Sabi 3:18 - Hdi

¹⁸ Dzaʼa sna sna həŋ ta gwaɗa gha. Ŋa sliʼafta gha kawadaga nda tsa la galata mnduha la Israʼila ya slanaghatá mghama Masar. Ka kuni dzaʼazlay nda tsi na: “Yawe, Lazglafta la Hebru, ta guyata nda aŋni. Ndanana ta ndəɓa dzvu ŋni da kagha, zlaŋna zla ka dzaʼa ŋni za fitik hkən ta mbaɗa ma mtak, da planatá ghəŋ ta Yawe, Lazglafta ŋni.”

Sabi 3:18 Referans Kwoze

Sabi 9:1

Ka Yawe nda Musa mantsa: « La slanaghatá Firʼawna, ka ka nda tsi na: “Ka Yawe, Lazglafta la Hebru nda kagha wa: Zliŋ zla ta mnduha ɗa ka sliʼa həŋ da tsəlɓu ŋa ɗa.

Sabi 7:16

Ka ka dzaʼazlay nda tsi mantsa: “Yawe, Lazglafta la Hebru, ta ghunaktá iʼi da kagha. Kaʼa na: Zliŋ zla ta mnduha ɗa ka dzaʼa həŋ da tsəlɓu ŋa ɗa ma mtak,” kaʼa, ama ha gita ka kwalahutá ka ta snata.

Sabi 10:3

Ka lagha i Musa nda Haruna da Firʼawna, ka həŋ nda tsi mantsa: « Ka Yawe, Lazglafta la Hebru wa: “Ha yawu dzaʼa gɗavata ka ma kwal kul dzagatá ghəŋ ta kəma ɗa na? Zlana zla ta mnduha ɗa ka sliʼa həŋ, ka tsəlɓa həŋ ta tsəlɓu ŋa ɗa.

Sabi 9:13

Ka Yawe nda Musa mantsa: « Tsavaf tsava wrək sərɗək, ka lagha ka ta kəma Firʼawna. Ka ka nda tsi na: Ka Yawe, Lazglafta la Hebru wa: “Zliŋ zla ta mnduha ɗa ka dzaʼa həŋ da tsəlɓu ŋa ɗa.

2Rus 30:12

Ma Yuda guli, ka vlaŋtá Lazglafta ta ŋuɗuf ka skwa turtuk ta həŋ ŋa nzata taŋ nda dzratá ghəŋ, ka snatá gwaɗa mgham, nda ŋa maliha, manda ya mna gwaɗa Yawe.

Yəhusuwa 1:17

Dzaʼa snagha sna ŋni ta ŋa gha, manda va ya si ta snanata ŋni ta Musa ma inda skwi ya. Skwi kweŋkweŋ ná, má ka nza Yawe, Lazglafta gha kawadaga nda kagha, manda va ya si nza tsi nda Musa ya.

Mbsak 17:4

Ka hlaftá Ilghazar mnda dra skwi ŋa Lazglafta ta tsa gədzehha ka ghuva tili si ma vəl maray tsa gwal driŋ lu ta həŋ ya, ka pslaptá lu ŋa bukwamtá gwir nda tsi,

Sabi 30:6

Ka fata ka ta tsa gwir ya nda ta kəma tsa zlala ta mbuŋtá akwata dzratá wi nda paɗuwa vla pla dmaku ta ghəŋa klamha dzratá wi ya. Hada dzaʼa guyakwa yu nda kagha.

Sabi 25:22

Hada ta ghəŋa tsa paɗuwa vla pla dmaku ya dzaʼa guyakwa u ma takataka tsa kerubaha his ta tsa akwata dzratá wi ya. Hada dzaʼa mnaghata yu ta inda zlahuha ɗa ŋa la Israʼila. »

Sabi 19:1

Ka sliʼaftá la Israʼila ma Rəfidim. Ta mahkəna tili tahula saba taŋ ma Masar, baɗ taŋtaŋa fitik ma va tsa tili ya, ka ɓhadaghatá həŋ ta mtaka Sinay. Ka fatá həŋ ta ghuɓa taŋ ma tsa mtak ya mista ghwá.

Sabi 4:31

Ka zlghaftá la Israʼila ta tsa gwaɗaha ya. Ka snaŋtá həŋ kazlay nghanagha ngha Yawe ta la Israʼila kəʼa, nda ngha ta satá duna taŋ. Mantsa tama, ka tsəlɓatá həŋ ta haɗik, ka vlaŋtá glaku.

Sabi 4:24

Ɓhadaghata Musa da vla mbiʼa vgha ta tvi, girviɗik, ka lagha Yawe da slanaghata, ka kuma dzata.

Sabi 3:16

La! ka tskanata ka ta la galata mndu mataba la Israʼila, ka mnanata ka ta həŋ: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu, ta zlagagapta da iʼi. Kaʼa nda iʼi mantsa: Nghaghunagha ngha yu kahwathwata, nda ngha yu ta skwi ta mag lu ŋa ghuni ma Masar.

