həŋ ma guma na? *Yesu *Kristi ná, mtu mta. Ta nzaku nda ga zeghwa Lazglafta, ta maga duʼa da manaka amu.

Sabi 12:6

Ka fata kuni ha baɗ ghwaŋpəɗ fwaɗ ma tsa tili ya. Ga hawu baɗ tsaya, ŋa hanata inda guyatá ghəŋa la Israʼila ta tsa skwi nda səla ya zbap həŋ ya.

Sabi 27:21

Ka payanata i Haruna nda zwana ni ta pitirla ma tumpula guyaku nda ta kəma tsa zlala ta mbuŋtá akwata dzratá wi ya. Ka zlghakwa tsa pitirlaha ya petsuweɗ vli ta kəma Yawe. Tsaya skwi dzaʼa la Israʼila magay ŋa ɗekɗek ha ma zivira ghuni. »

Sabi 30:7

Inda sərɗək, ŋa dray Haruna ta urdi ŋa dray nda dra ta tsa gwir ya, ma fitika dzaʼa ni da payanatá vla tsatsaftá vu ta pitirla.

Sabi 30:9

Yaha kuni da dray ta tsa gwir ya ta hamata urdi, dər skwa pla ghəŋ ŋa dray tsuh tsuh, dər mbəha nimaya. Yaha kuni nda skwi ŋa zlrafta nda slra tida.

1Sam 2:28

Iʼi ta zbaptá həŋ mataba inda mndəra la Israʼila, ŋa magihatá slna ɗa, ka gwal dra skwi ŋa Lazglafta, ŋa lafi ta gwira ɗa, ŋa dra urdi, ŋa kla ifut ta kəma ɗa. Vlaŋ vla yu ta dzidzíha gha ta inda skwa pla ghəŋ ŋa dray ta vu ta vlata la Israʼila.

2Rus 26:18

da dvanaghatá mgham Ghuziya, ka həŋ nda tsi mantsa: « Kagha Ghuziya a ta raku ka dra urdi ŋa dray nda dra ŋa Yawe wa! Raŋta gwal dra skwi ŋa Lazglafta, zivira Haruna, pghanagha lu ta rɗi ta həŋ ŋa vlay. Sab sa ma na vli nda ghuɓa na, ghwaɗaka skwi ta mag ka, vlaghata a ta glaku ta kəma Yawe, Lazglafta wu, » ka həŋ.

Sabi 25:37

Ka magafta ka ta pitirlaha ndəfáŋ tida, ka tsafta lu ta vu ta pitirlaha nda təv ŋa tsuwaɗakay ni ta vli nda ta kəma ni.