Sabi 3:12

Kaʼa nda tsi mantsa: « Kawadaga yu nda kagha. Ŋa graghafta kazlay iʼi ta ghunaftá kagha kəʼa, mamu ŋizla ta vlaghata yu: Baɗ hlagapta gha ta la Israʼila ma Masar ya, ŋa sagha ghuni da tsəlɓu ŋa ɗa ta na ghwá na, » kaʼa.

Zlrafta 48:3

Ka Yakubu nda Yusufu mantsa: « Zlagap zlaga Lazglafta ta Mbruta ta wa ira ɗa ma Luz ta haɗika Kanʼana, ka tfaɗighatá tsi ta wi.

Zlrafta 17:1

Təmbay mbsak təmbay mida ima Abram, ta maravatá Yawe da tsi. Kaʼa nda tsi mantsa: « Iʼi Lazglafta ta Mbruta. Nza nza ta nzaku ɗina ta kəma ɗa, ka maga ka ta skwi ta zɗəgihata.

Zlrafta 15:1

Tahula tsa skwiha ta maguta ya, ka maravatá Yawe da Abram manda skwi ma suni, kaʼa nda tsi mantsa: « Abram! Ma zləŋ ka ta zləŋ. Iʼi ná, zalama gha yu, dzaʼa vlagha vla yu ta nisəla dagala, » kaʼa.

Zlrafta 12:1

Ka Yawe nda Abram mantsa: « Sliʼaf sliʼa ka zlaŋta ka ta haɗika gha, nda la ghuni, nda la ga da gha, ka dzaʼa ka ta haɗik ya dzaʼa maraghaŋta yu.

Sabi 30:36

Ka tsəɗaʼata ka ka ŋerɗapta kəzlitit, ŋa fata gha ma tumpula guyaku ta kəma akwata dzratá wi ma tsa vli dzaʼa yu da guyaku nda kagha ya. Ka ngha kuni ka skwi ta ghuɓuta.

Zlrafta 14:13

Ka hwayaktá sana mndu ta ndapta ma tsa vulu ya, da mnanatá Abram mnda la Hebru ta nzutá nzakwa ni ndusa nda fuha dagala dagala ma Mamre. Mamre ná, si mnda la Amuru ya, zwaŋama ni ma i Iskwal nda Ghaner. Ka dzraftá tsa mnduha ya ta wi nda Abram.

Sabi 4:1

Ka Musa mantsa: « Wya zlghafta a həŋ wu, snata a həŋ ta gwaɗa ɗa guli wa. “Zlagagap a Yawe ta kəma gha wu!” ka həŋ dzaʼazlay nda iʼi, » kaʼa.

Sabi 5:1

Tahula tsa, ka lagha i Musa nda Haruna da Firʼawna, ka həŋ mantsa: « Ka Yawe, Lazglafta la Israʼila na: “Zliŋ zla ta mnduha ɗa ka dzaʼa həŋ skalihatá skalu ma mtak,” » kaʼa.

Sabi 5:3

Ka i Musa nda Haruna mantsa: « Marava mara Lazglafta la Hebru da aŋni. Kdəkkdək, zliŋnis zla ka dzaʼa ŋni da mbaɗa ka fitik hkən ma mtak, ka planata ŋni ta ghəŋ ta Yawe, Lazglafta ŋni, kada kwala tsi ta vzaŋnaghatá zləmnda, ka kafay a tsi, » ka həŋ.

Sabi 8:1

Ka Yawe nda Musa mantsa: « Mnana mna ta Haruna, ka tɗapta tsi ta dzvu ka fadaptá dafa ni ta ghəŋa zalaha, nda ghwaha, nda drəfha, ŋa sliʼaganapta kləŋha təɓsaʼ ta haɗika Masar, » kaʼa.

Sabi 8:20

Ka magatá Yawe manda va ya mna tsi. Ka sliʼadaghata zuɗiha tuvulvulvul bəɗukw da həga ga Firʼawna, nda ya da həga kwalvaha ni, nda ya ta haɗika Masar demdem. Ka ɓadzanatá tsa zuɗiha ya ta vli katakata ta haɗika Masar.

Sabi 17:5

Ka Yawe nda Musa mantsa: « Lab la ta kəma mnduha, ka hlafta ka ta sanlaha ma la galata mnduha la Israʼila mista gha, klaf ka ma dzva gha ta dafa gha kəl ka si ka dzaŋtá Nil ya, ka dzaʼa ka.

Sabi 4:23

Ka yu si nda kagha na: Zliŋ zla ta zwaŋa ɗa ŋa dzaʼa ni da tsəlɓu ŋa ɗa ka yu, ama ka kwalaghuta ta zliŋta. Mantsa tama, dzaʼa dza dza yu ta zwaŋa gha, zumala gha,” » kaʼa.

Sabi 8:23

Fitik hkən dzaʼa magata ŋni ta mbaɗa ŋa dzaʼa da mtak da planatá ghəŋ ta Yawe, Lazglafta ŋni, manda ya mnaŋna tsi, » kaʼa.